Ég bara verð að fá smá álit. Ég og kærastinn minn erum búin að vera að reyna núna í 4 mánuði. Ég hætti á pillunni í júní og fyrstu 2 tíðarhringir eftir það voru eðlilegir (með einkennum af því að hætta á pillunni), þriðji tíðarhringur var rúmlega 40 dagar (mjög óeðlilegt). Þetta er tíðarhringur 4 og hann hefur verið eðlilegur þangað til í síðustu viku (ég átti að byrja á túr í gær sunnudag). Alla síðustu viku var ég með mikla og öðruvísi útferð en ég man eftir að hafa fengið. Viku áður en ég átti að byrja á túr var ég með verki ásamt útferðinni, alveg þannig að ég var alltaf að búast við því að vera byrjuð á túr þegar ég fór á klósettið en allt kom fyrir ekki. Á fimmtudag (þá þremur dögum fyrir áætlaðan túr) fór ég að finna fyrir ógleði. Hún kom og fór og smá verkir af og til. Á laugardaginn ákvað ég að taka próf (geratherm early detect minnir mig að það heiti) og það var neikvætt.. Ógleðina er ég ennþá með en í gærkvöldi byrjaði ég að fá túrverki eins og ég væri að fara að byrja, var mjög aum (grét og pirruð yfir engu, sem er ólíkt mér).. Hvað á ég að bíða lengi með að taka annað próf? Ég er í rauninni bara einum degi of sein.. Þessi síðasta rúma vika er bara búin að vera skrítin og ég veit ekkert hvernig ég á að haga mér.. Hringdi og pantaði tíma hjá kvensa til að athuga með tíðarhringinn fyrst prófið var neikvætt..
ÓRÍ73 | þetta er bara möjg eðlilegt hormónaóregla eftir að hafa hætt á pillunni, byr...
Hvernig útferð var í síðustu viku? Var það þunn eða þykk? Gæti mögulega hafa verið egglos þá, sumar fá verki með egglosi. Egglosinu gæti hafa seinkað og þá seinkar blæðingum jafn mikið og egglosinu seinkaði. Fínt að eiga tíma hjá kvennsa og skoða hvort það er ekki allt eðlilegt, en hormónarugl er ofsalega algengt eftir pilluna, það gerist ekki alltaf í fyrsta hring heldur einmit í 3ja-5ta hring eftir að maður hættir. Ég myndi allavega gefa þessu fram að næstu helgi og próf þá kannski annað próf, ef það er neikvætt að bíða þá eftir kvennsa. Það þurfti að ýta blæðingum af stað hjá mér í öðrum eða þriðja hring eftir að ég hætti á pillunni í bæði skiptin (fyrir báðar meðgöngurnar mínar)
Annaa2 | Úrtferðin var þunn.. En þetta var alla vikuna.. Ekki bara í 3-4 daga..
Ef egglosið stendur eitthvað á sér þá getur egglosútferðin verið í soldið lengri tíma. Það getur gerst þegar líkaminn er tilbúinn í egglos en egglosið kemur ekki. Þá myndiru fá næstum jákvætt egglospróf ef þú myndir taka þannig og það væri jákvætt eða nánast jákvætt í marga daga því líkaminn er tilbúinn í egglos. Ef egglosið kom ekki eða seint þá er gott að eiga tíma hjá kvennsa. Stundum þarf bara aðeins að jafna hormónana eftir pilluna.
roko | Hjá mér tók það fleiri fleiri mánuði fyrir líkamann að komast í lag hormóna...
Hjá mér tók það fleiri fleiri mánuði fyrir líkamann að komast í lag hormónalega séð eftir að ég hætti á pillunni... egglosið var oft ekki á réttum tíma og ég var oft með brjóstaspennu og ógleði en var samt ekki ólétt. Auðvitað vona ég að ólétta sé óstæðan fyrir undarlegri viku hjá þér en búðu þig samt undir að þetta sé eitthvað hormónabrengl bara. Ég mæli hiklaust með að nota egglospróf til að sjá hvenær egglosið er ;) Ég varð ófrísk um leið og við prófuðum að notast við þau