Niðursveifla í hagkerfinu heldur áfram.
kaldbakur
| 5. feb. '20, kl: 21:14:41
|
130 |
Svara
|
Er.is
|
0
Seðlabankinn lækkar stýrivexti um o,25%.
Seðlabankinn lýsir stöðu útflutningsgreina á hógværan hátt, en nú er yfirstandandi mesti samdráttur í útflutningi í 30 ár. Minni tekjur í sjávarútvegi m.a. vegan loðnubrests, erfiður markaður fyrir álafurðir og fækkun ferðamanna.
Stærsta fréttinn hjá Seðlabankanum er samt að bankinn hælir þjóðinni fyrir ráðdeild og fyrir að hafa dregið úr eyðslu og þessvegna er hagkerfið ekki verr statt en raun ber vitni, krónan hefur haldið verðgildi sínu þrátt fyrir áföll hagkerfisins.
Fjármálaráðherra hefur lýst samdrættinum á svipaðan hátt og seðlabankastjóri og báðir eru þeir mjög hæfir til að stýra þjóðinni út úr þessum erfiðleikum á farsælan hátt.
Núna sjáum við erfiðleika fyrirtækja birtast í samdrætti í fjárfestingum t.d. í byggingariðnaði og fækkun starfsfólks. Fjármálaráðherra boðar innspýtingu fjármagns í framkvæmdir t.d. í vegamálum með sölu á hluta Íslandsbanka.
Ytri áföll á heimsvísu eru við sjóndeildarhring. Kórónu veiran er að lama viðskipti á heimsvísu á margan hátt. Kína er nánast í einangrun og flugsamgöngur útum allan heim eru að dragast saman. Það er við búið að ferðamönnum muni ekki fjölga hérlendis frá því sem var í fyrra. Hótel og ýmsar framkvæmdir sem eru í gangi munu ekki ganga sem skyldi. Það eru því yfirvofandi gjaldþrot ýmissaaðila tengdum ferðamannaiðnaði. Vegna loðnubrests annað árið í röð munu ýmis fyrirtki og jafnvel heil byggðarlög lenda í erfiðleikum. Áliðnaður á heimsvísu er í erfiðleikum vegan verðfalls vegan offramleiðslu Kínverja, hætta er á lokun einhverra álvera hérlendis, Ísal hefur dregið úr framleislu sem gerir Landsvirkjun erfitt fyrir.
Landbúnaðurinn okkar er þó sú atvinnugrein sem stendur á margan hátt þokkalega vegan hreinleika og gæða.
Þrátt fyrir öll þessi ytri áföll þá stendur þjóðarbúið þokkalega. Styrkur þjóarbúsins er til kominn vegna þess að fjármálastjórnin hefur verið aðhaldsöm skuldir greiddar niður og fé veitt í hagkvæmar aðgeriðir og ekki síst að tvær síðustu ríkisstjórnir náðu að fá skaðabætur frá föllnu bönkunum og eigendum þrotabúanna með snjöllum samningum.
Þarna hefur orðið griðarlegur viðsnúningur í fjármálastjórn og því er staða þjóarbúsins þokkaleg í dag.