aðstoð - munstur

Við hliðina á hverjum fyrsta (neðsta) krossi er /, sem sagt að prjóna tvær lykkjur saman. Þannig að þá "hverfur" önnur lykkjan, þ.e. þú prjónar tvær lykkjur saman þannig að í næstu umferð er bara ein lykkja á þessum stað í stað tveggja áður og krossinn táknar að sú lykkja sé "horfin, hún hefur verið sameinuð næstu við hliðina. Krossinn er bara þarna af því rúðustrikað svæði mjókkar ekki upp eins og peysan þín gerir.

já ok, skil núna! 


önnur pæling.. ég á að vera með 169 lykkjur í fyrstu umferð á munstri, munstrið í þeirri umferð er 21 lykkja sem er endurtekin yfir umferðina. þarf lykkjufjöldi munsturs ekki að ganga upp í 169? 

hmmm er eflaust að ofhugsa þetta eitthvað, var að reikna munstur nr 1 sem ég er löngu búin að gera og það gengur heldur ekki upp í lykkjufjölda á bolnum svo ég vind mér bara í þetta 


finnst ég algjör lúði í þessu, mín allra fyrsta lopapeysa :D

ef það er opin peysa þá bætirðu einni lykkju við munstrið, þannig að það sé eins báðum megin við brugðnu lykkjurnar.

ha? uppskriftin er fyrir opna peysu, á ég að breyta eitthvað/bæta við? 

nei er bara að útskýra hvers vegna lykkjufjöldinn stemmir ekki við munstrið

já meinar!  


finnst ég ótrúlega vitlaus að skilja þetta ekki alveg hehe, verð ekkert lítið stolt þegar þetta er búið!

ég er greinilega ekki að skilja þetta rétt.... búin með fyrstu umferð og hún stemmir ekki :( hélt að fyrsta umferð væri 3 ljósar, ein dökk og svo alltaf sex ljósar og ein dökk þar til í lok umferðar kæmu þrjár ljósar (þá væri eins báðum meðgin við op að framan) en ég er með fjórar lykkjur eftir í stað þriggja í lok umferðar.

Er síðasta lykkjan (sú fjórða) ekki bara aukalykkjan?


Í byrjun uppskrifta stendurr: T engið saman í hring og bætið 1 L við. Sú L er alltaf prj br og telst ekki með í lykkjufjölda en er notuð til að sauma í þegar peysan er klippt í sundur.

__________________________________________________________

nei,  hún er lykkja númer 170. það er tekið fram þarna í byrjun að hún sé aldrei talin með í lykkjufjölda 

mynstrið er 7 lykkjur
Mér sýnist þú eiga að vera bara með 169 lykkjur því 24*7=168 og þá gengur mynstrið upp

Miðað við mynstrið eru 3 ljósar, 1 dökk, 2 ljósar í fyrstu umferðinni

ég fann út úr þessu stelpur, þurfti bara að prjóna mig vel upp í munstrinu til þess að fatta hvers vegna þessi "aukalykkja" er þarna. bara eins og með allt annað sem ég hef gert síðan ég byrjaði að fikta við þetta í haust "you learn by doing" og oftar en ekki læri ég mest á mistökunum :) peysan er að verða tilbúin, ég er ofsalega stolt :D