Hæ!! ég er svo heppin að eiga yndislega mömmu ? hún er rétt rúmlega sjötug, á frekar erfitt með gang, og á því miður engin áhugamál. Mig langar svo að gera eitthvað með henni, eins og um helgar. Koma henni aðeins út úr húsi og búa til skemmtilegar minningar. Hvað dettur ykkur, hugmyndaríka fólkinu, í hug?
Misop | það á auðvitað ekki að vera ? þarna. hélt ég gæti gert hjarta :/
Rifjaðu upp hvað hún gerði sér til ánægju og afþreyingar þegar hún var yngri. Kannski vill hún rifja eitthvað af því upp. Á hún hjálpartæki til að komast um? Kannski gæti léttur hjólastóll sem auðvelt er að setja í bíl aukið möguleika ykkar.
Tónleikar gætu verið áhugaverðir, allt eftir því hver spilar. Ýmsar listsýningar og handverkssýningar (sem hægt er að skoða sitjandi í hjólastól!) geta verið fóður í umræðuefni yfir góðum kaffibolla á eftir. Það hafa verið söngstundir í Hannesarholti. Hún gæti haft gaman af bíltúrum út fyrir bæinn (taktu með léttan sólstól) eða til að skoða ný hverfi. Bókasöfnin eru oft með áhugaverða fyrirlestra á kvöldin, ókeypis aðgangur, t.d. í Gerðubergi.
jaðraka | Þú gætir boðið henni að skoða Hallgrímskirkju.
Og já að fara uppí turninn.
...
Þú gætir boðið henni að skoða Hallgrímskirkju. Og já að fara uppí turninn. Síðan er kaffitími í Perlunni þar eru góðar lyftur og gott aðgengi. Bíltúr útí Grótu eða útá Álftanes. Gætir boði henni í Kaffi eða mat Kaffivagninn Granda, Marshall Húsið Granda eða á Kjarvalstaði í kaffi eða snarl. Farðu bara í bíltúr með henni um Reykjavik. Má taka fyrir viss hvrfi í hvert sinn. Já líka hægt að fara niðurá Tjörn í miðbæ Reykjavikur við Ráðhúsið og gefa öndunum brauð. Mátt ekki gleyma Norræna Húsinu og þar í kring og með kaffi. Nú ef hún er áhættusækin þá er þyrlu útsýnisflug boðið frá Reykjavíkurflugvelli.
