Maður hefur svo sem tekið eftir þessu síðastliðin ár að markaðsjólin koma alltaf viku fyrr en árið á undan, eitthvað sem hefur eflaust farið í taugarnar á fleirum en það hefur glatt. Já kapítalistarnir hafa ákveðið að breyta skal jólunum í vetrarhátíð sem nær helst bara yfir alla vetrarmánuðina því þá verslar fólk meira eða eitthvað.

Jólaljósin auðvitað löngu komin upp í Ikea en núna ætlar Reykjavíkurborg hinsvegar að vera memm og er strax byrjuð að seta upp skrautið á strætum borgarinnar. Ástæðan? Jú einhver markaðsdúddinn segir að það verði að gleðja fólk vegna Covid og borgarstjórinn hleypur auðvitað bara af stað. Hann er reyndar þekktur fyrir að hlaupa alltaf að myndavélum þegar tækifæri bjóðast, nema auðvitað þegar hann veit að einhver ætlar að spurja hann óþægilegra spurninga þá er hann hvergi að finna.


Ég man þegar ég var krakki að þá var alltaf svo gaman á fyrsta í aðventu þegar fólk kveikti á seríunum. Það var nánast eins og ýtt væri á takka sem breytti landinu í jólaland. Svo á Þorláksmessu var rjóminn settur á kökuna með því að setja upp og skreyta jólatréið. Núna hinsvegar gerist þetta allt svo smátt og smátt yfir langan tíma að maður nær ekki alveg þessari sömu upplifun og hér áður fyrr. Allt á bara að vera einhvern meginn og allskonar frekar en að halda í hefðir.


Markaðsdúddinn og Dagur tala um einhverja gleði en hvað með þá sem eru pirraðir og verða bara ennþá pirraðri við að sjá svona fíflagang? Lífið virkar ekki þannig að meira er alltaf betra sko. Er þetta svo ekki sama borgin sem eftir bankakreppuna fór í það að stytta lýsingartíma á ljósastaurum svo gróflega að hægt var að tala um hættuástand? Núna þykist þetta lið geta leikið sér alveg með rafmagnið hægri vinstri þó fjármálin séu í algjörri óreiðu.

Þetta Samfylkingarlið virkar oft á mann eins og hinir mestu popúlistar, ekki mikið skárri en systurflokkurinn Piratar. Ágætis hugmynd að sameina þetta í nýjan flokk. Geta eftir sameiningu kallað hann Fjölmenningarflokkinn eða Góða Fólkið™.