Getið þið gefið af tíma ykkar? Átt þú eftir að gera góðverk í ár? Helgina 9-11 október verður haldið Íslandsmót í Boccia en Boccia íþróttin er fjölmennasta íþróttagreinin sem er stunduð meðal fatlaðra og eldriborgara hér á landi. Búist er við fjölda keppenda en 18 aðildarfélög í Íþróttasambandi fatlaðra senda keppendur á þetta mót. Íþróttafélagið Öspin heldur utan um mótið í ár og vantar nokkra sjálfboðaliða til aðstoðar. Kynningarfundur og dómaranámskeið í Boccia verður haldið miðvikudaginn 30.september kl.19.30 til 21.30 í Klettaskóla í Reykjavík og eru allir sem mögulega getað aðstoðað hvattir til að mæta.