Sælar, við kærastinn minn erum búin að vera að reyna í ca ár núna. og ákváðum að spíta í lófana á nýju ári ;) Svo það var farið og keypt egglosunarpróf í byrjun janúar eftir að síðustu blæðingum lauk, og um miðjan janúar var prófið jákvætt í um 3 daga svo þeir dagar voru nýttir vel :)
Í enda janúar þegar ég átti að fá næstu blæðingar fannst mér ég fá einhver þungunareinkenni, aum brjóst og verki í legið eins og það væri eitthvað að teygjast á því. Þannig að síðasta mánudag, s.s fyrir viku síðan tók ég þungunarpróf sem var jákvætt, en fékk þó daufa línu svo við þorðum ekki að fagna strax, heldur bíða 2 daga og taka annað. Það var líka jákvætt en einnig með daufri línu. Síðan þá hef ég tekið þrjú próf og síðast í gærmorgun en öll hafa bara gefið daufa línu í prófglugganum, en skýra línu í kontrolglugganum.
Nú veit ég alveg að ef það kemur lína í prófglugganum að þá er nóg hormón svo prófið nemi það, en ætti línan ekki að dekkjast þegar frá líður t.d á þessari viku sem er liðin síðan ég tók fyrsta próf og síðasta? Eru þungunarhormónin í mér ekkert að aukast?
Æ, ég er bara svo hrædd um að byrja á blæðingum hvað úr hverju fyrst að prófin gefa ekki skýrar í skyn að þetta sé komið. Hafið þið einhverja þekkingu eða reynslu af svona prófum með daufri línu?
donnasumm | Til hamignju með baunina ;) lína er alltaf lína á þungunarprófum sama hversu...
Til hamignju með baunina ;) lína er alltaf lína á þungunarprófum sama hversu dauf hún er, hún er svona dauf útaf því að líkaminn er ekki farið að framleiða nógu mikið af þungunarhormónum. En það kemur ef þú bíður í nokkra daga. :D
Rósý83 | Til hamingju :) Hef lesið að sumar fái daufa línu alla meðgönguna :)
Takk :) Það er þá ekkert annað að gera en að gleðjast og hlakka til :) Er búin að panta tíma hjá lækni og fer næsta mánudag. Takk fyrir svörin, finnst ég mun rólegri núna :D
Babushka | Ömurlegt... Byrjaði að fá smá blóðslykju í klósettpappírinn í gærkvöldi, og ...
Ömurlegt... Byrjaði að fá smá blóðslykju í klósettpappírinn í gærkvöldi, og svo í nótt byrjaði að blæða mikið og kröftugir verkir með, eins og hríðir eða samdrættir. Er þá víst eftir allt ekki lengur ólétt.
lukkuleg82 | Æ, leiðinlegt að heyra þetta. Líklegast er að frjóvgaða eggið hafi ekki náð ...
Æ, leiðinlegt að heyra þetta. Líklegast er að frjóvgaða eggið hafi ekki náð að festa sig nægilega vel. Þetta var svipað hjá mér í fyrsta sinn sem ég fékk jákvætt á þungunarprófi (eftir nokkura mánaða reynerí), fékk ljósar línur sem ekki dökknuðu og nokkrum dögum síðar fór að blæða. Ég ákvað að líta þetta samt jákvæðum augum þar sem það hafði greinilega frjóvgast egg sem þýddi að eitthvað var að virka. Tveimur mánuðum síðar varð ég svo ófrísk að stráknum mínum. Ég vona að þú verðir fljótt ófrísk og sendi þér fullt af frjósemisstraumum :)