Góðan dag. Ég er að skilja eftir tæplega 20 ára samband. Við erum að búa til fjárskiptasamning. Ég er að velta einu fyrir mér.Í mörg ár eða um 10 ár vann ég ekki fulla vinnu til þess að maki gæti sinnt sínu starfi fullkomlega. Um það er ekki deilt. Þetta hefur áhrif á framtíðartekjur á eftirlaunaaldri þar sem lægra starfshlutfall merkir lægri greiðslur í lífeyrissjóð og séreignarlífeyrissparnað.
Er einhver hér sem viet hvernig fólk hefur tekið á svona málum við skilnað? Þið megið gjarna senda mér í skilaboðum.
Bestu þakkir, Kústurinn
Steina67 | Mig minnir að það sé gert þannig að þú færð hluta af séreignarlífeyrissparna...
Samkomulag um skiptingu áunninna ellilífeyrisréttinda hefur eftirfarandi í för með sér:
Við skilnað er tryggt að áunnin ellilífeyrisréttindi komi til skipta.
Við andlát sjóðfélaga fær eftirlifandi maki helming ellilífeyrisréttinda sjóðfélagans, auk þess sem maki fær greiddan makalífeyri út á áunnin og framreiknuð réttindi sjóðfélagans eins og ekki hefði komið til skiptingarinnar.
Áhættulífeyrisþátturinn (örorkulífeyrir, makalífeyrir, barnalífeyrir) er ennþá til staðar hjá sjóðfélaga eftir skiptinguna, en skiptiréttindin ein og sér mynda ekki rétt til örorkulífeyris eða barnalífeyris. Verði sjóðfélagi öryrki eftir að ellilífeyrisréttindum hefur verið skipt, fær hann því samt sem áður örorkulífeyri eins og ekki hefði komið til skiptingarinnar.
Þetta snýr að skiptingu framtíðarréttinda - þau eru skilin sýnist mér og að skipta fortíðarréttindum.
Þessi skipting sem VR er að sýna þarna er svo líka eitthvað sem þarf að skoða mjög vel, áður en rokið er í þetta - skiptingin er ávallt gagnkvæm og óafturkræf og ef að sá sem hefur lægri réttindi fellur frá á undan, skerðast réttindi þess sem eftir lifir - miðað við hvað hann/hún hefði fengið ef réttindum hefði ekki verið skipt.
Hreinlegast er að gera þetta uppgjör, ef slíkt er gert, við skilnaðinn sjálfan - auðveldast er að meta ávinning séreignasparnaðar, hitt er erfiðara að eiga við.
tóin | Áunnin lífeyrisréttindi eru oft gerð upp við skilnaðinn sjálfan - svo þau s...
Áunnin lífeyrisréttindi eru oft gerð upp við skilnaðinn sjálfan - svo þau sitji ekki yfirhausamótum fólks löngu eftir skilnað.
Í ykkar tilfelli væri hugsanlega eðlilegast að reikna út áunnin réttindi beggja yfir þetta 10 ára tímabil og skipta því í tvennt - lögfræðingar hafa gert svona skiptingar, þetta er ekki endilega auðvelt í útreikning, en þetta er reiknanlegt.
Kústurinn | Já ok, en veistu hvernig það er gert í framkvæmd? Segjum að ég hafi safnað 3...
Já ok, en veistu hvernig það er gert í framkvæmd? Segjum að ég hafi safnað 3 milljónum króna og hann 6 á þessu tímabili. Þá þýddi það 4,5 eða að ég ætti kröfu í 1,5 milljón af hans lífeyrisréttindum. Hvernig er það gert upp?
tóin | Ég er enginn sérfræðingur í þessum málum - séreignasparnaðurinn er auðveldas...
Ég er enginn sérfræðingur í þessum málum - séreignasparnaðurinn er auðveldastur í meðförum og þar sem ég þekki til var þetta metið með einhverjum hætti og svo gengið frá þessu með uppgjöri - annar aðilinn bar þá minna úr býtum í lausafé úr búinu en hinn. Réttindin metin á t.d. 4 milljónir sem jók þá eignarhlut annars í sameiginlegu húsnæði sem því nam.
Kaffibætir | Hér linkur á dóm hæstaréttar frá 2002 um fjárskipti hjóna og eru séreigna-lí...
Hér linkur á dóm hæstaréttar frá 2002 um fjárskipti hjóna og eru séreigna-lífeyrisjóðsréttindi sameign hjóna og koma því til skipta. . http://haestirettur.is/domar?nr=1675&leit=t
