Vantar að fá upplýsingar um hvernig þetta fer fram. Ég á móður sem er fíkill og þarfnast verulegar hjálpar, í raun er þetta spurning um líf og dauða. Er einhver hér er búin að standa í þessu nýlega og gæti hjálpað mér að skilja þetta ferli. Er alveg lost.
Það er vandi aðs svo virðist sem núverandi lög séu túlkuð þannig að "Óheimilt verður að svipta mann sjálfræði af þeim sökum einum að hann eigi við ofdrykkju eða fíknivanda að stríða." sjá
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.
Saalt | II. KAFLI
Svipting lögræðis.
Skilyrði lögræðissviptingar o.fl.
4. gr.
Svipta...
II. KAFLI Svipting lögræðis. Skilyrði lögræðissviptingar o.fl. 4. gr. Svipta má mann lögræði með úrskurði dómara ef þörf krefur, sjálfræði einu sér, fjárræði einu sér eða hvoru tveggja: a. Ef hann er ekki fær um að ráða persónulegum högum sínum eða fé vegna andlegs vanþroska, ellisljóleika eða geðsjúkdóms eða vegna annars konar alvarlegs heilsubrests. b, Ef hann sökum ofdrykkju eða ofnotkunar ávana- og fíkniefna er ekki fær um að ráða persónulegum högum sínum eða fé. c. Ef hann vegna líkamlegs vanþroska, heilsubrests eða annarra vanheilinda á óhægt með að ráða persónulegum högum sínum eða fé og æskir sjálfur lögræðissviptingar af þeim sökum. d. Ef nauðsyn ber til að vista hann án samþykkis hans í sjúkrahúsi sökum fyrirmæla í heilbrigðislöggjöfinni.
Held að það megi vegna "ofnotkunnar ávana- og fíkniefna"
Móðir mín býr í blokk og er alltaf að sofna út frá sígarettum. Hún er búin að kveikja í mörgum dúkum þgar hún "drepst" við eldhúsborðið. Núna um daginn kveikti hún í hárinu á sér. Svo sofnar hún með mat upp í sér sem þarf að blokka úr kokinu á henni því hún er alltaf næstum við að kafna. Hún er líka sjúklingur og er ekki að sinna þeirri hlið. Svo keyrir hún um og stofnar öðrum í hættu. Sambýlismaður hennar hefur ekki getað farið í vinnu í viku því ástandið er svo slæmt. Hún þarf að notast við göngugrind en "gleymir" því sökum ástands og er dettandi og meiða sig. Hún er að nálgast 60tugs aldurin. Úff þannig ég get bara gleymt því að þetta takist?
Dalía 1979 | Er sambýlismaðurinn þá heima i frýi til að hugsa um hana
Er ekki möguleiki að tala við heimilislækni og fa hann til að koma henni inn a geðdeild a þeim forsendum að hun se bæði hættuleg sjalfri ser og öðrum, myndi allavega reyna...
ert | Þú þarft að sýna fram á a eða c auk b í laga greininni hér fyrir ofan eftir ...
Ef hún keyrir um drukkinn er auðvitað ráð að hringja í lögregluna í hvert sinn, það væri ekki verra að hafa ítrekuð slík brot á skrá ef þú ætlar að reyna þetta
ert | Ég myndi tala við SÁÁ um hvað sé hægt að gera. Mig grunar að þeir segi ykk...
Mig grunar að þeir segi ykkur að þið séuð að gera henni áfengisneysluna léttari með því að tilkynna lögreglu að hún sé að keyra undir áhrifum og með því að taka frí úr vinnu til að sinna henni.
Ég sé ekki að það séu forsendur fyrir því að loka hana inn á læstri geðdeild út frá því sem þú lýsir.
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.
onlyme | Móðir hennar (sem er nú dáin) náði að svipta hana fyrir svona 18 árum en þá ...
Móðir hennar (sem er nú dáin) náði að svipta hana fyrir svona 18 árum en þá voru ég og bróður minn send á vistheimillibarna. Svo fyrir 13 árum missti hún yngri bróður minn í fóstur og þá var reynt aftur en ekki tekist.
onlyme | Náði ekki að klára en lögin greinilega orðin flóknari.
Það er munur á nauðungarvistun og sjálfræðissviptingu. Nauðungarvistun hefst á 72 klst með ákvörðun læknis. Hægt er að framlengja nauðungarvistun í allt að 21 dag ef nauðsynlegt þykir og svo aftur að hámarki í 12 vikur.
Nauðungarvistun stendur aðeins meðan að læknir metur viðkomandi í lífshættu og getur þá útskrifað manneskju eftir 24 tíma þess vegna, það gerist gjarnan ef fólk er fyrst og fremst með fíknisjúkdóm og enginn alvarlegur geðsjúkdómur í bland. Reynslan hefur sýnt sig að ef læknar myndu stoppa alla með alvarlega fíknisjúkdóma af og loka þá inni myndi þurfa að byggja nokkrar deildir til viðbótar og að sama skapi væri jafnvel þá erfitt að tryggja að fólk hætti neyslu. Þegar fólk vill fara í neyslu finnur það leið, samanber neyslu inn á fíknigeðdeild og fangelsum gegnum smygl.
Sjálfræðissvipting sem er að lágmarki til 6 mánaða verður að byggja á meira en bara alvarlegum fíknisjúkdómi.
Til að koma manneskju gegn sínum vilja inn á sjúkrastofnun er hægt að hafa samband við vakthafandi héraðslækni (líka þekkt sem borgarlæknir á höfuðborgarsvæðinu). Ef þú hefur samband við heilsugæsluna í þínu sveitarfélagi færðu samband við hann, skrifstofu heilsugæslunnar í Rvk gefur samband á dagvinnutíma virka daga 585-1300 en annars gegnum lögreglu á kvöldin og um helgar. Vakthafandi héraðslæknir gerir yfirleitt kröfu um að búið sé að leita allra leiða til að koma viðkomandi sjálfviljugum undir læknishendur.
Þetta er fjölskylduharmleikur og hrikalegt að horfa upp á ástvin tortíma sér. Því miður er lítið sem lagalega er hægt að gera til að þvinga fólk til að þiggja aðstoð. Þannig þjást ástvinir og horfa upp á fólk setja sig og aðra í hættu. Því votta ég þér alla samúð mína og hvet þig til að ræða við annað fólk sem hefur verið í sömu stöðu, hvort sem er gegnum netið, al-anon eða sáá. Það getur hjálpað þér að draga mörkin á eigin ábyrgð og þess sjúka. Einnig hafa margar góðar bækur verið skrifaðar um reynslu fólks og sorgarferlið sem tekur við af því að horfa á ástvini skaða sig.
