kjötbúðingur

börnin mín biðja stundum um svoleiðis.  Eins um kjötbollur úr kjötfarsi. Ég elda oft gúllas og stundum nagga. 

og ertu oft með kartöflur sem meðlæti og brúna sósu?

oftar kartöflumús. með bollunum allavega. 

Gúllas og plain fiskur er oft á matseðlinum hjá mér. Væri alveg til í slátur en það hentar illa v/eldunartíma en okkur er hins vegar boðið 2-3 á ári í slátur til foreldra minna og eins er slátur álíka oft í matinn á mínum vinnustað þannig að ég borða það hæfilega oft :) - annað af því sem þú nefnir er sjaldan eða aldrei í matinn hjá mér.

_____________________________________
Varúð yxna feminísk belja á ferð

Reyndar finnst mér kjötbúðingur, steiktur á pönnu, með sætri pakkastöppu sem búið er að hræra saman við tómatssósu og steiktum lauk alveg lúmskt gott... og yngra barninu líka. Þannig að mögulega er það í matinn einu sinni á ári og þá þegar við erum bara tvö heima :)

_____________________________________
Varúð yxna feminísk belja á ferð

haha þetta er svo mikill 1986 matur

Já, hjá mér fylgir ákveðin nostalgía þessum "rétti", get ekki neitað því :)

_____________________________________
Varúð yxna feminísk belja á ferð

fór bara að pæla í þessu eftir aðra umræðu, ég elda nánast ekkert sem var í matinn í minni æsku, svo var mamma svo mikil kartöflukona, það voru kartöflur með ÖLLU, lasanja og kartöflur? halló? ég sýð kartöflur svo sjaldan að ég hringi í hana til að fá suðutíma

Hehe, eini maturinn sem ég sýð kartöflur með er soðinn fiskur. Held að ég sjóði ekki kartöflur með neinu öðru. En ég grilla eða baka kartöflur mun oftar eða geri kartöflurétti.

_____________________________________
Varúð yxna feminísk belja á ferð

svo má ekki gleyma að ég fór með samloku með súkkulaðihnetusmjöri í morgunnesti á hverjum degi alla mína grunnskólagöngu og Svala

Já samloka og frosinn sítrónusvali var eini rétturinn á mínum skólamatseðli þangað til ég fór í skólamötuneytið síðustu árin.

_____________________________________
Varúð yxna feminísk belja á ferð

að maður skuli hafa lifað þetta af :)

svo voru ALLTAF hamborgarar á laugardögum með frönskum og á sunnudögum var ALLTAF heill kjúlli, waldorfsalat og franskar eða steik, franskar og bernaisse

Hahaha mamma mín var líka svona með kartöflurnar. Einu sinni spurði ég hvort hún gæti ekki haft hrísgrjón eða pasta eða eitthvað svoleiðis. Daginn eftir voru kjötbollur í brúnni, hrísgrjón OG kartöflur. Ekkert verið að taka þær út bara bætt grjónunum við.

þegar ég var byrjuð að elda pasta þurfti hún alltaf að bæta kartöflum við til að hafa með

Ég elska kartöflur; soðnar, steiktar, bakaðar, stappaðar, maukaðar, franskar eða hvernig sem er. Kartöflur eru aðal kolvetnið hjá okkur.

Ég er samt ekki að tala um svona mömmugúllas í brúnni sósu heldur meira pottrétti með alvöru bragði...

_____________________________________
Varúð yxna feminísk belja á ferð

það er allt önnur Ella en ég nota reyndar aldrei gúllasbita í neitt, kaupi nautaþynnur frá kjarnafæði og nota í allskonar

gúllas í þessum þræði er mömmugúllas í brúnni sósu og KARTÖFLUM

eða kartöflumús

já mömmugullas m brúnni sósu og kartöflumús, fínasti vetrarmatur

Svoleiðis gúllas er best ;)

Blah!

gúllas, snitsel slátur og soðinn fiskur er á boðstólnum hér. Innmatur ekki, nema 1 sinni ári eldar mamma lifur og kartöflumús fyrir mig, þegar að hún hættir því þá verður það ekki lengur í boði.  
Slátur er samt eitthvað sem ég get ekki borðað nema yfir háveturinn veit samt ekki af hverju, en gúllas er mjög reglulega á boðstólnum hér

ég hef aldrei getað borðað gúllash og snitzel því mér finnst nöfnin svo fráhrindandi og reyndar líka vont á bragðið

misjafn smekkur :D  en sonurinn sér til þess að þetta sé í boði, hann er með frekar gamaldags matarstíl 

hvað er hann gamall

10

ég geri stundum kjúklinganagga, en gúllas, snitsel, slátur og plain fiskur er oft í matinn, börnin byðja um soðna ýsu og nætursaltaða ýsu

gleymdi mesta ógeðinu, bjúgu sem voru reyndar kallaðir sperðlar á mínu heimili, uppstúf og að sjálfsögðu kartöflur ÆL ÆL ÆL

Ég geri stundum svoleiðis, ekki oft samt, með spældum eggjum og hrásteiktum kartöflum. Fljótlegt og of ljúffengt

af hverju ætti fólk ekki að borða gúllas, slátur, "plain fisk" og innmat annað slagið og snitsel og kótilettur í raspi til hátíðabrigða?  Nagga tel ég raunar ekki mannamat. Raunar borða ég sjaldan slátur, nenni ekki lengur að búa það til sjálf og finnst það yfirleitt ekki gott hjá öðrum. Raspsteiktur matur er bara endrum og sinnum en gúllas, gúllassúpur og þess háttar pottrétti er ég oft með. Fisk vil ég "plein", þ.e. ég kaupi aldrei tilbúna fiskrétti, vil velja krydd sjálf. Innmat borða ég vel af á haustin, finnst það ekki geymast lengi í frysti. -  Og af því að þú spurðir hér einhvern um kartöflur - já, ég borða kartöflur líklega 5 sinnum í viku, soðnar, íslenskar kartöflur.

ég var ekkert að segja að fólk ætti ekki að borða það, það mega allir borða það sem þeir vilja mín vegna, ég fór bara að pæla í þessu, hvort fólk væri ennþá að éta gamla mömmumatinn því ég geri það ekki, bara almenn forvitni þar sem ég er mikill matarperri :)

Það er kannski ekkert skrítið að fólk sé ekki að elda það sama og fyrir 30 árum, það er mun fjölbreyttara hráefni í boði núna og hægt að kynna sér eldamennsku og matarmenningu frá öllum heimshornum í eldhúsinu heima hjá sér.

já þaðan spratt forvitnin

Ah, ég skil :) Ég er stundum með gufusoðinn fisk, kartöflur og lauksmjör, algjör klassík. Og grjónagraut með slátri (myndi taka slátur á hverju ári ef ég væri á Íslandi) og hakk og spaghettí, en geri það reyndar allt öðruvísi en mamma gerði í 'gamla daga'. Held að það sé það eina af þessu klassíska.

Ég elda snitsel, kótilettur í raspi, kjötbúðing, soðinn fisk, kjötfars bakað, steikt og soðið og gúllas. 

Strákamamma á Norðurlandi

Af þessu er soðinn fiskur vinsæll. Annað er ekki oft í boði, sumt aldrei.

Ég ólst upp við hakk og spagetti, chilli con carne, steiktan fisk, lasagne og svipað. Man ekki eftir kjötbúðing eða gúllasbitum í brúnni sósu.

Nöggum man ég ekki eftir nema á McDonald's en fiskistangir í raspi voru mjög oft og þá bornar fram með kartöflum og

mjög oft. 

gúllas í brúnni með kartöflumús og kótilettur í raspi er með því betra sem ég fæ og finnst öllum gott hér.. er stundum með snitsel líka... elda oft mat svona "gamaldags" mat, mun meira en að prófa eitthvað "nýtískulegt" , en hef aldrei verið hrifin af nöggum, kjötbúðing eða kjötfarsi...

Ég elda stundum gúllas á veturna. Restin er ekki á borðum hér

Ég geri allskonar gamaldags mat enda er ég kannski smá gömul. Ég elska slagrúllur, kubbasteik, kótilettur í raspi, snitsel úr svína, lamba og kjúklingakjöti. Fisk í raspi, ávaxtagrauta og slíkt. 

hvað eru slagrúllur?

lambaslög fyllt með allskonar gúmmílaði og vafin upp, steikt í ofni eins og venjuleg steik með rjómalagaðri sósu og kartöflum

hvað eru slög?

Lambaslögin eru kjötið utan á lambarifjunum, þegar búið er að saga hrygginn af þá standa eftir rifin og á þeim er kjöt og fita, þegar búið er að úrbeina það eru það slög. 

ok I did not realise that, Russel did you realise that??  :)

http://ragnarfreyr.blog.is/blog/ragnarfreyr/entry/1102272/