Hæhæ. Mig langar að forvitnast fyrir dóttur mína sem var að greinast með tvær erfiðar geðraskanir. Dóttir min er á þrítugsaldri. Hún er fullfær um að hugsa um sig sjálf og kemur vel fyrir, það myndi engum gruna að eitthvað væri að hjá henni. En hún er mjög brotin og helst ekki í neinni vinnu vegna einkenna sem fylgja þessum geðröskunum. Hún mun hefja lyfjagjöf og verður alltaf á lyfjum, ásamt því að hefja (vonandi tímabundna) samtalsmeðferð hjá geðlækni. Hún mun ekki ná fullum bata af þessum röskunun en getur náð góðum bata með lyfjagjöf og stuðningi og lifað góðu lífi ásamt því að geta sinnt starfi. Hún stundar háskólanám (ekki fullt nám) og á börn. En getur ekkert unnið. En hún þarf að borga leigu, reikninga og leikskólagjöld osfrv. Þannig örorkubætur eru líklegast það eina í stöðunni fyrir hana þá á meðan hún er að reyna að ná stjórn á þessum röskunum, eða hvað? Allavega þá vil ég spurja fyrir hennar hönd, en hún hefur miklar áhyggjur af þessu og skammast sin (sem hún auðvitað ætti ekki að gera en þetta er alltaf erfitt). Ef hún fer í örorkumat og fær einhverja örorku(sem eg efast ekki um) mun hún þurfa að sýna framtíðar vinnuveitendum að hún hafi verið á örorku vegna geðraskana? Hún sem sagt vill ná góðum bata geta unnið við það sem hún er að læra og vonandi með hjálp lækna mun hún geta það, en hún er sem sagt hrædd um að þeir sem hún sækir um vinnu hjá í framtíðinni munu vita að hún sé með þessar raskanir og munu þá kannski ekki ráða hana. Og getur hún fengið að stunda nám með örorkubótum/lífeyri? Ef einhver þekkir þetta vel má hann endilega segja okkur sem mest þar sem við vitum ekki hvernig þetta gengur fyrir sig.