Leiguverð / smá könnun

Leiguverð íbúðarhúsnæðis er misjafnt eftir staðsetningu húsnæðis.
T.d. í Reykjavík er annað verð miðsvæðis eins og t.d. í hverfum 101 og 107 og svo annað verð fyrir hverfi fyrir austan Snorrabraut.
Ég held að algengt verð sé um 3000 - 4000 kr pr fm á mánuði. Misjaft hvort hiti og rafmagn sé innifalið og hússjóður.
Þetta er frekar lágt verð ef miðað er við kostnað eða kaupverð á húsnæði þar sem algengt er að verð pr. fm sé 500 - 700 þús. pr fm.
Þannig er 50 fm. íbúð verðlögð á ca 25 - 35 milljónir. Afborganir sem eru aðallega vextir af 30 millj. kr. af láni til 40 ára eru ca. 150 þús á mánuði.
Síðan þarf eigandi að borga fasteignagjöld og viðhld. Þannig að kostnaður er langtum hærri en leigutekjur. Enda er skortur á leiguhúsnæði.

Ég hef kynnt mér leiguverð per fermetra miðað við þinglýsta leigusamninga osfrv. Ég geri mér grein fyrir að leiguverð sé ekki hátt þrátt fyrir almenna umræðu. Ekkert af þessu var þó spurningin ;)

Há leiga :
Leiguverð er oftast hátt fyrir þann sem leigir ( breytilegt á milli tilfella ). Oftast leigja tekjulágir sem eiga litla möguleika á að kaupa og greiða hátt hlutfall af tekjum í leigu og eignast ekkert á meðan. Getur þó verið kostur.

Ekki há leiga :
Leigusali sem á td tvær íbúðir skuldlitlar eða skuldlausar og leigir aðra út verður ekki of feitur af leigutekjum. Þetta er smá aukabúgrein sem dekkar helstu útgjöld af báðum eignum og eitthvað rúmlega ef vel er á haldið. Margt annað sýsl með íbúðaverð myndi gefa betur í aðra hönd en áhætta etv meiri.

Skammtíma útleiga eins og rbnb hefur gefið leigusala góðan skilding en fyrirhöfnin er full vinna.

Niðurstaðan er : Hvorki leigandi eða leigusali eru í eftirsóttri stöðu en hafa einhvern ávinning hvor.
Leigufélag sem á 200 íbúðir getur verið stabílt fyrirtæki og vaxið ef vel er á haldið.

Þar fyrir utan er dæmi um 80 fm íbúð í 101 sem 230.000 er greitt fyrir í leigu. Innifalið er rafmagn í sameign. Bæði leigusali og leigutaki telja leiguverð við sín mörk.

150 þús fyrir 30 millur? Það eru ekki góð kjör. Ég er með 120 þús fyrir 37. Mig minnir að það hafi verið 137 þús í upphafi. Auðvitað er dýrt að taka óhagstæð lán.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Staðreyndin er samt sú að þú tekur áhættu og kostnað með leigu.

1. Tapaður tími milli leigutaka skipta.
2. Skemmdir á innmati.
3. Eðlilegt viðhald sem ekki er hægt að krefjast.
4. Fólk hættir að borga og þú losnir ekki við það nema á X tíma vegna laga.
5. Almennt viðhald ytra byrðis.
6. Fyrirhöfnin kringum leiguna verður að teljast til tekna, þú átt að fá borgað fyrir random tíma svo dæmið gangi upp.
7. Fjárfesting í steypu, á röngum tíma er fjárfestingin slæm, verður að fá þóknun fyrir þá áhættu.


osfrv...

Þegar fólk horfir til þess að það kosti bara 100 að borga af láni en leigan er 130, þá er mjög skiljanlegt að þetta sama fólk eigi ekki húsnæði og sé biturt, fjármálalæsið er ekkert.

Daginn í dag er leiga ekki há, sama hvað fólk þrætir.

Málið er að fá sér öruggan langtíma leigjanda. Svo er ég í þessu til að eignast 32 millur í fasteign, ekki til að hafa tekjur. Ég er með nægar tekjur. En það er grundvallaratriði ef fólk ætlar fá 30 millur að láni að taka hagstætt lán.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Hvað ertu að segja ? Að eignast 32 millur í fasteign er það sama og að hafa tekjur. Þú ert að fá X í hagnað á mánuði, hvort það sé þess virði miðað við áhættu, kostnað og tíma er spurningin.

Nei, þegar ég átti 32 millur í minni fyrstu fasteign þá fékk ég ekkert í hagnað. Þannig að " eignast 32 millur í fasteign er það sama og að hafa tekjur" er ekki rétt.
Mig vantaði aðra fasteign. Það er skynsamlegra að kaupa hana og leigja en að safna 32-35 millum og kaupa hana svo.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Þú ert annað hvort að eignast tekjur um hver mánaðarmót eða að stóla á að verð fasteigna hækki umfram verðbólgu (sem mér heyrist)

Ég fæ laun í vinnunni þannig að já ég er með tekjur um hver mánaðarmót. Ég gæti ekki borðað tekjulaus.
Ég er ekkert að stóla á verð fasteigna hækki. 
Ég er að kaupa mér aðra fasteign.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

annars er ég að borga um 50 þúsund fyrir 22 millur

Það er gott. Hvar fékkstu það lán?

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Birtu

reiknirinn þar segir rétt undir 58 þús

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Er engu að síður að borga rétt um 48.... Hvað svosem reiknisvélin segir.

Ég leigi út íbúð sem ég á hún er 5 mínútna göngufæri frá kringlunni, í tvíbýli, hún er 107 fm,með Securitas innifalið, björt og falleg á 200.000 allt gefið upp og löglegur samningur, svo viðkomandi fær húsaleigubætur langlímaleiga, leigjandinn er ánægður

Trúi því, meðal leiguverð á svona íbúð er nálægt 300. Tengsl ?

Ég þekki viðkomandi ekkert

105 rvk
kringum 110 fm
ekkert innifalið
tæplega 350þ í leigu
hiti, rafmagn, net og allt annað er borgað sér
milljón í tryggingu..

göngufjarlægð í allt sem ég þarf og fyrir börnin í skólann
íbúðin er mjög fín

mætti alveg vera miklu lægra en þetta var eina sem var laust á réttu svæði og með nógu mörg herbergi (og vildi leigja fólki með börn)

Samningurinn segir 240þúsund, ca 80fm. í 107. Hiti og rafmagn innifalið. Vísitölutengd leiga og því komin yfir 250þúsund núna.
Flott? Nei, margt úr sér gengið og hálfsjúskað, vantar tilfinnanlega að dytta að ýmsu (sem ég kann ekki) og taka baðherbergið aðeins í gegn.
Sátt með leiguverð? Nei, en get ekki kvartað, hef ekki fundið ódýrari 4ra herbergja íbúð með hita og rafmagni inniföldu á höfuðborgarsvæðinu (þarf að leyfa dýr líka).