Hæhæ, er í leit af góðum sálfræðing fyrir mig og kærastann minn í sambandsráðgjöf. Höfum aldrei farið áður og veit ekkert um þetta þessvegna leitaði eg hingað. Vantar einhvern góðan ef einhver hefur reynslu :) Og náðuð þið að laga sambandið ykkar?
vidjan | Lausnin í Kópavogi er með nokkra ráðgjafa sem hægt er að velja úr, kostar 15...
Ég og eiginkona mín fórum til Todd Kulczyk sem er staðsettur í Hamraborginni og hann var algjörlega framúrskarandi bæði varðandi þjónustuna sem hann veitti og líka með liðlegheit þegar kom að því að finna tíma og lausnir sem hentuðu okkur hjónunum þarsem við vinnum og ferðumst bæði mjög mikið sem gerir það erfitt að finna tíma sem virkar.
Ég myndi segja að sambandið okkar er mikið sterkara eftir að hafa farið til hans, ég er sjálfur hamingjusamari og betur útbúinn til að leysa úr vandamálum og erfiðleikum í einkalífinu og annarsstaðar.
Það er mjög persónubundið, fer eftir því hvað er að hrjá fólk og líka eftir því hvað virkar fyrir fólk. Það er ekki ein patent lausn sem virkar fyrir alla og Todd var mjög góður í því að ræða við okkur bæði og finna aðferðir sem virkuðu fyrir okkur á góðan og uppbyggjandi máta.
Ég og eiginkona mín lærðum mikið um samskipti, þá ferla sem við förum í eða þann hrunadans sem við förum bæði í þegar að rifrildi hefjast sama hvort það séu orð eða þögn og hunsun sem fylgir því.
Við teiknuðum sumt t.d. góðar og slæmar minningar, skrifuðum niður ýmislegt til að velta fyrir okkur eða til að taka með ásamt því að leika sumt eða sýna tilfinningar okkar á táknrænan hátt einsog einn veggur er að þessi vika var frábær en hinn veggurinn var að vikan var ömurleg, staðsetjum okkur þar og ræðum það.
En svona í heildina að þá eru þetta allskonar æfingar til að skilja hvort annað betur og okkur sjálf, hvað veldur okkur báðum hamingju, óhamingju og hvernig við getum leyst úr ágreiningum. Sambandið er mikið sterkara og skilningur okkar á hvort öðru fór uppá annað stig eftir atburði sem hefðu rústað flestum samböndum og við erum sterkari en áður.