Dóttir mín er með 3 kartnaglur á tánum, hún er ný orðin 3 ára, er einhver sem veit hvert ég get leitað til að fá ráðleggingar og mögulega lækningu við þessu? mér finnst læknar ekki svara neinu... eða er einhver sem getur gefið mér ráð hér sem ég get notað heima?
kv. ráðalaus
kristjanaa | hér er ágætis fyrirspurn um slíkar neglur... (þú ert kannski búin að lesa þet...
hér er ágætis fyrirspurn um slíkar neglur... (þú ert kannski búin að lesa þetta.
Hrufóttar neglur
Spurning: Er það merki um einhvern sjúkdóm, eða skort á vítamínum, þegar neglurnar verða ójafnar, t.d. eins og í mínu tilfelli þar sem eru lóðréttar hrufur á nöglunum?
Svar: Ýmsir sjúkdómar geta valdið útlitsbreytingum á nöglum, bæði litabreytingum og margs konar aflögun. Þar getur verið um að ræða sjúkdóma í lungum, lifur, nýrum eða annars staðar. Algengast er sennilega að um sé að ræða húðsjúkdóma sem m.a. leggjast á neglurnar eða sveppasýkingar í nöglum. Sveppasýkingar eru talsvert algengar og valda gjarnan ósléttum nöglum sem jafnframt eru gular eða hvítleitar og eru slíkar neglur oft kallaðar kartneglur. Sveppasýking er venjulega takmörkuð við eina eða tvær neglur, a.m.k. í byrjun, og slíkar sýkingar eru mun algengari á tánöglum en fingurnöglum. Hrufóttar eða holóttar neglur fylgja oft sóra (psoriasis), blettaskalla og fleiri langvinnum húðsjúkdómum. Járnskortur getur valdið útlitsbreytingum á nöglum en ekkert bendir til þess að vítamínskortur geri slíkt. Ekki má gleyma því að það er fullkomlega eðlilegt að neglurnar verði hrjúfari með aldrinum. Margar af þeim naglabreytingum sem hér hefur verið lýst eru sérkennilegar og einkennandi fyrir vissan sjúkdóm þannig að hafi fólk áhyggjur af naglabreytingum er sjálfsagt að fara til læknis og láta athuga málið. Takist að lækna sjúkdóminn eða bæta upp skortinn má gera ráð fyrir að breytingar á nöglum lagist eða hverfi. http://notendur.hi.is/magjoh/almfr/hud/hud.htm#Broth%C3%A6ttar%20neglur
Masi | Ég fæddist með kartneglur á báðum litlu tám og þær hafa bara verið eins fram ...
Ég fæddist með kartneglur á báðum litlu tám og þær hafa bara verið eins fram á fullorðinsár. Hef ekki heyrt um neina lækningu á þeim eða skýringu á þeim - ég er bara svona ;o)
gudnydogg | Sæl , svolítið seint svar en ég bara gat ekki staðið á mér.
Nú fæddist ég m...
Sæl , svolítið seint svar en ég bara gat ekki staðið á mér.
Nú fæddist ég með kartneglur á öllum nöglum , eins pabbi minn og mamma hans á undan. Það er algengur misskilningur að þetta sé á einhvern hátt tengt sveppasýkingu, svo er ekki . Kartneglur eru einungis ofvöxtur í tánöglum og ekki til nein lækning, krem eða smyrsl við þessu "ástandi" enda er þetta með öllu skaðlaust. Ég mæli með að þú passir mjög að klippa þær reglulega, hafa neglurnar stuttar og pússa þær niður , annars geta þær vaxið inní hold, eða þrengt að í skónum og það get ég sagt þér er hreinasti viðbjóður.
Gangi þér vel
Gulla trukkur | takk fyrir svarið, hún er enn með þetta orðin 7 og 1/2 árs. ég er alltaf að ...
takk fyrir svarið, hún er enn með þetta orðin 7 og 1/2 árs. ég er alltaf að klippa þetta og pússa og sótthreinsa tæki og áhöld eftir á og set svo tea tree olíu á þær eftir á. ég er búin að prufa að ég held allt.