Viðgerð á blokk, kostnaður og ráð?

Ef þú átt þær ekki og húsfélagið ætlar ekki að taka lán og dreifa kostnaðinum þá þarft þú að taka lán.

Þetta hefur væntanlega verið rætt á fundum og því vitað í smá tíma.

kv. alboa

Í raun er þetta nýtt og Allir í sjokki osfrv. Sjálfsagt tekur einmitt húsfélagið lán, og fundur er ákveðinn.  Ég er bara að ath hvort þið hafið einhverjar hugmyndir um svona, meina ég er eins græn og hægt er, í raun aldrei tekið lán nema einmitt fyrir íbúðinni. Æi langaði bara að ath hvort einhver hefði lent í álíka og hver þróunin er, og já ég er alveg að fara framúr mér og auðvita kemur þetta allt í ljós ( einsog með sjúkdómsgreiningar hér þá virðist maður bara þurfa að Sjá fleiri álit en hjá doksa)

Ég lenti ekki í þessu, ég mætti á fundi og tók þátt í ákvörðuninni að fara í framkvæmdir. Það var reyndar töluvert minni upphæð en samt upphæð sem ekki allir réðu við. Einhverjir seldu, aðrir tóku lán og enn aðrir áttu upphæðina. En húsfélagið tók ekki lán fyrir þessu nema til að borga upphaflega reikninginn. Svo var sendur einn reikningur á alla og hver íbúð varð að fjármagna þetta.

Þróunin er að það þarf að halda löglegan fund, það fer eftir framkvæmd hversu stór hluti eigenda þarf að samþykkja framkvæmdina. Ef það á að breyta útliti húss þarf að samþykkja það. Svo ákváðum við að fá verkfræðistofu til að halda utan um útboð og framkvæmdina á verkinu. Það voru svo reglulegir fundir um framkvæmdina.


kv. alboa

Bankarnir lána ekki til húsfélaga eins og var. Enda var það galið, oftar en ekki greiddu íbúar 1-2 íbúða ekkert og ströglið og kosnaður við að fá greiðslur var mikill og tímafrekur. Auk þess að lenda á hinum eigendunum sem höfðu nóg með sitt.

Þar sem bankarnir sjá um innheimtu á hússjóði plús framkvæmdasjóði hafa þeir einnig veitt yfirdráttarlán vegna framkvæmda - alla vegana í þeim þremur fjölbýlishúsum sem ég hef haft einhver afskipti af.

Ég hef nú bara ekki hugmyndaflug til að ímynda mér hvað hægt sé að gera við sem kostar "4-5 mill á kjaft" eins og þú skrifar. Ertu viss um að þú skiljir þetta rétt? Hvað þarf að gera við?

Og hvað eru þetta margir "kjaftar" sem þurfa að borga, þ.e. hversu margar íbúðir?

Þetta er gróflega áætlað, en 30 millj á stigaganginn og 8 íbúðir og það þarf að gera við Allt, þetta er gegnumgangandi martröð í bæjarfélaginu :(

Ertu nokkuð í stórri blokk í 105?  ;-)

Það var húsfundur hjá okkur fyrir rúml. 2 vikum og það þarf að gera við blokkina fyrir rúml. 100 milljónir.

Það fengu allir hálgert sjokk á fundinum og það var fremur þungt í fólki hljóðið. Flestir virðast ekki eiga pening fyrir þessu. Hússjóðirnir hafa ekki safnað í framkvæmdsasjóð og eru því galtómir. Það á halda annan fund bráðum, þegar fólk er aðeins búið að melta þetta og hugsa málið.

Ég held að það fyrsta sem þarf að gera og hefur í för með sér mikið jarðrask (og ég býst þá við að það sé ekki hægt að gera það í vetur, eða þegar möguleiki er á frosti), verði ekki gert fyrr en næsta sumar, þar sem allir vertakar hljóta að vera búnir að skipuleggja sumarið hjá sér, og hitt tvennt sem þarf að gera verði gert saman á eftir því (þarf að setja upp stillansa sem er mjög dýrt, þannig að það borgar sig að gera bæði þessi verk saman svo ekki sé farið að borga 2x fyrir stillansana).

Ef við höfum þennan tíma þá hugsa ég að þetta verði 50/50 sparnaður og lán hjá okkur.

það virðist vera kominn tími á flestar blokkir í 105 og 101, er sjálf í 105 í parhúsi og það þarf að taka múrhúðina alveg núna


stundum getur 1 vetur í viðbót í bið gert illt verra, ef um er að ræða raka eða leka

Mamma besta vinar sonar míns býr í þessari blokk sem þú ert að lýsa og hún var að reyna að selja íbúðina sína sem var sett á 32 millur en hún endaði á að selja hana á 28 m vegna þess hvað það þarf að gera mikið þarna. Hún sagði mér að það væru til ca 9 milljónir í sjóð í sínum stigagangi en hún er guðslifandi fegin að vera að losna út úr þessu dæmi en hún kemur því miður mjögg  illa út úr þessari sölu.

,,That which is ideal does not exist"

hver kaupir sér íbúð í ónýtri blokk

Blokkin var glæný þegar íbúðin var keypt árið 1960.




(og þetta er alveg hrikalega vel byggð blokk, mikið af steypu og steypustyrktarjárni í henni og hefur mjög lítið þurft að gera við. Ekkert skrýtið að það þurfi að fara í ýmist viðhald eftir 55+ ár)

Já það er þá greinilega mikil vanræksla á þessari blokk og skrítið að það sé svona lítið í hússjóði

Tja, ef það þarf að klæða blokk - skipta um glugga - drena.

Á að fara klæða hana eða hvað getur kostað svona rosalegan pening? Er þetta bara lítið fjölbýli?

Sæl tjúa litla.
Í fyrsta lagi, þá þarf að samþykkja allar svona framkvæmdir á löglega boðuðum húsfundi, mjög mikilvægt annars geta íbúar mögulega neytað að borga í framkvæmdunum.
Í öðru lagi þá er mun betra að íbúar fjármagni framkvæmdina, en að húsfélagið taki lán.  Ástæðan er að framkvæmdir sem húsfélagið stendur fyrir njóta fremsta veðréttar, en það er bara í eitt ár frá útgáfu reiknings.  Þannig að ef húsfélagið tekur lán og rukkar svo eigendur, þá missir húsfélagið þennan fremsta veðrétt, svo að ef íbúi verður gjaldþrota þá getiði lent í að þurfa að borga hans hluta líka í framkvæmdunum.
Svo er bara að undirbúa vel framkvæmdirnar fá nokkur tilboð og gæta vel að taka hagstæðasta tilboðinu, ekki endilega því lægsta.
Kveðja habe.

Takk kærlega habe, svaraðir ákkúrat því sem þurfti :)

Athugaðu það að þú borgar eftir stærð íbúðarinnar þinnar ( % ).

Tek undir þetta, Sem íbúðareigandi í blokk myndi ég aldrei samþykkja að húsfélagið tæki lán. Það er eðlilegra að hver íbúðareigandi fjárnagni sjálfur sínar skuldbindingar við húsfélagið.

hvernig er þá hægt að framkvæma ef einn neitar að borga...krefja um að selji , hvað tekur það langan tíma, þá gæti mögulega annar neitað , dregist í mánuði ár.

það er bara sett í innheimtu.

Ef sýnt hefur verið fram á að framkvæmdir séu nauðsynlegar og meirihluti hefur samþykkt að fara í þær á ákv tíma þá getur minnihlutinn ekki neitað að greiða sinn hluta. Þeirra hluti fer þá vara í innheimtu.

Það getur tekið tíma en húsfélagið getur já, þá krafist þess að viðkomandi íbúðareigandi selji. Það þýðir um leið að aðrir verða að fjármagna hlut þess sem ekki borgar á meðan á ferlinu stendur, sem því miður getur tekið tíma, alla vega mánuði.

Hvað meinarðu með að framkvæmdir sem húsfélagið standi fyrir njóti fremsta veðréttar?   Húsfélagsgjöld eru forgangskröfur en einungis í eitt ár frá því að þær gjaldfalla og þess vegna er mjög mikilvægt að "leyfa" ekki íbúum í fjölbýli að trassa greiðslur til húsfélagsins. 

Þetta virkar þannig að ef húsfélagið tekur lán þá er það einn fyrir alla allir fyrir einn. Ef húsfélagið stendur ekki í skilum með lánið þá er gengið á þá íbúð í húsinu sem er mest virði, þeas sú íbúð sem ber minst af lánum og er því verðmest lendir í lögtaki vegna vanskila láns húsfélagsins. Því er best að hver íbúð borgi sinn hlut í verkinu ekki húsfélagið.

Þetta virkar þannig að ef húsfélagið tekur lán þá er það einn fyrir alla allir fyrir einn. Ef húsfélagið stendur ekki í skilum með lánið þá er gengið á þá íbúð í húsinu sem er mest virði, þeas sú íbúð sem ber minst af lánum og er því verðmest lendir í lögtaki vegna vanskila láns húsfélagsins. Því er best að hver íbúð borgi sinn hlut í verkinu ekki húsfélagið.

1. notar peningana í framkvæmdasjóðnum
2. húsfélag tekur lán
3. framkvæmdir bíða þar til til eru peningar í framkvæmdasjóði húsfélagsins
4. hver og einn sér um að greiða sinn hluta hvort sem er af sparnaði eða taka lán.


Mér dettur ekkert fleira í hug en efast um að þetta sé tæmandi listi.

http://i.imgur.com/mVrNx4L.jpg

Jú og eitt enn. Það sem er í gangi hjá okkur.


5. greiðslur í framkvæmdasjóð tvöfaldaðar og framkvæmdum forgangsraðað næstu 3 árin.


Þetta eru svipaðar upphæðir og hjá þér allt í allt sem við erum að fara í en gerum þetta á þeim hraða sem framkvæmdasjóðurinn ræður við.

http://i.imgur.com/mVrNx4L.jpg

Ættir að geta sótt um framkvæmdalán? 4-5 milljónir á kjaft er hrikalega mikið, hef ekki heyrt svona tölu áður :( Hvað er þetta stórt fjölbýli og hvað á eiginlega að gera?

Mér dettur í hug klóakið, það getur verið ótrúlega dýrt í viðgerð.

múr og húð á blokk er mjööög dýrt, og ef svona steinun eða málun bætist við er þetta algerlega eðlileg upphæð

Eðlilegast er að hver og einn fjármagni sinn hlut.  Ef húsfélagið tekur lán og einhverjir standa svo ekki í skilum við húsfélagið lendir það e.t.v. í vanskilum og skilvísir eigendur þurfa þá að taka þátt í dráttarvöxtum vegna slóðanna. Það er hægt að fá framkvæmdalán hjá Íbúðalánasjóði - að vísu held ég að það sé ennþá það furðulega ákvæði að menn þurfi að vera með lán hjá sjóðnum fyrir.  

hvað er furðulegt við að skilyrða viðbótarlán við húsæði sem ÍBL er með veðrétt í fyrir? ÍBL er að tryggja aukið verðmæti eignar sem þeir hafa veðrétt í - ekki aukið verðmæti eignar sem einhver annar á veðrétt í.

Hm -jú, það meikar sens, játa það.