Sælar stelpur,

Ég var að fá út úr örorkumati vegna bílslys og ég er ekki alveg sátt með niðurstöður úr matskýrslu. Í upphafi var verkurinn í baki, hálsi og öxlum sem ég greindi frá.

Ég æfði töluvert mikið fyrir slysið en þurfti að gefa að skilja að hætta/minnka það. Ég var reglulega hjá sjúkraþjálfara, og ég fylgdi honum eftir í einu og öllu.
Þegar hann gaf mér leyfi að fara hreyfa mig þá gerði ég það og auðvitað það sem líkaminn leyfði. Ég fer á hlaupabretti, skokka/labba til að koma mér af stað. Ég finn eitt sinn þegar ég er á brettinu það smellir eitthvað í hnénu og þvílíkur sársauki.

Ég fer til læknis sem sendir mig í allskonar rannsóknir, röntgen, segulómun og hvað þetta allt heitir. Niðurstaðan er „trosnað“ krossband og rifinn liðþófi.

Ég hélt áfram hjá sjúkraþjálfaranum með því markmiði að koma mér í stand og vinna á verkjum sem ég fékk í upphafi bílslyss ásamt nú fætinum sem hafði orðið fyrir hnjaski.
Sjúkraþjálfarinn vildi meina að það sé gerðist á hlaupabrettinu hefði geta gerst vegna þess að ég beitti mér ekki rétt vegna verkjanna sem ég var með fyrir.

En matsaðilar meta svo í skýrslunni minni að þetta dæmi á hlaupabrettinu hafi ekkert með fyrra slys að gera.

Ég fer í veikindaleyfi frá vinnu vegna andlegrar heilsu sem ég tel að hluta til megi rekja til að ég hætti að hreyfa mig sem eru afleiðingar slyssins en þeir vilja heldur ekkert gera með það í matinu.
Af því ég skilaði ekki inn staðfestingu frá þáverandi yfirmanni sem er löngu hættur hjá fyrirtækinu, fyrir utan það hann hafði ekki hugmynd um hvað ég var að ganga í gegnum.

Matsaðilar fengu vottorð frá heimilislækni og sálfræðing þar sem koma fram að afleiðingar veikindaleyfisins mætti rekja til slysins.

Mín spurning er, hefur einhver reynslu á því að andmæla skýrslu sem kemur úr matsgerð ?