Hefur einhver reynslu af þunglyndi hér? Ég hef prófað mörg lyf og er á lyfi sem virkar ágætlega en það er eins og lyf nái aldrei algjörlega fyrir þunglyndið. Ef þú hefur verið í sömu sporum og ég, hvað gerðir þú sem hjálpaði?
T.M.O | Hreinskilningslega... lærði að lifa með því.
Hjálpaði mikið þegar ég gat sett það í samhengi að þetta væru brengluð boðefni en ekki að fólk væri að gera mér eitthvað eða vera viljandi leiðinlegt við mig. Að komast út úr fórnarlambs tilfinningunni var ótrúlegur léttir.
doej68579 | Já ég er fastur í fórnarlambs bullinu, sjálfsvorkunn, gremju og sárindum. Mi...
Það er ekki sjálfgefinn partur af þunglyndinu þó að flestir séu fastir í því. Það sem gerðist hjá mér var að ég fór að taka eftir að ég var að bregðast kjánalega við aðstæðum sem buðu ekkert upp á það. Ég hugsa að Huglæg Atferlismeðferð gæti hjálpað þér. Ég get dílað við þunglyndið en ég kann ekkert á stress eða kvíða, ég þyrfti að læra það frá byrjun svo að ég er ekkert með lykilinn að lífshamingjunni.
doej68579 | Ég glími við sjálfshatur og hef gert mjög lengi. Virðist ekki koma mér út úr...
Það er hægt að kaupa kennslubækur um það og er kennt í hóptímum á stöðum eins og reykjalundi, geðdeild landspítalans og stærri sálfræðistofum eins og kvíðameðferðarstöðinni. Þetta kennir manni að "hafa vit fyrir" þessum stanslausu, ósjálfráðu hugsunum sem maður notar til að rífa sjálfan sig niður. Þetta virkar og er sennilega það sniðugasta sem hefur komið upp í sálfræði í nútímanum en maður verður að vinna vinnuna. Í staðinn fyrir að einhver annar segi manni hvernig maður á að hugsa þá fær maður verkfærin sjálfur í hendurnar.
Kannast við þetta Helvíti, ekki gaman. Nokkur ráð... Fyrigefa sjálfum sér fyrir það sem þú hatar þig fyrir. Það geriru alveg einsog foreldri fyrigefur barninu sínu. Ekki mögulegt nema þú vitir að það gerist ekki aftur. ---- Erfiður andskoti.
Breita sjálfum sér til hins betra. Eða einsog Konfúsíus sagði; Maðurinn sem flytur fjallið, byrjar á að færa til litla steina. Auðvellt að byrja. En, galdurinn er að hætta ekki.
Að koma sjálfum sér af háa hestinum. Þú ert ekki ofurmenni, berðu þig saman við venjulegt fólk. Þannig sérðu þig í réttara ljósi.
Varastu sjálfsgagnrýni, ekki einblína bara á það slæma. Mundu það besta við þig og mundu það með stolti.
Annars líður mér alltaf best þegar ég er bara sáttur, hvorki meira né minna, bara sáttur, hvorki glaður né dapur. Maður þarf að sætta sig við ýmislegt í lífinu. Stundum þarf maður að sætta sig við sjálfan sig og stundum þarf maður að sætta sig við aðra. En þeir sem draga mann niður, eru best geymdir hjá einhverjum öðrum. Reyndu að umgangast gott fólk og losaðu þig við ruslið sem notar þig eða talar þig niður.
Pericles sagði; Sá sem segir segir sannleikann, þekkir sjálfan sig. Sá sem þekkir sjálfan sig, þekkir kosti sína og galla. Einungis sá sem þekkir gallana sína getur losað sig við þá. Sá sem losar sig við gallana sína stendur aðeins eftir með kosti. Sá sem hefur bara kosti en, enga galla er stoltur af sjálfum sér. Sá sem er stoltur af sjálfum sér er hugrakkur. ... og ég bæti við; Það þarf hugrekki til að sigra þunglyndi.
Gangi þér vel.
T.M.O | Ég sé að þú ert búinn að loka reikningnum hérna, mig langar að vita hvort þa...
