Tæknisæðing, allt ferlið

Ég hef farið fimm sinnum. Þú byrjar á að fara í blóðprufur, svo ef allt kemur vel út úr þeim þá læturu vita þegar næstu blæðingar byrja. Þá mætiru í sónar annan hvern dag ca alveg þar til slímhúðin er orðin vel þykk og egginn nógu vel þroskuð. Ef þú verður látin gera þetta með lyfjum, þá sprautaru þig í magann með svona sprautupenna á hverjum degi. Ef þú ferð í lyfjalausa þá sprautaru þig bara einu sinni, tveimur dögum fyrir uppsetningu með egglossprautu til að tímasetja egglosið alveg. Þetta er þannig séð mjög lítið mál og tekur fáránlega lítinn tíma að sprauta sæðinu upp. Það er aðalega andlega hliðin sem er erfið…. Gangi þér rosalega vel!

Takk kærlega fyrir þetta! Já, ég er svolítið stressuð yfir andlegu hliðinni en hann gaf okkur að við myndum prófa þetta í 3 skipti áður en við myndum íhuga glasa, það væri alltaf plan b. Við förum í þetta vonandi vel andlega undirbúin um að þetta gangi ekki strax.

Ég er búin að fara 3 sinnum í tækni og lýsingin á ferlinu hjá listadis er mjög góð. Mér fannst biðin eftir tækni auðveldari en í venjulegum hring því maður veit nákvæmlega hvenær blæðingarnar eiga að koma og fannst rosa gaman að geta fylgst svona vel með öllu og að þetta væri gert á alveg réttum tímapunkti til að líkurnar væru sem mestar.
Ég varð rosalega vonsvikin þegar ekki tókst í fyrstu tilraun, í annari tilraun var ég viss um að þetta hefði ekki tekist nánast strax. Í þriðju tilraun ákváðum við í byrjun meðferðar að núna skyldi þetta takast. Svo kom það þannig upp að það tók lengir tíma fyrir egginn að þroskast en venjulega og uppsetningin var á degi sem hentaði alls ekki vel en ég var samt ákveðin í þetta skyldi takast. Fékk svo fréttir daginn eftir uppsetningu að fjölskyldumeðlimur í tengdafjölskyldunni ætti von á barni og missti alla von. Fékk svo jákvætt próf 15 dögum eftir uppsetningu en hafði alltaf áhyggjur sem reyndust hafa rétt á sér þegar ég missti eftir 5 vikur og 4 daga, fann það allan tímann á mér að eitthvað væri ekki í lagi.
Núna eru rúmar 3 vikur frá missi og við máttum reyna strax sjálf með pergó og ég held í vonina en ef ekkert tekst núna þá má ég koma í tækni næst þegar blæðingar koma, fyrst þetta getur gerst með tækni þá ætlum við að halda því áfram og líka því við eigum eitt heimatilbúið kríli :)

Reyndu að vera bjartsýn en ekki of stressuð yfir þessu, það þarf oft 3 tilraunir til að þetta gangi en ég skil líka rosa vel að vilja að þetta takist strax.

En hjá hvaða lækni á Art ertu?
Ég hef verið hjá Snorra og mér finnst hann hjálpa manni helling andlega að díla við þetta ferli allt.
Ef þú ert með einhverja spurningar þá máttu alveg senda mér skilaboð, ég þarf að verða sérfræðingur um allt sem ég geri svo ég veit ýmislegt um þetta núna :)

vildi bara votta þér samúð með missinn. Get ímyndað mér hversu hrikalega sárt það er.


Takk fyrir upplýsingarnar, ég er á leið í tækni og er eitthvað ægilega vonlítil yfir þessu. Enda margra ára reynerí á baki. Púrra mig upp áður en kemur að þessu.

Takk :)
Reyndu að fara inn í þetta með jákvæðni :) Í annarri tækni var ég rosa svartsýn og viss um að ekkert myndi ganga. Svo í þriðju þá ákváðum við að þetta myndi takast, og viti menn það gerði það.
Gangi þér vel

Takk takk, já ég reyni að finna pollýönnu áður en ferlið hefst. Gangi þér vel sömuleiðis!

Takk fyrir þetta! Og gangi þér áfram vel :)

Svo ég komi nú með jákvæða reynslu inní umræðuna, þá hef ég tvisvar sinnum farið í tæknisæðingu á Art og á í dag tvö yndisleg börn. Ég er með PCOS og þarf því lyfjameðferð til að örva eggvöxtinn en mér fannst hún ekkert mál. Ég fann ekkert fyrir sprautunum, andlega eða líkamlega.
Seinni meðferðin fannst mér algjör snilld. Þá þurfti ég bara að mæta í fyrsta tímann og þau stilltu skammtinn m.v. ferlið á undan og svo kom ég eftir 10 daga og þá var allt klárt fyrir uppsetningu næsta dag.