Syrgir eins og annan missi og reynir að finna eitthvað annað í tilverunni sem gerir lífið bærilegra þrátt fyrir þessa lífsreynslu. Lærir að lifa með þessu og fer í gegnum sorgarstigin, kannski með aðstoð. Og bíður eftir að öll vinnan við að gera það sem maður á að gera og sjálfsræktin fari að skila sér.
Mjög einstaklingsbundið hvernig fólk vinnur úr þessu. Þeir sem virðast þetta lítið á sig fá eru oft að sópa tilfinningunum undir teppið þar sem erfitt er að takast á við svona höfnun. Afleiðingin getur orðið mikil vanlíðan langt eftir sambandsslitin sem getur leitt til félagslegrar einangrunar og misnotkunar á áfengi og/eða vímuefnum.
Það er drulluerfitt að missa partner eftir langt samband en ef þú ert nógu hugaður einstaklingur til þess að takast á við þetta um leið, muntu komast betur og fyrr út úr þessum tilfinningalega öldudal.
Fókusaðu á sjálfan þig og reyndu að finna út hvað nærir þig og gerir þig hamingjusama(n) - Eyddu tíma og pening í að gera hluti sem þig hefur langað til en kannski sett til hliðar þegar þú varst í sambandi.
Talaðu við þá sem eru þér næstir, finndu nánd og samkennd hjá ættingjum og vinum ef .æu getur.
Mæli með því að fara til sálfræðings því þeir eru alveg hlutlausir og sérþjálfaðir til þess að takast á við tilfinningakrísur. Það er engin uppgjöf að leita sér faglegrar aðstoðar, það er merki um sjálfsþekkingu og þroska að viðurkenna fyrir sjálfum sér að maður geti ekki allt alltaf sjálfur. Sálfræðingi getur þú líka sagt dýpstu hugarangistir þínar sem þig langar ekki að ræða við vini eða ættingja. Svo eru mörg stéttarfélög sem niðurgreiða slíka þjóustu fyrir félagsmenn sína.
Að lokum, reyndu ekki að horfa á tímann sem þú eyddir með fyrrverandi sem glataðan tíma eða töpuð tækifæri. Þessi tími var þér dýrmætur og allt sem þú lærðir um sjálfa(n) þig og sambönd fer í reynslubankann. Þetta var ekki tímaeyðsla, heldur bara æfing og mikilvæg reynsla sem mun nýtast þér þegar þú ert tilbúin(n) að finna framtíðarmaka þinn.
ræma | Mæli með námskeiði sem hefur verið haldið og heitir Líf eftir skilnað, hjálp...