Mig langaði að athuga hvort einhver geti svarað mér með smá mál. Málið er að ég á íbúð sem er í skammtímaleigu eins og er, leigjandinn vildi losna fyrr en ég gat ekki orðið að því og sagði að samningurinn þyrfti því að standa. Við gerðum með okkur samkomulag þar sem ég geymi trygginguna og hef hana inn á reikning hjá mér(tek fram að ég vildi bankaábyrgð en að beiðni leigjandans geymi ég þetta). Nú sýnist mér leigjandinn ekki ætla að greiða þann mánuð sem hann vildi sleppa við, er kominn fram yfir gjalddaga og svarar ekki skilaboðum. Má ég taka þessa ógreiddu leigu af tryggingunni án þess að ræða það við einn né neinn?
lillion | Já amk gerði ég það sjálfur í sömu aðstæðum.
4. Tryggingarfé sem leigjandi greiðir til leigusala og hann varðveitir. Leigusali má ekki ráðstafa fénu eða taka af því án samþykkis leigjanda nema genginn sé dómur um bótaskyldu leigjanda. Þó er leigusala jafnan heimilt að ráðstafa tryggingarfénu til greiðslu á vangoldinni leigu, bæði á leigutímanum og við lok leigutímans. Tryggingarfé í vörslu leigusala skal vera verðtryggt, en ber ekki vexti. Að leigutíma loknum skal leigusali segja til þess svo fljótt sem verða má hvort hann gerir kröfu í tryggingarfé eða hefur uppi áskilnað um það. Ella skal hann skila leigjanda tryggingarfénu ásamt verðbótum án ástæðulauss dráttar. Leigusala er aldrei heimilt að halda tryggingarfénu í sinni vörslu án þess að gera kröfu í það lengur en í tvo mánuði frá skilum húsnæðisins, sbr. 1. mgr. 64. gr.