Geir Gunnar Geirsson, forstjóri Stjörnugríss og Steinþór Skúlason forstjóri SS. Takk fyrir samstarfið gegnum árin. Ykkar afurðir hef ég keypt í gegnum tíðina og ekki hægt að segja afurðir ykkar neitt verri en aðrar afurðir.

Nú er samstarfi okkar lokið.

Ástæðan er miklar og tilefnislausar verðhækkanir á kjötinu ykkar og eru í dag í fréttum RUV.

https://www.ruv.is/frett/verd-a-kjotvoru-haekkar-vid-gengisfall-kronunnar?itm_source=parsely-api

Að þessu sinni eruð þið óvenju ósvífnir og berið á borð fyrir mig að þetta innlegg ykkar til þjóðarinnar sé tilkomið vegna gengissigs íslensku krónunar.

Þið kaupið kjötið af íslenskum bændum í íslenskum krónum og seljið áfram í íslenskum krónum og þar er enginn
munur á gengi. Ástæða ykkar er því hér með gengisfelld.

Það að færa þjóðinni þetta og á fordæmalausum tíma drepsóttar, atvinnuleysisskráninga og stöðnunar í myrkri heimsmynd þar sem engin ( nema SS og Stjörnugrís ) er undanþegin fórn af misstórri gerð.

Á meðan gengi íslensku krónunar hefur stigið jafnt og þétt árum saman kom aldrei tilkynning frá ykkur um sjálfsagða leiðréttingu.

Hvernig þið kynnið ykkur á þessum tímapunkti fær mig til að flökra og þykir mér óeðlilegt ef stjórnvöld sem dæla peningum í samfélagið núna lætur þennan gerning ykkar láta sig þetta engu varða.

Þetta innlegg ykkar til þjóðfélagsins er inngrip í kjarasamninga á leið launafólks til velferðar þar sem þið tryggið ykkur of stóran hluta þerra hækkunar launa. Launafólki sem barist hafa mánuðum saman fyrir grundvelli til afkomu.

Komi það til að aðrir feti í fótspor ykkar ofaní veskið mitt, þá læt ég það mig engu varða. Heiti ykkar fyrirtækja birtust fyrst í aðför ykkar að samfélaginu og við ykkur versla ég ekki meir.