mjög einmanalegt nýbyrjuð að búa ein..einhver ráð?

Ertu ekki að vinna á daginn? Ertu heima allan daginn, alla daga?
Hafðu kveikt á útvarpi með talmáli, ekki bara músík. Ekki skjóta Rás 1 niður strax, merkilega góð afþreyting stundum að hafa áhugaverðar umræður í gangi á meðan maður gerir annað. Vendu þig á að lesa bækur, þær geta verið góður félagsskapur.

Skipuleggðu frítíma þinn fyrirfram, jafnvel í fastar rútínur þar sem regluleg, ódýr afþreyting og hreyfing á fastan stað. Komdu þér upp hobbýi til að sinna líka heima og skipuleggðu tíma til að sinna því, farðu á námskeið í frítímanum.

Kenndu þér að elda fjölbreyttan mat og taktu tíma í það. Bjóddu jafnvel einni manneskju til að elda með þér og borða saman.
Bjóddu fólki heim, það þarf ekki að vera dýrt, t.d. í léttan kvöldverð á virkum degi eða brönsj um helgi, eða bara ost og kex til að spjalla og jafnvel spila borðspil.
Notaðu áminningu í símanum til að minna þig á það sem þú þarft að gera heima. Gerðu allt sem þú myndir gera ef þú býrð með öðrum. Ef einveran er að gera út af við þig, íhugaðu þá að taka inn leigjanda ef þú ert með auka herbergi.
Hringdu rútínubundið í ættingja þegar þú ert heima við og ræktaðu tengslin.

Jú að vísu er ég að vinna núna í sumar en venjulega er ég námsmaður og samt sem áður þrátt fyrir góðan dag með félögum í skóla er hrikalega erfitt að koma heim og vera í þessari íbúð. :/

En vá þakka þér kærlega fyrir allar þessar hugmyndir sem ég hlakka til að prufa, sérstaklega þettta með útvarpið og að bjóða fólki heim í mat, ekki veit ég afhverju mér hafði ekki dottið það í hug fyrr :) Takk takk Xx

Ættleiddu kött. Frábær félagsskapur. Alltef einhver sem tekur á móti þér þegar þú kemur heim og gefur þér endalaua ást.
Ef þú hefur aldrei átt kött, fáðu þér kött sem er fullorðinn. Þá er búið að ala hann upp og hann fer ekki að merkja íbúðina einsog kettlingar gera. Þeir eru rólegri og vanir að vera í kringum fólk. Svo vita þeir að þú bjargaðir þeim þannig að þeir munu sýna þér miklu mieri ást en kettlingar.

https://www.youtube.com/watch?v=9JcB5fLAKbk

Þetta er frábær hugmynd, ég á að vísu hund á augnablikinu en ég er sammála þér með kettina, hef átt um 6 ketti á lífstíðinni - þeir klikka ekki :)

Æi þetta er  dapurt.  Þú þarft að finna þér eitthvað sem nærir þig og gefur þér tilfinningu fyrir gleði og hamingju.  Þarft að leggjast yfir hvað þig langar og hvað gerir þér gott.  Er ekki til félagsskapur fyrir þá sem búa einir ?   Fyrir fólk sem endilega er ekki að leita að maka - heldur félagsskap - fara út að borða saman, í bíó og leikhús - hafa gaman saman.  Félagsskapurinn gæti heitið Gaman Saman.  Mér finnst ég alltaf vera að heyra frá  fólki í þínum sporum.

Já nákvæmlega, af einhverjum ástæðum á ég erfiðara með það eftir að ég fór að búa ein, en já ég þyrfti að skoða þetta Gaman Saman! Takk kærlega fyrir ábendinguna :))

Tinder. Málið leist.

Ég elskaði að búa ein áður en ég gifti mig. Að dunda sér í þögninni með sjálfri mér (tala nú ekki um með eina kisu malandi einhvers staðar á svæðinu) er eitt af því sem ég sakna við það að búa ein. Svona erum við nú ótrúlega misjöfn og ólík. Það sem mér fannst best var að grúska (lesa bækur, grúska í einhverju sem vakti áhuga), spilaði líka multiplayer leiki á netinu hvenær sem mér sýndist (enginn að nöldra í manni að koma nú að sofa bráðum), lærði að prjóna eftir youtube vídeóum og fleira skemmtilegt. Hugmyndaflugið er í rauninni eina fyrirstaðan hjá þér að njóta þess að vera ein. Mamma sagði alltaf að það þýddi lítið að búa með öðrum ef manni líður ekki vel með sjálfum sér og í mínum huga er þetta hugarástand sem maður þarf einhvern veginn að þróa með sér yfir einhvern ákveðinn tíma. Annars bara ótrúlega flott hjá þér að vera sjálfstæð - þú ert ekki mjög gömul ef ég skil þig rétt :)

Já einmitt ég vonast til að venjast þessu og líða eins vel og þú gerir!
Og nei ég er einmitt bara rétt um 18:) takk fyrir ráðin