Hæ hæ. Ég fór í snemmsónar í síðustu viku og taldi mig þá vera komna u.þ.b. 5v3d miðað við minn útreikning. Allt leit út og það sáust tveir flottir sekkir með flottum nestispokum :) Það eina var að annar sekkurinn var töluvert minni en hinn, en læknirinn sagði að það þyrfti alls ekki að þýða neitt og að þeir litu báðir vel út, og að þetta væri frekar algengt. Hann sagði stærðina passa við 5-5 og hálfa viku og sagði mér að koma aftur eftir viku.

Ég gerði það og þá leit allt aftur mjög vel út, sekkirnir höfðu báðir stækkað töluvert en það sást hinsvegar bara fóstur (með blikkandi hjarta! :)) í þeim stærri. Það fóstur leit vel út og mældist upp á ca 6 og hálfa viku.

Lækninum fannst samt mjög ólíklegt að það væri ekkert að gerast í minni sekknum því hann væri búinn að stækka svo mikið á þessari viku og nestispokinn væri svo stór og fínn. Sagði að fóstrið væri líklega bara enn of lítið til að sjást eða væri kannski bara eitthvað að fela sig. En vildi auðvitað ekki lofa neinu.

Ég er samt með svo miklar áhyggjur af þessum krílum mínum! Ég á að koma aftur eftir 2 vikur en veit ekki hvort ég muni höndla biðina! Hef heyrt að tvíeggja tvíburar geti frjóvgast á mismunandi tímum/fest sig á mismunandi tímum eða eitt geti lagst í dvala. En er svo hrædd um að það sé eitthvað að hjá þessu minna. Hafið þið einhverja reynslu af svona? Takk takk :)