Það er kostulegt að sjá verkalýðsforkólfa standa í stafni og heimta meiri kauphækkanir en aðrir fengu
í s.k. Lífskjarasamningum. Verkalýðsbaráttan snýst í auknum mæli um innbyrðis átök og er hver
stéttin upp á móti hverri annari.
Styttri vinnuvika og auknar kauphækkanir umfram aðra eru kröfurnar,
jafnvel þó að á Íslandi sé ein styssta vinnuvika og mestu frídagar og hæstu laun og jöfnuður samkvæmt öllum mælingum.
En manni finnst ekki bara kostulegt að horfa uppá þennan skollaleik og bræðravíg , heldur líka sorglegt því að allir munu tapa.
Efling verkalýðsfélag hefur staðið í verkföllum núna í um þjár vikur, eftir að hafa staðið að heildarsamþykkt með
systurfélögum sínum um allsherjarsamkomulag til hagsbóta þeirra lægst launuðu.
Efling samanstendur af verkafólki aðallega af erlendum uppruna og sem að mestu byggja vinnu sína á þjónustu
við fiskvinnslu, verkamannavinnu, ferðamannaiðnaðinn og rekstur hótela og veitingastaða.
Ríkisstjórnin breytti skattkerfinu til lækkunar skatta þeirra lægst launuðu og gerði ráðstafanir í húsnæðismálum sérstaklega
sniðnar fyrir þá tekjulægri og var það hluti af s.k. lífskjarasamningum.
Þetta samkomulag sem allir undirrituðu fyrir um ári síðan og sátt var um dugði samt ekki til.
Opinberir starfsmenn og ýmsar háskólastéttir voru með lausa samninga fyrir nærri ári síðan.
Ekki náðist að semja við opinbera starfsmenn en núna rétt fyrir verkföll BSRB og annara stéttta opinberra starfsmanna og heilbrigðisstétta sömdu menn
að auki um styttingu vinnuviku og svipaðar launahækkanir og í svokölluðum lífskjarasamningum fyrir nærri ári síðan.
Nú sjá allir sem með málum heimsins hafa fylgst að yfirstandani Kórónu veirufaraldur (Kovid 19) er að leggja efnahag heimsins í rúst.
Öll helstu fyrirtæki heimsbyggðarinnar eru í stökustu vandræðum og allar verðbréfa vísitölur hafa hríðfallið eða eru þegar
í einum mesta botni frá upphafi mælinga. Atvinnuleysi hefur um árabil verið mikið í Evrópu og víðar í heiminum.
Flugfélög útum allan heim eru að aflýsa ferðum og draga úr rekstri sínum vegna Kórónu veirunnar og ótta almennings um smitun eða
banns stjórnvalda um ferðalög og lokun landssvæða til að draga úr farsóttinni vegna veirunnar. Fjölmörg flugfélög berjast nú við
að halda áfram rekstri með langtum minni umsvifum eða að fara ella í gjaldþrot.
Við Íslendingar höfum á undanförnum árum verið aðnjótandi mjög aukins áhuga erlendra ferðamanna á landinu okkar og nú er svo komið
að ferðaþjónusta og allt í kringum þann iðnað er að standa undir um 40% af gjaldeyristekjum okkar í dag.
Það er þvæi borðliggjandi að nýfengnar kauphækkanir almennings verða teknar til baka í versnandi lífskjörum á næstu mánuðum.
Vegna óvenjulegra aðstæðna æa heimsvísu þar sem Kórónu pestin er hefur eins og fyrr sagði allur túrismi dregist nú þegar mjög saman og
fólki er víðast hvar ráðlagt að forðast ferðlög og fjöldasamkomur allar.
Það er því ekkert bara hérlendis sem við horfum uppá versnandi afkomu heldur heimsbyggðin öll.
En eins og einhver benti á þá er það jákvæða í þessu öllu það að samdráttur í ferðalögum, flugferðum, lestarferðum, skipaferðum, akstri bifreiða
og minni olíueyðsla og umsvif á heimsvísu minnkar kolefnisspor okkar jarðarbúa svo um munar.