Hverju þarf maður að leita eftir þegar maður er að skoða notaða bíla? Svona fyrir utan það augsljósa, ekki ryð, hvað fylgir (er hann á sumardekkjum eða...), hvað hann er gamall og keyrður mikið og þess háttar.
Er það misjafnt eftir tegundum hvað þeir þola að vera keyrðir mikið án þess að vera alveg búnir? Hvað með t.d. Nissan Terrano, árg. 1998, keyrður 219 þús... er það búinn bíll? Á maður kannski ekki einu sinni að vera að skoða svona gamla bíla?
-------------
Ég fíla ekki kaldhæðni.
tjúa | Myndi tengja akstur frekar við tegund véls frekar en tegund bíls. Dísilvélar...
Myndi tengja akstur frekar við tegund véls frekar en tegund bíls. Dísilvélar endast oft betur en bensínvélar. Annað er kannski hægt að tengja við tegund: td á Nissan það til að ryðga frekar hratt. Honda og Toyota td halda sér vel í endursölu, eitthvað sem Hyundai og Daewoo ofl gera alls ekki. Ég myndi ekki skoða alveg svona gamlan bíl nei, nema þú þekkir bifvélavirkja. Ég myndi reyna að halda mér við innan við 10 ára mörkin sjálf.
torat | Þessi sem ég var að kíkja á er sýnist mér reykjavíkur bíll og þá held ég að ...
Þessi sem ég var að kíkja á er sýnist mér reykjavíkur bíll og þá held ég að hann sé nokkuð pottþétt vel ryðgaður (það er reykjavíkur límmiði á númeraplötunni).
Vantar annaðhvort mjög rúmgóðan 5 manna bíl eða 6-7 manna bíl, fjórhjóladrifinn, og að sjálfsögðu helst sem ódýrastan.
-------------
Ég fíla ekki kaldhæðni.
tjúa | Sko.... Með fyrirvara um að ég beri enga ábyrgð þá get ég sagt þér að Nissan...
Sko.... Með fyrirvara um að ég beri enga ábyrgð þá get ég sagt þér að Nissan hefur reynst mér rosalega vel. Hef átt þá nokkra. Foreldrar mínir/dóttir mín deila einum 20 ára gömlum, og ég er nýbúin að selja einn 16 ára. Þeir eru ryðgaðir og forljótir, en vélin er ódrepandi. Þeir hafa þurft svolítið viðhald (það reynist erfitt að laga pústið undir bíl foreldranna td vegna þess hve ryðgaður hann er. Pústið bara helst ekki lengi) en ekkert tengt vélinni. Bifvélavirkinn minn dásamar þessa bíla. Ég kann samt ekkert á svona viðhald, og lifi þannig lífstíl að það dugar einn bíll á heimilinu og þess vegna seldi ég hann.
torat | Skil þig. Það er vont ef maður er endalaust að lenda í viðgerðum með þessa b...
Skil þig. Það er vont ef maður er endalaust að lenda í viðgerðum með þessa bíla, það er það sem ég hef mestar áhyggjur af. En ef bíllinn er sæmilega vel með farinn þá er það minna áhyggjuefni held ég.
Sæl torat. Það er misjafnt hversu lengi bílar endast. Það sem ræður mestu er hvernig bílinn hefur verið notaður og viðhaldið. Bíll sem er keyrður langakstur slitnar minna per km, en bíll sem er keyrður stöðugt stuttar vegalengdir, vélin því alltaf köld og slitnar meira. Hér eru nokkrar ábendingar frá fíb varðandi bílakaup Varðandi Terrano, þá þarf að skoða vel ryð að aftanverðu. En það er alltaf happadrætti að fá góðan bíl á þessum aldri. Kveðja habe.
Svona í viðbót við það sem hefur komið fram þá skoðum við alltaf líka umboðið fyrir bílinn. Það var t.d. glatað að eiga gamla Mözdu því að umboðið var glatað, átti ekki varahluti í gamla bíla og kærði sig bara ekkert um að eiga það (og já ég veit að það er hægt að panta að utan en maður kannski nennir ekki að bíða eftir einhverri í legu í mánuð sem hægt væri að kaupa hérna heima strax)