Samband / sambúð - börn frá fyrra sambandi

Þetta klikkaði alveg, spurningarnar eru of langar þ.a. aðeins hluti af spurningum birtist. Svona áttu valkostirnir að vera:

• við búum saman með okkar börn og gengur vel / ásættanlega
• við búum saman en gengur illa að slípa sambúðina til af ástæðum sem tengjast börnunum okkar
• við búum saman en gengur illa að slípa sambúðina af öðrum ástæðum en þeim sem tengjast börnum okkar
• við búum ekki saman slíkt væri of mikið rask fyrir börnin okkar (og kannski bara alla aðila)
• við búum ekki saman börnunum kemur illa saman
• við búum ekki saman af annari ástæðu

hæhæ, ég byrjaði með manni fyrir um ári síðan og var fljótt ljóst að það væri alvara í þessu, hann kynntist börnunum mínum frekar snemma og gekk vel. fór að eyða fleiri og fleiri nóttum hjá okkur, enda fannst mér full bjánalegt að senda hann heim í næsta hús haha. hann flutti svo til mín að mestu og svo fyrir stuttu fluttum við saman í stærri íbúð til að sameina búslóðirnar okkar. í okkar tilfelli voru engir miklir flutningar í gangi, hann bjó í næstu blokk og kom til okkar, svo fórum við öll í næstu götu bara. stelpurnar hafa tekið honum opnum örmum og öfugt. þær eru 3ja og 5 ára. hann átti engin börn fyrir. 

Ég átti 2 börn úr fyrra hjónabandi þegar ég kynntist núverandi sambýlismanni, þau voru þá 5 ára og 14 ára. Það gekk og gengur bara mjög vel og ég hef alltaf upplifað okkur sem bara heila fjölskyldu, stelpurnar mínar hafa alltaf litið á hann sem part af fjölskyldunni. Við eignuðumst svo tvö börn til viðbótar og ég veit að ef til þess kæmi að við myndum skilja þá myndu stelpurnar mínar og sambýlismaðurinn halda áfram sínum samskiptum, enda hann búinn að vera partur af þeirra lífi í meira en 10 ár.

Hvað með fólk sem kom bæði með börn frá fyrra sambandi inn í nýja sambandið? Hefur fólk t.d. lent í því að börnum hefur alls ekki komið saman, af hvaða ástæðu sem það hefur verið?

Einhver?

Veit um par með börn undir 18 af fyrra sambandi (5 alls) og þau vilja ekki flytja saman vegna plássleysis, hafa ekki efni á íbúð með nógu mörgum herbergjum.

______________________________________________________________________

En hafa samt efni á að eiga/leigja sitthvora íbúðina?

Tjah, veit ekki hvernig það er.

______________________________________________________________________

Ég veit um þannig dæmi þar sem börnin voru öll eldri en 10 ára (5 samtals). Þau fóru til fjölskylduráðgjafa og það tók smá tíma en börnin sættust á endanum. Þau bjuggu saman á meðan allir voru í ráðgjöf.

kv. alboa

Ég þekki persónulega ekki til þess, enda lítið af samsettum fjölskyldum í kringum mig, en það eru örugglega fjölmörg dæmi um það. Ef þú ert í þessari aðstöðu ráðlegg ég þér að kíkja inn á stjuptengsl.is, það er símatími alla miðvikudaga, seinnipartinn. Þau geta pottþétt gefið þér fullt af góðum ráðum.

Ég á eitt barn af fyrra sambandi, er núna búin að vera í sambúð í 1 og hálft ár og gengur mjög vel, eiginlega bara vonum framar.

Er ekkert fólk sem hefur reynslu af því að stofna til sambúðar þar sem eitthvað af börnunum er með alvarlega röskun sem hefur sett álag á fjölskyldulífið og valdið samskipta vandamálum milli barnanna og hvernig hefur gengið að vinna úr slíkum aðstæðum?

við eigum samtals 3 börn af fyrri samböndum, 2 búa alltaf hjá okkur og það þriðja aðra hverja viku. Gengur lygilega vel :)

Tveggja gullmola mamma:)
15.05.09-01.03.11