Þungunarhormón lengi að fara eftir missi

Þau voru frekar fljót að fara hjá mér en ég missti mun fyrr, var komin tæplega 6 vikur. Mig minnir að þau hafi verið horfin ca 10 dögum eftir að það fór að blæða hjá mér. Ég fékk svo jákvætt egglospróf 3 vikum eftir missinn og varð ólétt þá.

Ég missti miðjan mars, líka dulið fósturlát á 9. viku. Ég þurfti að fara þrisvar á samdráttarlyf og er enn að mælast með þungunarhormón. Fór í blóðprufu fyrir 10 dögum og var þá ca 20 (hafði lækkað úr 80 niður í 20 á rúmlega viku), fékk síðan Primolut og var að klára þann skammt í gær. Ég bara vona að þetta sé að fara niður hjá mér. Þetta er eiginlega búið að vera erfiðara heldur en sjálft fósturlátið því maður er bara að upplifa það aftur og aftur þegar maður er fastur í þessu. Ég tók þungunarpróf í gær og fyrradag og það var mjög dauf lína. Að öllum líkindum er það bara enn gamla þungunarhormónið en maður fer auðvitað að ímynda sér að þetta gæti verið ný þungun.

Vitið þið stelpur með egglosið, kemur það bara þegar gildið er komið niður í núll eða gæti það komið fyrr? Í skoðuninni sem ég fór í fyrir 10 dögum síðan (þegar ég mældist með gildið 20) þá sagði læknirinn að af eggjastokkunum að dæma þá væri ég líklegast ný búin að vera með egglos eða að fara fá egglos. Mér finnst þetta allt svo skrítið eitthvað.

Mér skilst einmitt á mínum lækni (sem er á Art Medica) að það gerist ekkert fyrr en gildin fara niður í núll, þ.e. ég fer ekkert á blæðingar eða hef egglos fyrr en þetta er alveg farið úr. Mögulega gerist það síðan ekki af sjálfu sér þar sem þetta er búið að taka svo langan tíma og þarf því að koma manni í gang með einhverjum hætti.

Ég er svo sammála þér með hvað þetta er erfitt, á meðan þetta er í gangi finnst mér ég hjakka í sama farinu og ekki ná að loka þessu almennilega. Maður nær ekki núllpunkti fyrr finnst mér upp á að gera einu sinni farið að hugsa um að fara að reyna aftur.

Hæ

Ég mældist á þriðjudaginn með ca 7 þá eru ca 10 vikur frá missi. Þetta virðist aldrei ætla að fara niður í núll hjá mér :-( langar svo hrikalega að byrja að reyna aftur. Hafið þið heyrt um einhverjar sem hafa farið á pergotime eftir missi þegar þetta tekur svona rosalega langan tíma? Langar svo að koma þessu af stað þegar gildin fara niður í núll.

Ég var einmitt í prufu í gær líka og er með 1,8 - 16 vikum eftir missi. Ég sver það ég fór að grenja eftir símtalið við lækninn :( Það sem máli skiptir (sagði læknirinn þegar hann var að reyna að hughreysta mig) er að þetta er á niðurleið. Vissulega mjög hægri niðurleið en samt á leið niður. Fyrir tveimur vikum var ég með 2,5 þannig að þetta er að gerast rosalega hægt. Ég hef samt þrisvar á þessum 16 vikum fengið einhvers konar blæðingar, síðast í seinustu viku. Hann sagði að mögulega gæti egglos átt sér stað í þessum "hring". Ég ætla allavega að prófa að mæla egglos og fylgjast með.

Hann talaði um við mig að ef ég fer ekki á blæðingar "aftur" eftir ca 4-5 vikur á ég að hafa samband við hann. Líklega upp á að taka þá primolut til að koma þessu af stað. Mögulega pergotime í kjölfarið.

Sem sagt, miðað við úrræðin hjá mér (engin nema bíða) þá held ég að þú verðir bara að bíta á jaxlinn og reyna að þrauka.

Eins fáránlegt og það hljómar finnst mér amk gott að vita að ég er ekki sú eina sem er að lenda í þessu. Læknirinn minn segir líka að þetta sé ekkert til að hafa áhyggjur af upp á framtíðina, þó að vissulega sé þetta ömurlegt og krefjist verulegrar þolinmæði.

Gangi þér (og okkur) vel :)

Já það er smá huggun að vita af einhverjum öðrum í þessu, manni líður eins og maður sé eitthvað skrítið frávik. Þær uppá LSÍ sögðu reyndar að þetta væri algengara. Það væru bara ekki allar sem væru í svona eftirliti og vissu því ekki af því að hcg væri enn til staðar. Fá e.t.v. blæðingar (sem eru þá ekki eiginlegar tíðarblæðingar tveimur vikum eftir egglos heldur svipaðar blæðingar og Primolutið framkallar) og telja því að þær séu komnar á ról aftur en tíðarhringurinn e.t.v. í smá rugli. Það er alveg smá huggun í því.

Guðjón hjá Lækningu sagði reyndar við mig að ég mætti taka Pergotime þegar ég væri komin niður fyrir 2 og freista þess að fá egglosið af stað þannig. Anna sem er upp á LSÍ vildi hins vegar að ég myndi bíða eftir að fá mögulega egglos sjálf og síðan blæðingar eða þá fara á primalut aftur.Tilhugsunin um slíka óvissu í framhaldi af þessu limbói er bara ekki góð. Finnst ég vera alveg á síðustu dropunum í þessum vítahring þannig að ég er að hugsa um að taka pergotime'ið þegar ég verð komin niður fyrir 2 sem verður vonandi sem fyrst... hefur pergotime ekkert verið nefnt við þig?

Hæ títluskott - hvað er að frétta af þér í þessum málum? Fékkstu pergotime?

Hæ hæ

Blæðingarnar komu að sjálfu sér tveimur dögum eftir að ég fékk mælinguna 5,9 og ég tók síðan pergotime á 3ja degi. Ég reyndar fékk svaka blöðru á eggjastokkinn, 7 cm. Fékk að vita það í gær. Hefur e.t.v. ekki verið sniðugt fyrir mig að taka þetta pergotime með eitthvað hcg í blóðinu. Hver er staðan hjá þér?

Ég var að fá staðfest í vikunni að gildin eru komin niður í 0 :) Loksins - ca 20 vikum eftir missi. Fór á blæðingar í síðustu viku og ætla að krossa putta um að ég fari sjálf í gang og fái bara egglos í þessum hring.

Gangi þér annars súpervel :)