Undirritaðir lýsa furðu sinni á umfjöllun og nálgun Kastljóss við þessa umfjöllun á þessu málefni sem hér hefur farið fram. Ekki bara þessa umfjöllun heldur alla nálgun Kastljóss við heildrænar lækningar.
Það er með ólíkindum hvernig stærsti fjölmiðill landsins tekur einhliða afstöðu til þessa málaflokks með mjög svo neikvæðum hætti, sem þó er árhundruðum, jafnvel þúsundum eldri en hinar svokölluðu vestrænu lækningar.
Góð fréttamennska byggist upp á viðkomandi fréttamaður skoði mál vel og vandlega og kynnir sér skoðun mála frá sem flestum hliðum við æskjum þess að umsjónarmenn Kastljos viðhafi þá nálgun, annað er áróður og æsifréttamennska á lægsta plani. .
Fyrir þá sem eitthvað hafa kynnt sér þessi mál er það deginum ljósara að stór hluti þeirrar þekkingar sem vestrænar lækningar byggja á eru fengnar frá náttúrunni, að nálgun heildrænna lækninga byggir á því að vinna með jurtum og öðru í sínu náttúrulega formi til stuðnings skjólstæðinga bæði á líkama og anda viðkomandi til heilla.
Að heildrænar lækningar gæta þess í hvívetna að skaða ekki líkama skjólstæðingja sinna með neinu formi eiturs en þannig samsama heildrænar lækningar sig inntaki læknaeiðsins: Að skaða ekki, "Do no harm"
Einnig viljum við undirritaðir benda á að ekki telst eðlilegt að bjóða í beina útsendingu 5 mínútum fyrir lokun vegna fréttaumfjöllunar sem hefur verið í vinnslu í margar vikur.
Það "mannorðsmorð" sem hér hefur átt sér stað er með ólíkindum og ótrúlegt að stærsti og "virtasti" fjölmiðill landsins standi svona að málum.
Við teljum einnig ábyrgð Kastljóss við vinnslu þessarar umfjöllunar ámælisverða, þar sem mikið veiku fólki er þvælt um bæinn í þeim tilgangi að afla efnis í þennan þátt á ólöglegan máta.
Að lokum er það nauðsynlegt að hér komi fram að í báðum tilvikum sem hér er um fjallað leituðu viðkomandi til undirritaðra, ekki öfugt.
Júlíus Júlíusson mætti, að ósk Guðjóns Sigurðssonar, til Guðjóns og gaf þar tíma sinn. Júlíus mætti í 9 skipti hjá Guðjóni samtals 5kls. Hver var hinn raunverulegi tilgangur Guðjóns?
Einnig hafði (nafn vantar) samband við Ólaf Einarsson í heilsubúðina Allt Hitt fyrir Heilsuna í síma nokkrum dögum fyrir heimsókn sína og bað um að fá að koma og ræða við Ólaf um það búnað sem hann og sonur hans hafa hannað og eru með í vottunarferli. Að hvers undirlagi var þessi nálgun?
Í hvorugu tilviki voru það Ólafur eða Júlíus sem leituðu uppi Guðjón og (nafn vantar) til að selja þeim það sem þeir hafa verið að vinna að.
Hafi það komið fram í þessum þætti að Tíðnitæki hafi verið selt dauðvona sjúklingi þá er hefur það verið venja Ólafs Einarssonar að fylgjast með þeim sem keypt hafa tækin. Þegar það var gert í þessu tilviki, nokkrum mánuðum eftir kaup, hafði viðkomandi ekki verið að nota tækið og lá það inni í skáp. Það skiptir ekki máli hvort um lyf eða annað er að ræða, sé það ekki notað þá er langsótt að reikna með árangri.
Við hvetjum alla landsmenn að kynna sér orku jöfnun, krafta og fjölbreytileika vatnsins til bata og tíðnilækningar áður en þeir taka afstöðu til þessara mála. Við hvetjum landsmenn jafnframt til að kynna sér tíðnilækningar á Landspítala Íslands, við fæðingarhjálp á kvennadeildum, við augnlækningar og hjá flest öllum sjúkraþjálfurum landsins.
Virðingarfyllst,
Ólafur Einarsson rafeindaiðnfræðingur og Júlíus Júlíusson rafmagnstæknifræðingur."
Tekið af facebook síðu Kastljóss.
Ég trúi Kastljósi mun frekar en þeim þar sem þessi umfjöllun var mjög vönduð og vel unninn og fréttamaðurinn kynnti sér málin í þaula hjá óháðum aðilum. Niðurstaðan benti eindregið til þess að umrædd lækningartæki væru gagnslaus með öllu og hættuleg heilsu manna.
Svona menn sem eru reiðubúnir að ganga svona langt til að selja veiku fólki svona tækni með gróðasjónarmið í huga eiga að skammast sín og það er hlutverk Kastljóss og RÚV að fletta ofan af svona sölumennsku.