Nú lítur dæmið þokkalega út. Fá smit finnast og eingöngu 18 sýktir. Farið að slake á ýmsum hindrunum. Fólk virðir 2 metra regluna og þvæ hendur og sprittar sig. Útlitið varandi Covid19 á Íslandi frekar bjart. Pestin virðist vera á útleið.
En hvað tekur við ? Atvinnuleysi er gífurlegt talið vera nærri 60 þús. manns ef hlutdeildarstörf eru talin með. Það er nokkuð víst að túrisminn fer ekkert á flug þó að kórónu veiran sé farin. Efnahagslíf flestra landa hefur orðið fyrir gífurlegu áfalli og þar með auðvitað almenningur. Í þannig ástandi eru skemmtiferðir með flugi ekki efst á lista hjá almenningi. Sumir telja að við munum ekki ná fyrri styrk á næstu árum. Sumir halda að heimurinn muni breytast flugferðir og þessi gífurlega mengun sem þeim ferðamáta fylgir heyri sögunni til a.m.k. í þeim mæli sem áður var.
Þetta eru alvarlegir hlutir fyrir okkur Íslendinga. Ferðaþjónustan var að skaffa um 40% af gjaldeyristekjum okkar. Sennilega er meira en helmingur þeirra sem eru á atvinnuleysisskrá 30 þús. manns tengt ferðaþjónustu beint.
Það þarf að finna ný störf fyrir mjög stóran hóp manna á næstu mánuðum. Hvaða störf og atvinnugrein getur tekið við svo stórum hópi nýrra starfsmanna ?
kaldbakur | Þetta eru auðvitað mjög sérstakar aðstæður. En fram til þessa hefur tekist ...
Þetta eru auðvitað mjög sérstakar aðstæður. En fram til þessa hefur tekist vel að vinna við heilsufarslegar afleiðigar faraldursins. Það sama má segja um efnahagsleg viðbrögð ríkisstjórnarinnar. Guðslukka þjóðarinnar að við höfum svona færa sérfræðinga til að stjórna heilsufarslegri hlið málsins og ekki minni lukka að víð stjórnvölinn niðri á Alþingi er samhent ríkisstjórn sem vinnur nánast eins og einn maður aað lausn málsins. Engu að síður eru aðstæðurnar mjög krefjandi og engan veginn fyrirséð um málalyktir á þessum tímapunkti.
Stóra efnahagslega spurningin fyrir okkur Íslendinga er, getum við vænst þess að faraldrinum verði lokið um næstu áramót og lifa fyrirtækin okkar af nærri algjöra stöðvun í heilt ár ? Margir hafa nú þegar svarað þessari spurning og segja að faraldrinum verði ekki lokið á heimsvísu og þar af leiðandi verði flugsamgöngur ekki komnar á fullt skrið fyrr en eftir 2 - 3 ár. Flugsamgöngur eru auðvitað lykillinn að lausn hvað ferðaþjónustuiðnað okkar varðar. En ýmislegt bendir til að flug innan Evrópu sé jafnvel að byrja að taka við sér nú þegar t.d. til vinsælla ferðamannastaða eins og Kanaríeyja, Vonir standa til að samgöngur innan Schengen svæðisins geti hafist samtímis innan skamms og myndi þannig opnun nýtast okkur vel. Hin stóra samgönguáttin er Bandaríkin en þar er kórónu veiran enn í fullum gangi og gæti því opnun þeirrar leiðar tafist eitthvað. Hvernig sem þetta fer er sérstaða Íslands hvað ferðalög mjög sérstök, vegna víðáttu landsins, hreinleika náttúru, vatns og loftst. Tiltölulega milt sumarloftslag og fjölbreytileiki vetrarveðráttu Íslands gerir landið að sérstökum áfangastað sem aukinn fjöldi ferðamanna mun sækjast eftir í sífellt mengaðari og viðsjárverðari heimi. Til lengri tíma litið á því Ísland alla möguleika hvað áfangastað varðar fyrir þá sem hingað leita til skemmri eða lengri dvalar.
leonóra | Held að við þurfum að horfa til allra átta. Finna ný atvinnutækifæri, efla ...
Held að við þurfum að horfa til allra átta. Finna ný atvinnutækifæri, efla nýsköpun og halda eins vel utan um það eins og við héldum utan um fæðingu ferðamannaiðnaðarins. Við ættum að geta stóraukið ræktun á grænmeti ef raforka yrði lækkuð til framleiðanda og komið þannig á móts við auknar þarfir landans í þeim efnum. Einstaklingar þurfa að koma með allsskonar frumlegt og spennandi einkaframtak sem skapar atvinnu og peninga - nógu hugmyndaríkur var landinn í ferðamennskunni. Vonandi spretta upp lítil fjölskyldufyrirtæki um allt land með litríka og fjölbreytta þjónustu sem höfðar til Íslendinga. Mikilvægast er þó að okkur tækist að lækka græðgisstuðulinn svo við gætum sætt okkur við góða afkomu í stað stórgróða.
kaldbakur | Já fróðlegt að sjá Ásmund Daða Einarsson í Silfrinu.
Smælkið á undan Píratin...
Já fróðlegt að sjá Ásmund Daða Einarsson í Silfrinu. Smælkið á undan Píratinn Mogensen og Proppé … veit ekki hvaðan kemur. Að hlusta á Ásmund Daða samanborið við smælkið var sláandi.