Fróðlegt að vita hvað margir hér inni eru í þessum vildarvinahópi :) Fjárfestahópur sem settur var saman af forstjóra Símans, ásamt ótilgreindum hópi vildarviðskiptavina Arion banka, hefur á síðustu sjö vikum fengið að kaupa um 10% hlut í Símanum sem bankinn átti. Salan á hlutabréfunum átti sér stað á sjö vikna tímabili í aðdraganda almenns útboðs á bréfum í fyrirtækinu og var verðmiðinn í fyrrnefndum viðskiptum tugum prósenta lægri en verðlagningin í útboðinu, að því er fram kemur í umfjöllun um mál þetta Morgunblaðinu í dag. Þannig hefur hluturinn sem fjárfestahópurinn og vildarviðskiptavinirnir keyptu ávaxtast um rúmar 720 milljónir króna á þeim sjö vikum sem liðnar eru frá því að bankinn hóf að selja hlut sinn í Símanum.