Fyrir tæpum 2 árum síðan þá lét ég gera upp baðherbergið hjá mér, það gekk á ýmsu við þann sem tók verkið að sér. ( Tek fram að þetta var ekki svört vinna og þeir gefa það út að þeir séu með fagmenn á sínum snærum). Núna sé ég að það eru að koma fram rakaskemmdir í vegg sem liggur að baðherberginu og ég er smeik um að eitthvað sé að leka. Baðherbergið sjálft er flísalagt og ekkert farið að sjást þar enn.

Eftir fyrri kynni mín að þessu fyrirtæki sem sá um verkið þá langar mig nú ekkert sérstaklega að fara í slag við þá en hinsvegar kostaði þetta alveg skrilljón þannig að ef þetta er leki vegna handvöm frá þeim þá vil ég reyna að sækja það til þeirra.
Hvernig byrja ég þessa vegferð mína ?

Hver er ábyrgð verktans í slíkum málum, hver er gildistími á henni ?
Er betra fyrir mig að fá tryggingarfélagið mitt fyrst til að koma og skoða þetta ? Svona áður en ég fer að hjóla í verktakann, nú veit ég ekki ástæðu þessara rakaskemmda það gæti verið að þetta sé að koma frá einhverju öðru en mér finnst það ólíklegt.
Öll ráð vel þegin hvernig best er að standa að þessu þannig að málið fái farsælan endi.