Hvernig er að taka svefntöflu fyrir svefninn? Er það dýrt? Verð ég þreytt á daginn? Verður erfitt að vakna? Tek ég svefntöflu alla ævi eða?
Er búin að eiga erfitt með svefn síðan ég hætti að taka inn Seroquel fyrir svefninn í desember 2010 (var á því í 1 ár). Ég vakna oft upp á nóttunni, en er samt vanalega ekki lengi að sofna aftur. Á mjög erfitt með að vakna á morgnanna en vakna þó samt því ég verð að ná strætó og má alls ekki koma of seint til vinnu. Er alltaf (oftast!) hrikalega þreytt á daginn, svo þreytt að mig langar stundum að grenja. Stundum fæ ég illt í augun og meika varla að halda þeim opnum það sem eftir er dagsins. Hef sjaldan orku til þess að fara út og hreyfa mig, nenni aldrei neitt á kvöldin því ég bara hef ekki orku í það. Ég bíð alltaf bara spennt eftir því að fara sofa á kvöldin.
Um helgar sef ég mikið. Þó ég sofi í 10-12 tíma á laugardögum eða sunnudögum þá legg ég mig stundum á daginn líka, sem er auðvitað fáránlegt. Oft nenni ég ekki neitt á kvöldin um helgar og vil bara fara upp í rúm, en píni mig þó oftast út. Meira að segja á meðan ég er í partýi eða niðri í bæ eða eitthvað þá hugsa ég um hvað ég hlakka til að fara sofa!
Ég nenni ekki að vera svona lengur og ég er oft búin að tala um þetta við geðlækninn minn og hún hummar bara og segir að ég sé svona þreytt og sofi illa líklega vegna stress og kvíða... sem meikar jú alveg sens. En ég bara GET EKKI verið svona lengur. Mig langar oft að gefast upp á lífinu og sofa bara alla daga!!! Ég er kominn í einhvern djöfulsins vítahring útaf þessu. Sofna hálf stressuð og vona að ég sofi vel í nótt og verði ekki þreytt daginn eftir, tel hvað ég næ að sofa í marga tíma o.s.fr. Er samt með rútínu á svefninum á virkum dögum, en erfiðara að hafa rútínu á svefninum um helgar. Ég fer að sofa milli 22-23 á virkum dögum og vakna klukkan 8. Þetta á auðvitað að vera nægur svefn fyrir mig.
Stundum þarf ég að mæta fyrr í vinnu og þá þarf ég að fara sofa fyrr og vakna fyrr, og það gjörsamlega eyðileggur daginn fyrir mér og eykur kvíðann bara. Ég kvíði fyrir að eignast barn í framtíðinni, verð örugglega of þreytt til að hugsa um það...
Á ég að tala við annan lækni um þetta eða á ég að grenja og garga hjá geðlækninum og heimta lausn?!? Á einhver við sama vandamál að stríða eða hefur fundið lausn á þessu? Ég hugsa um svefn allan daginn! !"#$%!"#%
P.s. sorry hvað þetta var langt. Vildi bara koma því vel á framfæri hvað ég er alltaf viðbjóðslega þreytt og þoli það ekki lengur.
P.s. 2. Er á þunglyndislyfi ef það skiptir máli og er ekkert að fara hætta á því í bráð. En ég var svona líka áður en ég byrjaði á lyfjum.
Og betra að byrja rólega og stækka skammtinn smátt og smátt upp í 3 tsk. Meltingarkerfið þarf aðeins að aðlagast og maður getur fengið niðurgang ef maður fær sér of stóra skammta í upphafi.
Ég fékk mér samt 3 tsk. fyrstu nóttina sem ég tók þetta og ég hef aldrei sofið jafn vel. Og svo var ekkert mál að vakna daginn eftir. Alveg ótrúlegt.
Hefði kannski átt að taka fram að ég hef oft látið tjekka á járni og allskonar. Allt í góðu lagi sem kemur út úr blóðprufum. Þvagið mitt var líka rannsakað og ekkert skrýtið kom úr því.
Anímóna | Getur verið að dagþreytan sé þunglyndiseinkenni?
Það þyrfti að ganga úr skugga um (ef það er ekki búið) að það sé ekki eitthvað líkamlegt að þ.e. með blóðprufum og allsherjar skoðun. Ef þér líður svona á meðferð þá er meðferðin ekki að virka. Kannski stafar þessi líðan ekki af þunglyndi? Amk myndi ég leita til annars geðlæknis til að fá annað álit. Ertu nokkuð búsett á Norðurlandi? Spyr bara þar sem ég veit um einstakan lækni þar sem nennir að hlusta og VILL lækna (ekki geðlæknir reyndar).
---Komdu fram við aðra eins og þú vilt að aðrir komi fram við þig---
kryddkaka | Er búin að fara í fullt af blóðprufum, búið að rannsaka þvagið mitt o.fl. Al...
Er búin að fara í fullt af blóðprufum, búið að rannsaka þvagið mitt o.fl. Allt í góðu þar.
En nei, ég er ekki á Norðurlandi.
Hef reyndar lengi hugsað um að skipta um geðlækni en minn geðlæknir segir að það sé svoddan vesen. Ég þarf að byrja mína sögu upp á nýtt o.s.fr. Og getur tekið langan tíma að finna annan lækni. Er svipað verð hjá geðlæknum annars staðar en á Geðdeild LSH? Hvar eru geðlæknar annars staðar en á LSH?
gúlíver | Þú gætir verið með járnskort eða B 12 skort. Biddu heimilislækni um beiðni í...
Þetta hljómar eins og ég hafi skrifað þetta! Vá! Ég er búin að vera svona, ALLTAF þreytt sama hvað ég geri og hverju ég breytti. Fór á endanum til heimilislæknis, fékk reyndar ekki tíma hjá mínum en lenti á alveg hreint yndislegum lækni! Hann hlustaði á söguna mína og var alveg viss um að ég væri búin að vera undir svo miklu álagi í langan tíma að líkaminn næði ekki að komast í nógu djúpan svefn. Hann vildi að ég tæki svefntöflur í 1 mánuð, bara frekar daufar, bara svo að líkaminn myndi skilja að hann ætti að vera á dýpra svefnstigi. Ég er búin að vera að taka þær í nokkra daga og í dag líður mér eins og ég sé í fyrsta skiptið vakandi í laaaangan tíma! Þær sem ég er á kostuðu ca. 800kr. og eru 30 töflur í pakkanum :) Gangi þér vel
kryddkaka | Frábært að ég er ekki ein svona ;)
Hvað heita þessa töflur, ef ég má vita? ...
Mér finnst þegar svona er komið fyrir einhverjum þá sé þess virði að prófa allt og líka þó það sé að gleypa pillur. Sumir eru móti pillum af því bara. Lyf eru til að hjálpa fólki.
---Komdu fram við aðra eins og þú vilt að aðrir komi fram við þig---
kryddkaka | Iss hef oft reynt að hugsa um eitthvað svona fyrir svefninn haha.
Kanski þetta komi að gagni en ef þú ert að drekka kaffi eða orkudrykki þá raskar það góðri hvíld og eykur streitu og kvíða. Þannig að ef svo er þá gæti það hjálpað til með að minnka stress og kvíða með því að hætta að drekka nokkuð sem inniheldur koffein. Fráhvarfseinkennin geta verið erfið svo þú gætir þurft að byrja á að minnka áður en þú hættir alveg. Raunar er eitt af fráhvarfseinkennunum meiri svefn sem ég skil að þú sért ekki að leita eftir.
En kosturinn er hinsvegar til langstíma er minna stress og minni kvíði, það er nefnilega ótrúlegt hversu mikil áhrif koffein hefur á kvíða og streitu ég er vissulega ekki að segja að þetta sé öll sökin en ef streita og kvíði er farið að há þér daglega þá fyrir alla muni ekki drekka koffein af neinu tagi það gerir bara illt verra.