Um er að ræða mál sem snýst um það að því er haldið fram af Reykjavíkurborg að Jóhannes Kjarval hafi gefið borginni aleigu sína sem að samanstóð af málverkum hans, bókum og öðrum munum. Borgin heldur þessu fram óháð því að undirskrift Kjarvals sé hvergi að finna fyrir þessum gjörning. Borgin er þar af leiðandi eigandi málverka Jóhannes Kjarvals en það er einnig áhugavert að tæpum mánuði eftir að Kjarval á að hafa gefið borginni aleigu sína þá var hann lokaður inni á geðsjúkrahúsi og þar af leiðandi er spurningin hvort að hann hafi haft burði til þess að taka þessa ákvörðun sem fullfær fjárráða maður.
Það féllu dómar bæði í héraði og í hæstarétti um þetta mál og Reykjavíkurborg hafði sigur úr býtum, það er samt góð spurning hvort að það sé allt og sumt sem að eigi að skipta máli. Það er ósiðferðisleg lykt af þessu máli og góð spurning hvort að Reykjavíkurborg ætti ekki að taka hið svokallaða "moral highground" og spá í fleiru heldur en bara dómum byggðum á lögum. Ef að Jóhannes Kjarval gat virkilega verið svona gjafmildur við borgina að hann bara gaf henni aleigu sína endurgjaldslaust, afhverju getur borgin þá ekki líka verið gjafmild við Jóhannes Kjarval eða afkomendur hans og skilað eignunum aftur til dánarbúsins?
Dómurinn í máli þessu er umdeildur en einn afkomandi Kjarvals er víst ennþá að vinna í þessu máli og að reyna að fá dómnum hnekkt.
Ég sé þetta þannig dálítið fyrir mér á þá leið að ef að ég ætti geðsjúkan pabba sem að gæfi t.d kirkjunni aleigu sína í stað þess að leyfa henni að fljóta með inn í sitt dánarbú að þá myndi ég allavegana vera voða þakklátur fyrir það ef að kirkjan gæti að honum frá föllnum endurmetið það hvort að hún eigi að þiggja þá gjöf.
Ég er ekki sérfróður um þetta mál en þetta eru svona mínar skoðanir á því og mér þætti það gaman að sjá þetta mál afgreitt áður en helsti baráttumaður þess fellur frá þannig að þetta verði ekki eins og með Sævar Ciezelski að fólk fái loksins einhvern áhuga á þessu eftir að einhver fellur frá.
Ég hefði áhuga á því að sjá skoðanir annara á þessu máli og þær er hægt að birta í reply eða í könnuninni hér að ofan.