Þegar um fasteignaviðskipti er að tefla er að jafnaði um gríðarlega fjárhagslega hagsmuni að ræða og fólk yfirleitt að eyða mestu af sínu eigin fé og taka á sig fjárhagslegar skuldbindingar, oft tugi ára fram í tímann. Það er því mikilvægt að undirbúa kaupin vel.
Að selja:
Við sölu fasteignar
Þegar kemur að því að selja fasteign eru nokkur einföld atriði sem geta skipt miklu máli varðandi hversu vel salan gengur fyrir sig. Á tiltölulega einfaldan hátt er hægt að gera flestar eignir meira aðlaðandi fyrir sölu en ella og því fylgja hér nokkur góð ráð fyrir söluumeðferð.
Aðkoma
Taktu til í kringum húsið þitt.
- Sláðu blettinn og klipptu runnanna.
- Málaðu glugga og útihurð.
- Sjáðu til þess að húsnúmerið sjáist frá götu.
Það fyrsta sem væntanlegur kaupandi finnur þegar hann kemur inn til þín er lyktin í húsinu, athugaðu því að loftræsta vel.
Aðgengi
Þó þú ætlir ekki að selja innbúið með eigninni þá er staðreyndin sú að innbúið getur haft töluverð áhrif á kaupandann, sérstaklega ef það er of mikið af því. Taktu því til.
Vistarverur
- Nú er rétti tíminn til að henda. Farðu í gegnum alla skápa, grisjaðu í þeim, taktu til og þrífðu.
- Fækkaðu persónulegum hlutum í íbúðinni, pakkaðu þeim.
- Varastu að vistarverur séu yfirfullar af húsmunum, fækkaðu þeim.
- Búðu um.
- Hafðu gólfin hrein, glugga hreina og gardínur snyrtilegar.
- Hreinsaðu geymsluna og ekki gleyma bílskúrnum!
Það eru ýmis atriði sem menn þurfa að hafa í huga sem lúta að leigumálum og má nefna þau lög og reglur sem eru til að fara eftir en einnig eru til leigusamningar sem útgefnir hafa verið af Velferðarráðuneytinu.
Gott er að fara á vef Velferðaráðuneytisins en þar er hægt að sækja margar nytsamlegar upplýsingar.
Það þarf að fara skipulega yfir það sem þarna er og nota reglurnar því þær hjálpa til ef eitthvað kemur uppá á leigutímanum.
Varðandi stærðir á eignum þá er hægt að skoða það hjá Þjóðskrá ríkisins en þarf að vita nákvæmlega hvaða íbúð er um að ræða.
Upplýsingar um gæludýrahald í fjölbýlishúsum eru í lögum frá alþingi
Leiguskoðanir, hvað er það?Þetta er eitt af því sem getur komið sér vel fyrir báða aðila. Þarna er íbúðin skoðuð við afhendingu og gerð skýrsla um ástand íbúðarinnar. Þessi skýrsla er svo notuð til þess að sjá hvort eðlilegt slit sé á íbúðinni eða einhverjar skemmdir hafi komið á leigutímanum.
Skoðunarskýrslan virkar á báða vegu svo að þetta er gott fyrir báða aðila. Það eru mörg dæmi um það að leigusali segir að húsnæðið hafi skemmst á leigutímanum og fer fram á bætur frá leigutakanum. Það er líka gott fyrir leigusalann að hafa skýrsluna þegar leigutakinn hleypur í burtu og skilur eftir skemmt húsnæðið. Þá getur skýrslan orðið forsenda þess að hægt sé að ganga að tryggingunni.
Oftast er það þannig að aðilar skipta með sér kostnaðinum á þessari skoðun.
Hér er hægt að fá nánari upplýsingar um leiguskoðanir á http://eignamat.is/