ninna49 | Kappakstur
Texti Ómar Ragnarsson
Ég keyrði á mínum Kádilják með krómi sleg...
Kappakstur
Texti Ómar Ragnarsson
Ég keyrði á mínum Kádilják með krómi slegið stél
Það var dýrasti bíllinn í bænum og með bestu og stærstu vél
Er allt í einu að mér skaust ein örsmá Fíat lús (bíb bíb)
Við mig að koma í kappakstur, kappinn virtist fús
Bíbb, bíbb, bíbb, bíbb, hann flautaði bíbb, bíbb
Í bræði ég steig á bensínið og bíllinn kipptist við
En bjáninn kom þá eins og asni upp að hægri hlið
Og hrópaði eitthvað og hélt víst að ’ann hefði roð við mér
Ja, hvort ég skal nú kenn’onum hvað Kádiljákur er
Bíbb, bíbb, bíbb, bíbb, hann flautaði enn bíbb, bíbb
Ég steig nú bensínið í botn í bílnum söng og hvein
Ég keyrði yfir hvolp í band’og kona rak upp vein
Hofsvallagötu hentist ég í heljar rykmekki
Sem barst í Vesturbæjarlaug og botninn sást ekki
Bíbb, bíbb, bíbb, bíbb, hann flautaði enn bíbb, bíbb
Leikurinn í bæinn barst sem berserkur ég ók
Þinghúsinu ók ég að og Einar hnefann skók
Gylfi og Emil kampakátir komu að í því
Mér tókst að beygja en tók af stóru tána á Gvendi Í
Bíbb, bíbb, bíbb, bíbb, hann flautaði enn bíbb, bíbb
Ég hentist yfir Hannibal en honum sást ei á
Sem vindbóla hann virtist þar og varð svo lítill þá
Nato sé oss nærri einhver nauðaði eins og fíll
En Hermann sagði ,,skyld’ann vera til sölu þessi bíll?”
Bíbb, bíbb, bíbb, bíbb, hann flautaði enn bíbb, bíbb
Á sama hraða sentumst við um Suðurlandsbrautina
Og upp að mér hann aftur komst við ókum samhliða
Í annað skipti öskrað’ann á mig þessi fír
,,gætuð þér sagt mér hvernig ég á að kom’onum úr öðrum gír?”