Er þetta ekki bara þannig að við eigum öll að vera áfram með helvítis grímuna fram á haust og óþarfa miklar takmarkanir almennt bara svo að hægt verði að hleypa nokkrum túristum inn í landið í sumar? Því lokaðri sem landamærin eru því meira er hægt að slaka á innanlands svo þetta fer rosalega í mig. Af hverju ekki að reyna að vera bara með sem eðlilegast líf þar til bólusetningu er lokið? Og talandi um bólusetningu, af hverju ekki að semja við nýja aðila til að flýta fyrir? Ísrael er búið að fullbólusetja 50% landsmanna, 10x fleiri en við.
Ég hugsaði 2020 að ég myndi líklegast kjósa næst einn af stjórnarflokkunum en núna er ég alveg kominn í öfugan gír og er búinn að útiloka þá alla.
Við erum ekkert að fara að losna við spillingu á næstunni en væri ekki skárra að leggja bara nokkra milljarða úr ríkissjóði beint inn á hana Ágústu? Spilling já en skárri útgáfa en að fá yfir okkur fleiri bylgjur með tilheyrandi takmörkunum á daglegt líf.
En já reyndar ekki bara þetta dekur við ferðaþjónustuna sem fer í mig heldur er það líka stórmerkilegt hvernig gjörsamlega vanhæfur heilbrigðisráðherra fær bara að starfa áfram eins og ekkert sé á krísutímum.
leonóra | Eðlilegt líf segirðu. Hér eru verslanir opnar, hér er ekki útgöngubann, hé...
Eðlilegt líf segirðu. Hér eru verslanir opnar, hér er ekki útgöngubann, hér erum við ekki að missa ástvini úr covid, hér þarf ekki að svissa starfsfólki milli sjúkrahúsa vegna ofþreytu - svo eitthvað sé nefnt. Mér finnst ég lifa mjög eðlilegu lífi þó ég þurfi öðru hvoru að setja upp grímu og þurfi að neita mér um stórveislur og utanlandsferðir. Hvað með fólkið sem vinnur með grímu allan daginn eins og heilbrigðisstarfsfólk og á ekkert val?
Geiri85 | Ég er nú einn af þeim sem hef ekkert val. Ég vinn í matvöruverslun þar sem é...
Ég er nú einn af þeim sem hef ekkert val. Ég vinn í matvöruverslun þar sem ég er með grímu allan vinnudaginn og ég hef alltaf mætt í vinnuna frá því vorið í fyrra, líka á verstu tímunum þegar flestir voru heima hjá sér, og án þess að vera í neinum sérstökum forgangshóp þegar kemur að bólusetningu. Ég verð sem sagt bólusettur á sama tíma og skrifstofufólkið sem fær að vinna heima hjá sér. Þetta eru þakkirnar frá stjórnvöldum fyrir að mæta og halda lífsnauðsynlegri þjónustu gangandi.
En jú jú það gengur svo sem vel hérna að mörgu leiti en þetta er nú engin ný kenning hjá mér með tengslin milli landamæra og takmarkana, þetta er nú bara eitthvað sem sóttvarnalæknir hefur oft sagt sjálfur.
Og ertu í alvörunni bara sátt með þennan glæsta árangur í bóluefnamálum? Að stjórn sem er sett saman af þremur flokkum sem allir vilja vera utan ESB... þori ekki öðru en að treysta bara á ESB-pakkann. Fjöldinn allur af Evrópuþjóðum er að semja aukalega á meðan við borum í nefið.
leonóra | Auðvitað mætti þetta ganga hraðar. Þið sem eruð í framlínu við afgreiðslu og...
Auðvitað mætti þetta ganga hraðar. Þið sem eruð í framlínu við afgreiðslu og nærþjónustu ættuð auðvitað að standa framar í röðinni. Ég hugsa hlutina þannig að meðan samfélagssmit er í lágmarki höfum við stjórn á aðstæðum og þolanlegra að bólusetnig gangi hægt.
Af hverju ekki að vera með sem eðlilegast líf í sumar?
