Ég bý ásamt unnustu og ungu barni í leiguhúsnæði sem við leigjum af Íbúðalánasjóði. Undanfarna 3 - 4 mánuði höfum við orðið vör við einhverju sem líkist mjög myglusvepp, í gluggakörmum, bakvið gólflista og í hornum (samskeytum veggja) hér og þar. Svo höfum við orðið vör við þó nokkuð af sifurskottum. Ég hef fundið fyrir tilfinningu sem líkist hálsbólgu stundum á morgnanna og slappleika þó ekki alveg daglega. Barnið sem er 4 mánaða á erfitt með festa svefn og grætur mjög sárt nánast á hverju kvöldi og líður ekki vel á daginn innandyra. Við fórum í frí útá land í lengri tíma og vorum að koma heim fyrir nokkrum dögum og meðan á þeirri dvöl stóð þá sofnaði barnið alltaf án vandræða og grét lítið sem ekkert, allavega ekki líkt því eins sárt og heima. Ég fann ekki fyrir neinum hálsbólgu einkennum né slappleika og manni leið bara allt öðruvísi en heima. Ég og barnið virðumst vera meira næmari fyrir þessu en unnustan mín, auðvitað er barnð með viðkvæmara ónæmiskerfi og ég er með lélegt ónæmiskerfi vegna langvinns sjúkdóms. Við vorum búin að búa í þessu húsnæði í smá tíma áður en Íbúðalánasjóður tók það til sín af fyrri leigusala (Eiganda) þannig að við vitum ekki hvernig við eigum að snúa okkur í þessu vegna þess að við vorum hér áður en núverandi eigandi keypti eignina. Dæmið væri kannski öðruvísi ef við værum að flytja í eignina þegar núverandi leigusali (Eigandi) keypti eignina. Hvað getum við gert? Hver er okkar réttur?