Af hverju er ekki boðið upp á slíkt á Íslandi? Eldri umræður sem ég hef fundið hér um svipað efni snúast um að þetta skipti engu máli, það hljóti að vera eitthvað mikið að sjálfsálitinu hjá þeim sem eru óánægðir með píkuna sína, náttúrulegt að eldast o.s.frv. en þetta vandamál með slaka grindarbotnsvöðva er að skerða lífsgæði mín verulega og ég finn enga hjálp.
Ég er 42 ára, þriggja barna móðir, geri grindarbotnsæfingar daglega og hugsa vart um annað. Á þyngdar kúlur, jaðiegg, TENS raförvunartæki og gaf mér meira að segja þennan nýja pjölluþjálfa þar sem maður spilar tölvuleiki með pjöllunni í jólagjöf. Ekkert virkar. Ég þarf að ganga með þvaglekabindi daglega ellegar vera með blautan blett í klofinu því það lekur eitthvað við hvert hóst, hnerra, hlátur, hlaup o.s.frv. Kvensjúkdómalæknirinn minn )sem ég er nú að pæla í að skipta um) segir að ég sé ekkert með svo slaka vöðva og ætti að geta þjálfað þá upp og mælti með sjúkraþjálfa. Ég hef verið á biðlista þar í hálft ár og var sagt að biðin gæti verið ár þar sem þetta sé svo algengt vandamál og svo fáir sjúkraþjálfar sem sérhæfi sig í þessu.
Þessir vöðvar eru allir nátengdir og ég er meira að segja farin að upplifa að prump séu farin að lauma sér út (um endaþarminn, ekki píkuprump) án viðnáms og fyrirvara.
Ég upplifi einnig mikinn slaka í leggöngunum sjálfum og það var vandræðalegt moment þegar við hjónin horfðum á íslenska grínmynd um daginn og talað var um ,að henda pulsu í Hvalfjarðagöng" í sambandi við kynlíf eftir fæðingar og sauðburð, man ekki, var hálfsofandi þar til þetta atriði kom og ég veit alveg hvað maðurinn minn var að hugsa. Hann er aðeins undir meðallagi sjálfur og hvorugt er að fá eins mikið úr kynlífinu og áður með tilheyrandi hjónabandserfiðleikum þótt þetta sé ekki eina ástæðan.
Hvernig á mér að geta liðið eins og ég sé kynæsandi síprumpandi og pissandi með hlandfyllt dömubindi í nærbuxunum lyktandi eins og elliheimili hvað þá að honum finnist það. Gagnrýnin er að konur vilji gera eitthvað í þessu fyrir karlana en að láta þrengja þessa vöðva getur aukið unað beggja, lyft sjálfsálitinu hærra og ef jafn vel þótt svo væri ekki, hvað með það að vilja hreinlega gera þetta fyrir manninn sinn.
Mér skilst að það sé mjög algengt að fara í vaginal rejuvenation aðgerðir erlendis auk þess sem boðið er upp á meðferðir án skurðaðgerðar bæði með hljóðbylgjum og laser. Samkvæmt reynslusögum og auglýsingum getur slíkt hvorugtveggja aukið næmni í kynlífi og lagað væga þvagleka. Ég finn ekkert um þetta á Íslandi.
Veit ekki um neina kvensjúkdómalækna eða lýtalækna sem framkvæma þessar aðgerðir, veit ekki hvað þær myndu kallast á íslensku (leggangaþrenging?) og engar snyrtistofur sem eiga þessi hljóðbylgjutæki. Ég myndi glöð eyða öllum mínum sparnaði í þetta en finn ekkert. Gæti farið erlendis en það verður löng bið vegna covid auk þess sem það þarf að endurtaka t.d. hljóðbylgjumeðferirnar á þriggja vikna fresti í fjögur skipti. Það er svo vandræðalegt að tala um þetta að ég varð bara að venta hér og vona auk þess að einhver hér viti um einhvern sem sérhæfir sig í þessu sem ég hef ekki fundið. Ef ég ber mig illa gæti vel verið að ég kæmist á biðlista eftir einhverri þvaglekaaðgerð á Landspítalanum með lista af hættulegum mögulegum aukaverkunum en ég efast um að þau tækju vel í leggangaþrengingu í leiðinni. Svo er ég auk þess með hnúð rétt innan við leggangaropið vegna lélegs saumagangs eftir rif í fæðingu sem ég myndi gjarnan vilja láta fjarlægja eða sauma niður eða eitthvað. Líður eins og ég sé með krabbameinsæxli þegar ég kem við þetta og það er bara ekkert gaman að vera puttaður og líða eins og einhver sé að gera manni greiða á líknardeildinni
HJÁLP!