Nýleg reynsla af sængurlegu eftir keisara?

Ég fór í keisara seint á síðasta ári. Var ein á stofu og maki mátti gista. Klósett og sturta inná stofunni. Fékk að vera í 2 sólarhringa á deildinni.

Ok hljómar mun betur en það sem ég átti von á miðað við fyrri reynslu :) Veistu hvort það hafi verið almennt þegar þú varst að allir gætu verið á sérstofu?

Jú það er algjörlega reynt að hafa konur einar á stofu, sérstaklega keisarakonur. Nema það verði eitthvað óvenju mikið að gera.

Frábært að heyra! Mér fannst algerlega glatað að geta ekki haft manninn minn hjá mér í síðustu tvö skipti (2004 og 2006), það hefði munað svo miklu fyrir byrjun á brjóstagjöf að hafa aðstoðina við höndina bara í staðin fyrir að þurfa að dingla og bíða svo eftir aðstoð. Ég er hálf traumatiseruð eftir þetta síðast. Þetta verður mikið betra :)

Mín upplifun af legunni var mjög góð eftir keisarann. Átti mjög slæma fyrri reynslu af fæðingu og sængurlegu. Fannst ég líka í mjög öruggum höndum í aðgerðinni sjálfri.

Gott að heyra þetta, takk fyrir svörin :)

Var bara með einni á stofu 2009 og var einmitt úrvinda eftir það, því hún hagaði sér algjörlega eins og hún væri ein á stofu. Galopnaði alltaf gluggana þannig það var ískalt í herberginu og slökkti öll ljós, og soldill gestagangur hjá henni og bara bleh. Ætla næst að ath með að fá að hafa kallinn hjá mér, var eiginlega alltaf með stelpuna upp í hjá mér bara því það var svo erfitt að taka hana úr vöggunni til að sinna henni. Þú veist mál að standa upp og leggjast upp í með hana í fanginu osfrv, ekki séns að taka hana upp í öðru vísi.

...................................................................

Já, ég kannast nefnilega við svona herbergisfélaga. Ég prófaði líka tveggja manna stofu og stelpan sem var með mér lokaði til dæmis aldrei klósetthurðinni þegar hún fór á klóið heldur sat og talaði við mömmu sína sem sat frammi á meðan. Ég er alveg glöð ef ég losna við að kynnast fólki svona náið!
Þetta með að geta ekki sótt barnið sjálf eyðilagði alveg fyrstu vikurnar af brjóstagjöf og leiddi til blæðandi sára og svoleiðis skemmtilegheita. Mér tókst aldrei að leggja barnið rétt á brjóstið nema ég fengi aðstoð við að koma mér fyrir og það var ekkert hlaupið að því þegar pabbinn var farinn heim um kvöldið.