Stress eftir missi?

Ég er í sömu sporum. Ég missti á 6. viku í mars og er komin 4 vikur og 2 daga núna. Ég er reyndar mun bjartsýnari núna en ég var þegar þetta tókst í mars. Þá var ég eins og ég leyfði mér ekki að fagna eða verða of spennt. Það var eitthvað sem hélt aftur af því. Það var reyndar þannig hjá mér að ég fékk einhverja tilfinningu á mánudegi og bað um blóðprufu og svo um kvöldið fór að koma spá brúnt og svo smá bleikt og fór svo að blæða á þriðjudagsmorgni. Fékk svo staðfestan fósturmissi á miðvikudegi.
Núna þori ég alveg að hugsa fram í tímann og sjá þetta enda með barni. Ég var mun stressaðari með fyrsta barn enda vissi ég ekkert þá. En svo er líka eitt, hversu mikið sem þú stressar þig og hefur áhyggjur þá geturu ekki breytt neinu sem gæti gerst, því miður. Og stressið gerir litlu bauninni og þér alls ekki gott. Ég myndi reyna að finna eitthvað sem hentar þér til þess að þú náir slökun og náir á einhvern hátt að losa þig soldið við stressið.

Gangi þér rosalega vel, vonandi verðum við samferða næstu 9 mánuðina :)

Ég missti tvisvar sinnum, í október og janúar sl. við 5. og 6. viku. Núna er ég komin 12+2 og er samt mjög stressuð. 12v sónarinn kom samt mjög vel út en það er alltaf bakvið eyrað þetta litla "hvað ef". Reyni að segja við mig að það verður bara sem verður og maður getur ekki stjórnað þessu, því miður. Reyna að taka bara einn dag í einu og njóta hans. Grunar að þetta verði samt svona þar til ég fer að finna hreyfingar en það gætu alveg verið 2 mánuðir í það þess vegna... En já, bara að reyna að anda inn og út, hugsa um eitthvað annað, taka einn dag í einu en samt reyna að njóta og hugga sig við það að maður getur ekki stjórnað neinu. Gangi þér rosalega vel! 

Ég var rosa stressuð á minni fyrstu meðgöngu þó ég hafi aldrei misst fyrir þá en ég keypti mér svona doppler tæki og náði fyrst að heyra hjartslátt á 11 viku minnir mig og það var rosa gott að geta gripið í tækið og heyrt hjartsláttinn hjá krílinu. Mæli með því þar til hreyfingarnar fara að koma.

Ég má mæta eins oft og ég vil upp á heilsugæslu til að hlusta á hjartsláttinn :) Yndisleg ljósa :) 

Takk kærlega fyrir svörin :) hjálpar að heyra þetta

Ég er búin að missa 3 sinnum ! 2x árið 2011 bæði skiptin komin 8+ vikur og svo á ég strák fæddan 2013 svo missti ég núna í mars komin 6 vikur og ófrísk núna komin 7 vikur ! Ég hugsa alltaf að þetta er ekki í mínum höndum ég get ekkert gert til að koma í veg fyrir þetta :D það hjálpar mér að hugsa þannig en ég er aldrei spennt fyrr en ég er komin yfir 12 vikurnar :D

Ég er bara að hugsa sem minnst um að ég sé ólétt. Við kallinn tölum lítið sem ekkert um þetta (hljómar undarlega, en okkur finnst það fínt) Ég missti í jan. Var komin um 4 v þegar ég vissi að ég væri ólétt aftur. Síðan tökum við bara eitt skref í einu. Snemmsónarinn er búinn og hann kom vel út og þá er það 12 v sónarinn næst.