Ég er að leita eftir viðmælendum vegna rannsóknar fyrir BA-verkefni mitt í uppeldis- og menntunarfræði við Háskóla Íslands. Viðfangsefni mitt snýr að því að fá að kynnast upplifun og reynslu uppkominna barna (18 ára og eldri) og maka einstaklinga sem hafa verið í afplánun, með áherslu á að fá að kynnast hvernig slíkar fjarverur og aðskilnaður hafa haft áhrif á og mótað fjölskyldutengsl. Ég er að leita eftir viðmælendum þar sem báðir forsjáraðilar hafa verið virkir þátttakendur í uppeldi og uppvexti barnanna, bæði fyrir og á meðan afplánun stóð.
Mér er mikið í mun um að fá viðmælendur þar sem þetta á við og sér í lagi þar sem rannsókn sem þessi hefur ekki verið framkvæmd hérlendis áður. Áhugasamir geta haft samband við mig í gegnum tölvupóst á ghe8@hi.is ef einhverjar spurningar vakna eða eins ef viðkomandi eru áhugasamir um þátttöku – einnig er hægt að hafa samband í gegnum lokuð skilaboð hér.
Fyllsta trúnaðar og nafnleyndar verður gætt við vinnslu rannsóknarinnar, og eins verður gætt að því að ekki komi fram persónurekjanlegar upplýsingar um þátttakendur í neinum gögnum.
Virðingarfyllst og í von um góða aðstoð, Guðrún Helga Ástríðardóttir