Má reka manneskju því hún reykir gras?

Eflaust fer samt lìklega bara eftir því hvermig starfsmaðurinn er liðinn af yfiirmanninum hvort hann vilji raunverulega gera eittbvað mál úr slíku smáatriði. Því auðvitað ætti ekki að vera löglegt að reka manneskju sem reykir gras frekar en manneskju sem reykir sígarrettur eða drekkur áfengi. Það sem starfsmaður gerir í sínum frítíma á alltaf að vera hans einkamál.

Áfengi og sígarettur eru lögleg gras er ólöglegt,

Flestum er skítsama um gras......það er aðalega eldra fólk og eða fólk sem hefur enga þekkingu á þessu sem er ekki sama

Skil þig ég er í eldri kantinum

Á einkamarkaði þarf ekki að gefa ástæðu fyrir uppsögn þannig að svarið er já.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Svarið er nei. Ef ekki er gefin upp sú ástæða brottrekstrar úr starfi að viðkomandi sé uppvís að grasreykingum, er ekki ástæða uppsagnar úr starfi grasreykingar.

Auðvitað er ástæða fyrir öllum uppsögnum. Þetta er ekki random atburður. En hvort sannleikurinn um umsögn er sagður - það er annað mál. 

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Geturu skýrt hvað þú átt við með " Þetta er ekki random atburður "

Random atburður er til dæmis þegar maður kastar teningi og það kemur upp 6. Það gæti hafa komið upp í 1,2,3,4 eða 5. Þegar þú kastar teningi þá hefurðu enga stjórn á því að það komi upp 6.


Uppsagnir eru ekki tilviljunarkenndur atburður. Það hefur einhver ákveðið að reka einhvern út af einhverju. Það getur verið samdráttur, það getur verið að viðkomandi hafi verið andfúll. En það er alltaf ástæða fyrir uppsögn - uppsögn er eitthvað sem gerist bara tilviljunarkennt. Á almennum vinnumarkaði þarf ekki að gefa upp ástæðu uppsagnar - það þýðir ekki að fólk sé rekið að ástæðulausu. Það er enginn rekinn að ástæðulausu. Það er mannleg ákvörðun á bak við uppsögn.


Það eru mörg dæmi um að ástæður uppsagna hafa verið fordómar en á meðan ástæðan er ekki gefinn upp og það er ekki hægt að sanna fordómanna þá komast atvinnurekendur upp með slíkt. Ég man ekki hvað ég þekki mörg dæmi um uppsagnir á vinum og kunningjum vegna fordóma - ég myndi giska 10-20. 

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Hæææææææj síðan hvenær er þetta spjallsvæði lifnað við aftur!? :)

Grasreykingar eru ólöglegar hvort sem maður er sammála eða ekki en ég myndi persónulega aldrei fara að klaga samstarfsmann fyrir það. Ef viðkomandi vinnur vinnuna sína og reykingarnar snertu mig ekkert persónulega liti ég á að það kæmi mér ekki við.

Það má ekki reka starfsmann fyrir það að reykja gras, ekki frekar en að starfsmaður aki yfir á rauðu ljósi. Það varðar engan um hvað starfsmaður gerir utan vinnu.

Grasreykingar eru brot á hegningarlögum en að aka yfir á rauðu ljósi varðar sektum. Til að finna umferðarlagabrot á svipuðu refsistigi þarftu að vera kominn í lífshættulegann ofsaakstur, vilt kannski ekki leggja það að jöfnu

Það er samt sem ekki atvinnurekanda að sjá um refsingar á hegningar eða öðrum lögum almennt. Ef ég skil þig rétt þá væri hlutverk atvinnurekanda að sjá um refsingar laga ef starfsmaður verður uppvís um vítaverðan akstur og kannabisneyslu með að víkja starfsmanni úr starfi.

Atvinnurekandi getur valið að til dæmis biðja um sakarvottorð við ráðningu og valið að vilja ekki hafa fólk í vinnu sem notar ólögleg vímuefni. Hann getur líka valið að vilja ekki hafa fólk í vinnu sem misþyrma mökum sínum eða eru jafnvel grunaðir um kynferðisbrot. Hann getur líka valið að segja einstaklingi upp sem er með húðflúr á sjáanlegum stað og það er klárlega ekki lögbrot

Allir ráða hverja þeir ráða í vinnu og það er málinu óviðkomandi. Um brottrekstur úr starfi gegnir öðru. Hvað sem þér finnst, þá er það ekki atvinnurekanda að sjá um að fullnægja dómum.

Enda er hann ekki að því, hann er að velja hvern hann hefur í vinnu. Þarf engan dóm. Það eru mjög fáar ástæður sem gera uppsögn í einkafyrirtæki ólöglega og það er á hreinu að að vera mögulega að nota ólögleg vímuefni er ekki á þeim lista.

Flott ef það kyrrir gárurnar !

Í minni vinnu getur þurft að endurnýja sakavottorð. Ef ég fengi dóm um fjárdrátt þá gæti ég verið rekin af því að viðskiptavinurinn sem ég sinni hjá fyrirtækinu er nokkuð nákvæmur á svona atriðum.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Hægt er að dæma aðila fyrir ítrekuð umferðarlagabrot til refsivistar. Það er þó ekki hlutverk atvinnurekanda að sjá um fullnustu dómsins í heild eða að hluta með uppsögn á starfi.

Heldurðu í alvörunni að SÁÁ gæti ekki rekið starfsmann sem vinnur á Vogi fyrir grasreykingar?

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Já, það er alveg öruggt. Ég ræddi eitt sinn skyld mál við einn af lykilstarfmann SÁÁ. Hann sagði mér að engin yrði rekin fyrir slíkar yfirsjónir, en séð yrði fyrir því að viðkomandi myndi " hætta ".
Lagalega er þetta ekki hægt.

Ok, ég veit alveg hvernig fólk er látið hætta í opinbera heilbrigðisgeiranum. Það er greinilega það sama hjá SÁÁ.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Þetta er vegna skorts á lagaheimildum.

Tja, ekki hafa þær komið í veg fyrir að vinir mínir og kunningjar hafa verið reknir úr vinnu.
Þeir hafa bara verið reknir án þess að ástæða hafi verið gefin upp.
Það hefur dugað til að reka þá fyrir kynhneigð, kynvitund og HIV-smit.
Það er alltaf ástæða fyrir uppsögn þótt hún sé ekki gefin upp.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Rétt hjá þér !
Hægt er að segja fólki upp vegna ýmsra ástæðna. En af þessari ástæðu er ekki hægt að segja starfsmanni upp og um það snýst málið.

Ég er leiðinlegur fasisti og atvinnurekandi og ég er sérstaklega á móti fólki sem reykir gras. Nú kemur kjaftaskjóða til mín og segir mér að Nonni sem vinnur hjá mér sé stundum að reykja gras heima hjá sér. Ég skrifa uppsagnabréf til Nonna og gef ekki upp að ástæða mín fyrir uppsögninni er að ég er á móti honum af því að einhver sagði að hann reykti gras. En ég er samt að segja honum upp af því að hann reykir gras.
Hvað er ekki hægt við þetta?

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

í uppsögn kemur ekki fyrir að grasreykingar eru ekki ástæða uppsagnar. Um það var rætt, þe. hvort segja megi upp starfsmanni vegna þess að starfsmaðurinn reykir gras.
Hvernig megi fara kringum þetta eða þúsund aðra hluti er svo annað mál.

Þarna hamaðist ég full hratt á lyklaborðinu.
Aftur:
í uppsögn kemur ekki fyrir að grasreykingar eru ástæða uppsagnar. Um það var rætt, þe. hvort segja megi upp starfsmanni vegna þess að starfsmaðurinn reykir gras.
Hvernig megi fara kringum þetta eða þúsund aðra hluti er svo annað mál.
Spurningin var ekki um hvernig hægt væri að segja upp starfsmanni án þess að raunveruleg ástæða kæmi fram.

Ekki þarf málefnalegar ástæður fyrir uppsögn " Slík ákvæði um málefnalegar ástæður eru ekki í kjarasamningum á almennum vinnumarkaði" sjá þetta hjá ASÍ
" Menn geta samkvæmt því sem almennt er viðurkennt í íslenskum vinnurétti sagt upp störfum af hvaða ástæðum sem er og sömuleiðis getur  atvinnurekandi  sagt starfsmönnum sínum upp störfum af hvaða ástæðum sem er, svo framarlega sem slíkt fari ekki í bága lagaákvæði um tiltekna hópa, svo sem ákvæða laga sem takmarka frjálsan uppsagnarrétt vinnuveitanda, m.a. ákvæða um trúnaðarmenn og öryggistrúnaðarmenn, barnshafandi konur og foreldra í fæðingarorlofi, starfsmenn sem tilkynnt hafa um fæðingar- og foreldraorlof  og starfsmenn sem bera fjölskylduábyrgð. Einnig geta sérákvæði einstakra kjarasamninga takmarkað uppsagnarrétt t.d. við að til þeirra þurfi málefnalegar ástæður sbr. t.d. Hrd. nr. 19/2008 . Slík ákvæði um málefnalegar ástæður eru ekki í kjarasamningum á almennum vinnumarkaði og almennt þarf aðili ekki að tilgreina ástæður fyrir uppsögn en sé vafi á að  atvinnurekandi  hafi haft rétt til að segja starfsmanni upp, til dæmis ef um trúnaðarmann er að ræða, ber honum að sýna fram á að tilefni hafi verið fyrir uppsögn og rökstyðja hana. Jafnvel þótt ekki sé skylt að tilgreina ástæður fyrir uppsögn má telja það eðlilega kurteisi."

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Það eru reyndar mjög strangar reglur um uppsagnir í ríkisgeiranum sem gera uppsagnir mjög erfiðar. Einkamarkaðurinn býr ekki við jafn strangar reglur.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Það er auðvitað hægt en þarft að vera ansi þröngsýnn asni til að gera slíkt. 

Þetta er ólöglegt efni á íslandi.
Það hlýtur samt að hafa mikil áhrif hverskoar starfi viðkomandi gegnir.
Maður sem vinnur hjá t.d. lögreglunni, eða á heilbrigðisstofnun og væri að nota þessi efni hlýtur að vera í mikilli hættu að missa starfið.
Svo skiftir auðvitað máli hvar viðkomandi neytir efnisins og í hve miklum mæli.
Sennilega myndu flestir yfirmenn verða lítið hrifnir af því að hafa .annig starfsmann en kannski fer líka eftir ýmsu öðru í fari viðkomandi starfsmanns.