9 daga regla

Já þú þarft þess

Hvernig rökstyður þú það? 

Fyrirgefðu, meinti "auðvitað" barnið.
Sonur minn lenti í þessu

Hvernig fór það fram? Var þetta banki? Sorrý forvitnina, finnst þetta áhugavert. :)

Þeir settu einfaldlega á fit og kortið ónothæft þar til búið var að greiða fitið.
Semsé eiginlega hálfgerð kúgun.

Til að svara þá bera foreldrar almennt ekki ábyrgð á því tjóni sem börn þeirra valda nema um saknæman eftirlitsskort sé að ræða. Hins vegar er oft hægt að sækja bætur í heimilistryggingu foreldra, en hún nær einnig til barnanna.


Passaðu að kanna rétt þinn vel áður en þú aðhefst nokkuð. 

Myndi þetta ekki falla undir stórkostlegt gáleysi ef um stóra upphæð er að ræða? En jafnvel þótt þetta væri bara gáleysi þá er barnið eldra en 10 ára og ber því ábyrgð sjálft samkvæmt þessu fyrir neðan. Af vef umboðsmanns barna:

"Þegar barn veldur eignarspjöllum í skóla án þess að það sé viljandi gert, þarf að meta afleiðingar þess hverju sinni. Ef barnið sýndi ekki af sér gáleysi og um hreint óhappatilvik er að ræða ber það ekki ábyrgð. Ef það hefur hins vegar gengið ógætilega um og sýnt af sér gáleysi getur hann borið bótaábyrgð samkvæmt hinni almennu skaðabótareglu. Bótahæfi ræðst af því hvort ætla megi að barn á sama aldri og tjónvaldur hefði skilið að um hættulega hegðun væri að ræða sem væri líkleg til að valda tjóni.

Foreldrar eru ekki ábyrgir fyrir skaðaverkum sem börn þeirra vinna. Foreldrar sem og aðrir sem bera ábyrgð á börnum, s.s. skólar, geta þó borið sjálfstæða skaðabótaábyrgð ef um saknæman eftirlitsskort er að ræða. Hins vegar ná fjölskyldu­tryggingar oft til skaðaverka barna. Ef barn vátryggingartaka veldur tjóni sem ekki er bótaskylt að lögum bætir vátryggingarfélög tjónið ef barnið er yngra en 10 ára. Ef tjónið er hins vegar bótaskylt að lögum, þ.e. barnið hefur sýnt af sér gáleysi, bætir tryggingin það tjón sem börn á heimili vátryggingartaka vinna. Tryggingarnar bæta ekki tjón sem unnið er af stórkostlegu gáleysi eða ásetningi"

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Hvað saknæmismatið varðar þá skipta aðstæður miklu, hve há var upphæðin, mátti barnið ætla að þetta væru peningar þess, hefur barnið nægilegan þroska til þess að átta sig á því að um peninga annarra var að ræða. Var það að víkja frá eðlilegu hegðunarminstri þess (stundum barna almennt) og olli það frávik tjóninu. 


Varðandi heimilistryggingar þá minnir mig að ábyrgðartryggingin undanskilji ekki stórkostlegt gáleysi - en ég er ekki viss. 

Ég myndi neita að borga, Bakfærslan er þeirra mistök & dóttir þín er bara 13 ára. Ég tel það frekar ólöglegt og siðlaust að bakfæra kort hjá barni.

Ég myndi telja að barnið þyrfti að borga þetta til baka. Ef barnið er nógu gamalt til að hafa aðgang sjálft að bankareikningi/korti þá á það að vita að það má ekki eyða pening sem það á ekki.

kv. alboa

Takk fyrir svörin hafði samband. Við bankann og þeir sögðu að þar sem hún er bara 13 àra þá lendir à mér að borga, þetta er um 70 þús. En ætla að tala við þá betur à morgun..

Ertu búin að láta reyna á að skila einhverju af því sem barnið keypti og fá endurgreitt í ljósi aðstæðna? mér finnst þú þurfir að láta barnið læra af þessu, hún þurfi sjálf að vinna á einhvern hátt fyrir þessari endurgreiðslu.

Já èg og dóttir mín förum ì fyrramálið og reynum að fá endurgreitt hún sleppur ekki við það.

og svo kannski fræðirðu hana aðeins um fjármál :)

við gerum öll mistök í lífinu og það er mikilvægt að læra að axla ábyrgð á þeim og bæta fyrir brot sitt.

Eyddi hún bara 70 þús svona allt í einu og án þess að vita hvaðan það kom? 

Er það ekki líka á þína ábyrgð að fylgjast með bankareikningnum hennar?
Hún er bara barn ennþá

Hvað áttu við með bakfærslu? En almenna reglan er sú að foreldrar bera ábyrgð á fjárhag barna sinna. Þegar barnið hefur sótt um reikning og debetkort á sínum tíma hefur forráðamaður væntanlega verið látinn kvitta undir umsókn þar sem m.a. kemur fram að hann geri sér grein fyrir að hann beri ábyrgð.