Þið sem búið í Svíþjóð

Finndu grúbbuna á facebook sem heitir Íslendingar í svíþjóð, finnur allt þar ;)

Takk :)

Þetta fer allt eftir því hvar þú býrð og erfitt að svara svona opinni spurningu.


En almenna reglan er að það er erfitt að fá vinnu ef þú kannt ekki sænsku.


Í stóru borgunum er húsnæðisskortur og virkilega erfitt að fá leiguíbúð, að sama skapi er erfitt að fá íbúð án atvinnu og meðmælum frá fyrri leigusölum. En flestir finna eitthvað að lokum.


Það er í kringum 8% atvinnuleysi í landinu, en þar er ekki tekið inn í svokallað dulið atvinnuleysi, ungt fólk sem aldrei hefur komist út á vinnumarkaðinn, ólöglegir innflytjendur og fólk sem hefur farið í háskólanám sökum atvinnuleysis.


Mörgum íslendingum finnst svíjar vera lokaðir, ferkanntaðir og leiðinlegir. Mér finnst hinsvegar íslendingar vera fordómafullir og kaldranalegir. 




Hvað meinaru með að 'komast inn í allt þarna?' Til að fá kennitölu þarftu að skrá þig inn í landið og vera komin með vinnu, eða allavega geta sýnt fram á framfærslu, hvort sem það er atvinna eða nám. Það getur tekið nokkrar vikur að fá kennitölu og þá geturu stofnað bankareikning og byrjað líf þitt.


Internetáskrift, sjónvarpspakkar og farsímasamninga geturu ekki fengið nema sýnt fram á 3-6 mánaða gamla launaseðla, oft er líka gert greiðslumat áður en þú getur skuldbundið þig slíkri þjónustu.


Börn eins árs og eldri komast inn á leikskóla, gæti verið allt að 3 mánaða bið og mögulega ekki laust í þeim sem er næstur heimilinu. Einnig þarf að skrá krakka í þann skóla sem þið viljið, hér er frjálst skólaval og því ekki víst að þið fáið pláss í hverfisskólanum ef þið komið á miðju skólaári. Börn innflytjenda eiga rétt á móðurmálskennslu en það hefur reynst erfitt að finna kennara í íslensku í sumum sveitarfélögum.


Það er erfitt að búa langt frá fjölskyldu og vinum, í landi þar sem ekki er talað mans eigins móðurmál. Margir halda að grasið sé alltaf grænna hinum megin, en grasið er grænast þar sem þú vökvar það. Að flytja úr landi getur aldrei verið auðveld lausn, þetta er erfitt en oftast erfiðisins virði. 


Mæli með að athuga með hópana á facebook, það er einn fyrir Íslendinga í Svíþjóð og svo margir fyrir mismunandi borgir og landshluta.

Takk fyrir þetta. En þegar ég tala um að "komast inn í allt" þá einmitt á ég við leikskóla, skóla og þess háttar. VIð hjónin erum bæði með góða menntun en tölum að vísu ekki sænsku. Við erum að hugsa um þetta bara tímabundið til að víkka sjóndeildarhringinn og prufa eitthvað nýtt. Erum ekki að leita að grænna grasi og erum ekki að "flýja" eins og margir eru að gera. Einfaldlega að upplifa eitthvað annað í 2-5 ár og koma svo heim aftur :) Leyfa börnunum að upplifa eitthvað annað :)
Kærar þakkir fyrir svörin

Ég myndi fyrst athuga hvort það væri vöntun á fólki með ykkar menntun og reynslu, í sumum geirum kemst maður upp með takmarkaða sænskukunnáttu, þá aðallega í tölvubransanum, en í flestum ekki. Hér er mikið atvinnuleysi á meðal háskólamenntaðra og það þarf nánast menntun fyrir hvert starf, sem þýðir að þótt þú sért með menntun í einu fagi dugar það ekki fyrir starf í öðru fagi. 


En annars myndi ég skoða  arbtetsförmedlingen, eða vinnumálastofnun, þar getið þið skoðað framboð á vinnum.  Ég myndi ekki flytja út nema amk annað ykkar væri komið með vinnu, helst bæði. Getið líka skoðað blocket.se varðandi húsnæði og séð hvað það er að kosta. Þið munið ekki geta leigt í fyrstu hönd nema þið farið á mjög afskekkta staði þar sem fáir vilja búa. 


Það er gott að búa í Svíþjóð, ef maður leyfir sér að búa þar og er ekki alltaf að bera allt saman við Ísland endalaust. Mikið gert fyrir börn og fjölskyldur yfir höfuð.

Flott er,
kærar þakkir fyrir þetta :)

Ég er samt ekki að reyna að vera leiðinleg, alls ekki. Mér finnst endilega að allir eigi að prófa að búa í útlöndum, víkka sjóndeildarhringinn, læra eitthvað nýtt og prófa að vera innflytjandi. En þetta er samt alls ekkert auðvelt og ég vil bara að fólk viti hvað það er að fara út í. Maður sér svo brenglaðar umræður oft um að flytja á milli landa.


En gangi ykkur vel og vonandi gengur þetta allt saman upp!

Tók þessu alls ekki illa :) Einmitt mjög gott að fá svona sjónarmið, algjörlega nauðsynlegt. Og ég tek alveg með fyrirvara þetta með gull og græna skóga og bleik ský ;)
Þess vegna vil ég frekar hugsa um þetta sem ævintýri, að prufa eitthvað annað og fá lífsreynslu sem ekki er hægt að taka frá manni.

Bíddu haaa?
Nei þarft ekki að sýna fram á framfærslu til að fá kennitölu og ekki heldur sýna reikninga til á fá áskriftir?

Af hverju ekki?

Svarið fór ekki á réttan stað.