Spurt hvort þú sért að fitna !

Nei það er ekki eðlilegt að skipta sér af holdafari annarra, hvað þá kvenna sem eru með börn undir 2 ára aldri. Þetta er ósmekklegt og taktlaust og ég myndi segja það við viðkomandi ef ég væri í þessari stöðu. 

,,That which is ideal does not exist"

En ef fólk er að grennast? Er þá ok þegar fólk kemur með athugasemdir um hvað þú sért að grennast? Eða, hvað þú sért grönn/ mjó í það heila tekið?

Af hverju að vera að kommenta á fólk yfirhöfuð? 

Mér finnst bæði mjög pirrandi

Guess who I'm dating? Wes Brody. He's super cute. He plays soccer with my sister. He's seven.

Ef fólkið er vinir manns og maður veit að það vill grennast og er rosa ánægt með það, þá finnst mér alltí lagi að gefa komment á árangur viðkomandi ef hann hefur grennst. Líka ef ég veit að einhver vill bæta á sig og finnst hann of grannur, þá bara gaman að segja hvað viðkomandi lítur vel út ef hann hefur bætt á sig. Málið er að maður vill hrósa en ekki setja út á vini sína eða fólk almennt.

Nú hef ég reynslu af því bæði að vera í geggjuðu formi og að vera spikfeit vegna sjúkdóms. Mér fannst miklu erfiðara að vera grönn en feit uppá leiðinda komment að gera. Grönn þurfti ég sífellt að vera að verja mig fyrir kommentum og afsaka og útskýra, en feit fékk ég bara að vera í friði. Annars finnst mér fáránlegt að kommenta svona á útlit fólks yfir höfuð. 

Ég held að þetta sé staðan í mörgum tilfellum. Kannski af því að það er bara mjög mikið af feitu fólki og þeir sem eru feitir eru ekki beint að skera sig úr eða eru einhver minnihlutahópur. Aftur á móti er sjaldséðara, finnst mér, að sjá grannt fólk töluvert undir kjörþyngd, svo þeir eru þá kannski meira jaðarhópur. Svo halda kannski margir að það sé sjálfvalið hjá þeim „of" grönnu að vera svo grannir en að þeir sem eru feitir séu það ekki af eigin vilja.

Ég hugsa að það tengist því líka að það þyki dónalegra að gera athugasemdir við feita manneskju heldur en granna. Að vera grannur er "jákvætt" svo fólki finnst allt í lagi að koma með alls konar athugasemdir og skot, en ef einhver er of þungur þá hef ég tekið eftir því í kring um mig að fólk* er líklegra til að tala um manneskjuna þegar hún er ekki á staðnum en við hana. 
* þetta eru oft sömu einstaklingar og sem gera athugasemdir við grannt fólk - þeir eru mjög uppteknir af útliti annarra yfir höfuð.

Ömurlega ósmekklegt. Kemur bara engum við hvernig holdarfar þitt er. 


Og hvað kemur það öðrum við hvort þú sért bara heima að éta? Það er bara geðveikt næs að vera heima að éta.

Óeðlilegt og ósmekklegt. Heitir hnýsni. Fyrir utan að átta aukakíló gera þig ekki feita.

♥♥♥♥♥♥♥♥Joðvillingur♥♥♥♥♥♥♥♥
Við erum ríkið, ríkið er við.
http://er.is/messageboard/messageboard.aspx?advid=13498192&advtype=52

„I hate football. It‘s primitive, dull, pathetic and cruel.“ Mikey H

dónaskapur

Rota viðkomandi með bumbunni

*-*-*-*-*-*-*-*-*-*-*-*-*-*-*-*-
Í dag er dagurinn í dag og á morgun kemur annar dagur

Að mínu mati dónalegt. Nema þetta væri einhver svo nákominn þér að þið væruð oft að spjalla um holdafar ykkar og hvort þið séuð að bæta á ykkur eða grennast og væruð að gefa hvor annari vinsamlegt aðhald. Sem væri kannski ólíklegt. En ég á samt góða vinkonu og við ræðum alveg stundum holdafar okkar við hvor aðra :)

Mér finnst það dónaskapur. Amma gerir það alltaf í hvert sinn sem hún sér mig. Mælir mig upp og niður og kommentar alltaf að ég hafi fitnað eða grennst frá því síðast. 

Amma mín gerir þetta líka og toppar það með því að bjóða mér eitthvað á kaffihúsi fyrir að snúast með sig, fara svo í fýlu yfir að ég vilji bara kaffibolla og heimta að ég fái mér líka tertusneið og nefna það svo "góðlátlega" við mig yfir fyrsta bitanum að ég þurfi nú að borða hollt og passa mig á sykrinum. Dæs!

____________________________
....... ??

Vá þetta er ömurlegt. Hvernig dettur þeim svona til hugar? Mín gerði þetta við mig sem barn. Ég vildi kannski ekki borða sætindin en það var nöldrað og nöldrað þangað til að maður át fyrir hana og á meðan maður át þetta síðan sagði hún við mann ,, svona áttu ekki að borða! Þú verður feit af þessu og konur eiga ekki að vera feitar". Hvað var hún þá að láta mig éta þetta á hverjum degi!?
Svona var þetta daglega frá 6-16 ára. Engin furða að ég fitnaði sem barn og hef verið að berjast við vigtina síðan.

Óviðeigandi og mjög dónalegt. Þar að auki gera 6-8 aukakíló engan feitan svo þetta er ekki einu sinni rétt.

Myndi vera viðbúin ef þetta gerist aftur og vera tilbúin með setningu til að reka ofan í manneskjuna og gæfi skýrt til kynna að þetta væri óviðeigandi umræðuefni og henni algerlega óviðkomandi.

Svipað dónalegt og þegar fólk bendir mér á að 'ég þurfi nú að borða'.

Tveggja gullmola mamma:)
15.05.09-01.03.11

Nei þetta er ekki alveg eins dónalegt. Já það er ekki samt að kommenta á útlit fólks yfirhöfuð en feitt fólk verður bara fyrir svo miklu meiri fordómum og viðbjóði heldur en grannt fólk að þetta er ekki sambærilegt. Feitu fólki er neitað um vinnu, það fær verri heilbrigðisþjónustu, ljótir hlutir sagðir við það etc. og etc. Það er ekki sambærilegt við það þegar einhver segir við mjög granna manneskju að hún þurfi nú að borða. Ég er ekki að segja að það sé í lagi að segja það en það er ekki eins dónalegt og þegar kommentað er á feita manneskju.

Ég er ekki sammála. Komment um átraskanir, spurningar um veikindi, rétta fram sætindi með eðal elevatlr lúkki og hreyta i mann að þaður hafi bara gott af þessu, 20kg með skólatösku, alvöru menn vilja kjöt en ekki bein osfrv.

Er það minni dónaskapur?

Fólk leyfir sér að segja hvað sem er við grannt fólk og telur það minni dónaskap heldur en að kommenta á holdafar þyngra fólks.

Hef verið beggja megin borðsins, meðan ég var með 5 aukakíló sagði enginn neitt. Hin 27 árin eru athugasemdir varðandi holdafar mitt nánast daglegar.

Fólki virðist finnast það í góðu lagi.

Tveggja gullmola mamma:)
15.05.09-01.03.11

Já eða kjaftasögur um að vera á spítti eða heróíni. Vinkona mín lenti í því :/

Já en þetta eru bara komment. Það sem feitir eru að lenda í er bara á allt öðru leveli. Það að vera t.d neitað um vinnu, það að fá verri heilbrigðisþjónustu, þetta eru stórir hlutir og þetta er eitthvað sem feitir eru að lenda í. Það eru ekki fréttir í sjónvarpi um granna þar sem talað er um þá sem stærstu heilbrigðisógn veraldar með myndum undir af grönnu fólki sem er að labba í kringlunni.

Fólk leyfir sér einmitt oft að vera andstyggilegra/beinskeittara við þá sem það finnst vera of grannt því samfélagið virðist meina að það sé ásættanlegra að setja út á holdarfar grennra en feitra. Ég er almennt bara í kjörþyngd, hvorki of grönn, né of feit en einu sinni ældi ég í 3 mánuði við upphaf meðgöngu og léttist um 10kg (fór í bmi 18). Í mjög stutta stund var ég því of grönn (m.v. mitt vaxtarlag og beinabyggingu) og ég fékk endalaus komment hvort ég fengi ekkert að borða, það væri hræðilegt að sjá mig etc. Hef líka þyngst um 10kg bmi rúmlega 25) þá sagði ENGINN neitt!

Nei fólk er nefnilega alls ekki beinskeittara við þá sem því finnst vera of grannir. Ég sem feit manneskja get alveg sagt þér það að fólk er langt í frá eitthvað milt þegar kemur að feitu fólki. 

Auðvitað er alvarlegra að verða fyrir fordómum af þessari stærðargráðu. En það er ekki það sem við vorum að ræða, heldur það að mér finnist athugasemdir við mitt holdafar alveg jafn óásættanlegar og ef ég væri hinum megin við kjörþyngd. Að því sögðu er ég sammála þér, þetta á ekki að líðast. Staðreyndin er hins vegar sú að offita er gríðarleg ógn við heilsu fólks en við getum hins vegar aldrei vitað hvort yfirþyngd er orsök eða afleiðing annarra vandamála. Hins vegar er til fólk sem telur sig vita betur og það veldur þessari skítaframkomu í garð fólks yfir kjörþyngd.

Tveggja gullmola mamma:)
15.05.09-01.03.11

Þú hefur ekki verið fitubollumegin við borðið þó að þú hafir einhverntíman verið með 5 aukakíló

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Einmitt það sem ég ætlaði að segja. 5 aukakíló gera engan feitan.

Það fer auðvitað eftir hæð fólks og líkamsbyggingu en fólk er yfirleitt ekkert "feitt" fyrr en að er komið 15-20 kg yfir kjörþyngd. Eða það finnst mér allavega.

Já og þegar fólk er 15-20kg yfir kjörþyngd skiptir vaxtalagið líka miklu máli.
Ég er td ca. 20-25kg yfir kjörþyngd og lendi ekki í fitufordómum, þrátt fyrir að vera greinilega feitari en samfélaginu finnst að ég ætti að vera, en ég er með stundaglasavöxt og safna lítið kviðfitu. Aðrar konur sem væru jafnháar og jafn feitar og ég nema með eplavöxt myndu verða fyrir miklu meiri fordómum.

Að segjast hafa verið fitubollumegin í lífinu þegar maður er 5kg of þungur er fáránlegt.

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Sagðist ekki hafa verið fitubollumegin. 5 kg yfir kjörþyngd hjá mer er hins vegar slatti- er mjög smábeinótt. 20 kg meira en eg er núna.

Tveggja gullmola mamma:)
15.05.09-01.03.11

100% ósammála. Þetta er bara jafn dónalegt. Finnst þér ekki dónalegt að segja við feita manneskju að hún ætti nú kannski ekki að vera að borða? 

Argasti dónaskapur, ég á svona mjög náinn ættingja sem hefur sagt nákvæmlega þetta við mig á þessum tímapunkti og hann sagði líka við mig þegar ég var komin 5 vikur á leið og enginn vissi um ólettuna að ég hlyti bara vera ólétt því ég væri svo feit!
Ég er í efri mörkum kjörþyngdar!
Ég varð geðveikt fúl en aðrir ættingjar sem heyrðu þetta sögðu við mig eftir á að viðkomandi aðili hafi greinilega fundið þetta á sér. Ég kaupi það ekki ennþá.

Ég sagðist ekki vera að fitna heldur væri ég bara enn "feit" eftir meðgönguna og ef eitthvað væri þá væri eitthvað smá að gerast í hina áttina. Ég eiginlega bara gat ekki sagt neitt annað nema að ég vissi þetta alveg. Ég varð auðvitað mjög leið eftir þetta og fór að spá hvað ég ætti eiginlega að gera við þessar upplýsingar. Meina hvað á ég að gera ? Ég er bara svona núna, jú, ég er heima að borða nammi og mat, en ég hreyfi mig alveg líka (kannski ekki nóg samt). Þetta er bara að ganga verr núna að koma mér aftur i kjörþyngd þar sem ég er ekkert að leggja 100% i það. Við tölum almennt ekki um fitu en hún veit að mér líður betur þegar ég er grönn/ í kjörþyngd en halló, barnið er bara 9 mánaða gamalt - maður hlýtur nú að fá smá tíma til að koma sér í lag, eða hvað ??. Ég veit alveg að ég er "feit" og ég set "feit " í gæsalappir því ég er í raun ekkert eitthvað að springa út fitu, er kannski einhver 70 kg núna (+/-) en ég lít út eins og ég sé ennþá ólétt.

EN takk, ég fór að spá hvort þetta væri eðiliegt eða ekki.

Þú tekur þér bara eins langan tíma og þú vilt. Ef þig langar að vera grennri þá grennirðu þig bara þegar þú ert tilbúin. Ef þú ert sátt við þig eins og þú ert þá er engin ástæða til að gera neitt í því. Vertu bara sátt við sjálfa þig og þín áform. Það er enginn ákveðinn tími sem konur hafa til að koma sér í form eftir fæðingu. Og það er heldur engin regla að konur fitni á meðgöngu. Þetta er bara allavega og það er bara fínt mál.

Myndi láta þetta inn um annað og út um hitt.

Og hvað með það þótt þú værir að fitna? Viðkomandi kemur það ekkert við.

Mamma mín er búin að röfla um það við mig í örugglega 10 ár að ég sé of feit (og ég er með BMI 29 svo jú, ég er of feit ;) ).

Mér er hinsvegar orðið alveg sama; ég smáléttist en nýt þess bara að borða og varð að hætta í megruninni minni (sem var búin að vara í 20 ár) til að halda geðheilsunni og hætta að hafa þetta svona mikið á heilanum.

Nú nýt ég þess bara að læra að elska fellingarnar og hugsa vel um mig meðan kílóin smáhríslast af og vorkenni móður minni að vera svona obsessive af holdarfari annarra og sérstaklega sínu eigin....

Sko, fyrir það fyrsta, þá ertu EKKI feitabolla þegar þú ert 6-8 kg þyngri en þú vikt vera!!!!! :o 


Og jesús minn, þvílíkur dóni þessi nákomni þér!! Verð bara reið að heyra um svona! >:(

Mér finnst það persónulega mjög dónalegt. Hef lent mikið í þessu undanfarið þar sem ég var alltaf í eða undir kjörþyngd en þurfti að fara á sterakúr og bætti þar af leiðandi á mig 10 kg. Hef fengið spurningar um hvort ég sé ólétt, Hvort ég hafi fitnað, ein kleip í handleggina á mér og sagði þú hefur fitnað og handleggirnir stækkað. Önnur sagði þú ert eins og lítið barn með bollukinnar, ertu ekki að borða of stóra skammta. Maður virðist aldrei nógu góður fyrir fólk. Þegar ég var of grönn þá var spurt hvort ég væri með anorexiu eða búlímíu. Sagt að ég væri kjöt og bein og allt of mjó. Mér finnst svona athugasemdir bara mega kjurrt við liggja og sýna í leiðinni hversu óviðkomandi aðilinn er sem segir svona hluti.

Mér finnst málið snúast fyrst og fremst um hverju þú svaraðir.