Sjúkradagpeningar

Það þarf að klára veikindarétt hjá vinnuveitanda áður en sjúkrasjóður stéttarfélagsins tekur við, en ég skil ekki alveg af textanum hjá þér hvernig ferlið hefur verið.


Hvenær veiktist hann? Hvað var hann búinn að vinna lengi hjá vinnuveitanda? Hvað var hann búinn að nota marga veikindadaga á síðustu 12 mánuðum áður en þessi veikindi komu upp? Hvað er það sem sjúkrasjóður Eflingar neitar að borga?

Hann er búinn að nýta alla veikindaga og rúmlega það á síðustu ca 3 árin, Vinnuveitandinn hefur borgað honum ansi marga veikindaga umfram það sem er í kjarasamningum. Efling segir að það séu 48 dagar á síðusta 12 mánaða tímabili. Hef alltaf staðið í þeirri meiningu að það séu 2 dagar á mánuði er ekki eins og virðist vera í þessu máli 48 dagar.

Varla á hann svo rétt á 3 mánuðum í viðbót á launum ef hann er búinn að taka út alla veikindadagana?

Tveir dagar á mánuði á bara við fyrsta árið hjá vinnuveitanda.
http://www.efling.is/wp-content/uploads/2014/04/Kjarasamningur-2014-SA-og-Floi-A5-vefutgafa.pdf
Skoðaðu kafla 8.1 í þessum kjarasamningi.

Ef hann er búinn að vinna þrjú ár á þessum stað, þá á hann að fá greidda þrjá mánuði í veikindum, einn á fullum launum ("staðgengilslaunum" þar sem tekið er tillit til vaktaálags o.þ.h.) og tvo á grunnlaunum. Veikindadagar á síðustu 12 mánuðum dragast frá því.

Segir Efling að hann sé búinn að nota 48 daga eða að heildar rétturinn hjá vinnuveitanda séu 48 dagar? Hvað teljið þið / vinnuveitandinn að hann sé búinn að fá marga veikindadaga greidda á árinu? (Þú segir að þeir séu fleiri en 48). Koma þeir dagar ekki allir fram á launaseðli?

Nei þeir gera það nefnilega ekki, hann hefur oft misst úr vinnu heilar vikur jafnvel 2 -3 í einu en fengið greidd laun þó svo að hann sé veikur.hann hefur fengið laun fyrir heilu og hálfa dagana líka. . Vinnuveitandinn hefur ekkert verið að telja þessa daga sem hann hefur verið veikur.

Þá er ómögulegt að segja til um hve marga daga hann hefur verið frá vinnu.

Strákurinn er með slæma sóragigt sem leggst aðallega á báðar hendur eða réttara sagt á fingurnar og það gengur illa að finna lyf handa honum sem virka.

Þessi breyting hefur alveg farið fram hjá okkur, ég bara trúði því ekki að hann gæti þurft að fara í mál við vinnuveitandann sem hefur verið svo skilningsríkur og borgað honum laun fyrir flesta veikindadagana.

Vinnuveitandinn skrifaði 32 daga á vottorðið, hann eins og við stóðum í þeirri meiningu að veikindadagarnir væru 2 í mánuði.

Það var nú þekkt að ansi margir töldu að þessir 2 veikindadagar væru frídagar sem fólk ætti rétt á. Ætli það séu margir sem taka þá 4 daga í mánuði sem frí

Samkvæmt þessu þá á vinnuveitandinn að borga honum laun í 3 mánuði þrátt fyrir að hafa borgað honum laun í öllum þessum veikindadögum sem hann hefur fengið borgað.

Stráksi á auðvitað erfitt með að fara fram á þetta við vinnuveitandan vegna þessa og ég efast um að hann geri það og skil hann mjög vel

Það er ekki mál Eflingar að vinnuveitandi hafi ekki haldið utan um veikindaskráningu. En það er alveg galið að ætla ekki að fara fram á það við vinnuveitanda að hann borgi umsaminn veikindarétt. Það er bara klikkun.


Hvað segir vinnuveitandi þegar honum er bent á þessar skyldur sínar?

http://i.imgur.com/mVrNx4L.jpg

Það er einfaldlega ekki val ef hann vill fá tekjur.... hann verður að klára réttinn fyrst. Og það er ansi langt síðan farið var að miða við 12 mánaða tímabil í sambandi við veikindi......  en það eru ennþá margir að tala um þessa blessuðu 2 daga þráttt fyrir að hafa kannski verið að vinna hjá sama vinnuveitanda í 10 + ár.....svo þið eruð ekki þau einu.


Stéttarfélagið hans á að ganga í málið ef það verður eitthvað vesen... veit að í svona málum sem ég hef vitað af hefur stéttarfélagið aðstoðað við að  fá þann rétt sem er í gildi.  

-----------------------------------------------------------------------------------------------------------------------

Þetta hafði ég ekki hugmynd um, hef alltaf staðið í góðri trú um að maður safnaði þessum 2 dögum á mánuði, las svo kjarasamninginn eftir að hafa séð þetta hér! Alltaf að læra eitthvað nýtt.

Það er óheppilegt að vinnuveitandi hafi ekki skráð veikindadaga. Þá hefur hvorki hann né þið neina sönnun um það hversu marga daga er búið að borga. Það er kannski einhver möguleiki að ræða við þau hjá Eflingu og útskýra að þetta sé misskilningur og ath. hvort að þeir samþykkja að taka við nýju vottorði vinnuveitanda með leiðréttri skráningu. Ekki víst að það verði samþykkt, en má reyna.


Þessi kjarasamningsákvæði um veikindarétt (2 dagar pr. mánuð á fyrsta ári, mánuður eftir árið, 3 mánuðir eftir þrjú ár og 4 mánuðir eftir fimm ár) eru í samræmi við lög frá 1979 svo þetta er ekkert nýtt.


Þeir veikindadagar sem vinnuveitandinn er búinn að borga (32 samkvæmt skráningu hans) dragast frá - það eru s.s. ekki 3 mánuðir til viðbótar við þá. Ef hann á rétt á 48 veikindadögum skv. Eflingu er hann líklega ekki búin að vinna í full 3 ár (

(48 vinnudagar eru 2 mánuðir og 1 vika) en í öllu falli þá dragast alltaf allir greiddir veikindadagar á sl. 12 mánuðum frá þessum rétti. Þess vegna er svo mikilvægt að þeir séu skráðir á launaseðla.


Ef að Efling vill ekki taka við nýju/leiðréttu vottorði vinnuveitanda þá vantar 16 vinnudaga upp á (3 vikur) sem vinnuveitandi verður að greiða. (Ekki 3 mánuði).