Líklega eru til gamlir þræðir um þetta einhvers staðar hérna en læt samt vaða. Ég var að taka eitthvað online asperger próf frá Cambridge skólanum og skoraði 34 á því. Ástæðan er að það hafa nokkuð margir nefnt við mig að líklega sé ég á einhverju svona rófi. Skiptir einhverju máli að fá opinbera greiningu þegar maður er orðinn fullorðinn og fúnkerar alveg í samfélaginu? Þetta háir mér ekkert þannig séð, kannski helst á ég erfitt með að þola hávaða, vera í kringum of mikið af fólki í einu, horfast í augu við fólk þegar ég tala við það, hleypa fólki nálægt mér og það tekur alveg geigvænlega orku frá mér að þurfa að vinna með fólki í hópum (ég hataði hópverkefni eins og pestina í háskólanáminu og endaði alltaf á að gera verkefnin sjálf afþví samnemendur nenntu þessu yfirleitt ekki hvort sem var).
Er bara að spá hvort sé eitthvað sem geti nýst manni ef maður fær opinbera greiningu (t.d. aðgengi að sálfræðiþjónustu o.þ.h.).
svartasunna | Er sjálf í svipuðum pælingum og væri gaman að fá svör.
Held að maður fái e...
Er sjálf í svipuðum pælingum og væri gaman að fá svör. Held að maður fái ekkert uppí hendurnar nema kannski meiri skilning á sjálfum sér og hvers vegna maður bregst svona við hlutum. Ég hafði hugsað mér að það væri fínt að fá greiningu (ef Asperger er málið) uppá að láta aðstandendur vita hvers vegna maður hefur svona litla samskiptaþörf og verður fljótt þreyttur á fólki. Held að afgangurinn sé undir manni sjálfum komið, s.s. hvað maður gerir við greininguna, t.d. veit ég að það eru hópar fyrir einhverfar konur sem hittast af og til.
En það eru fróðir aðilar um þetta hérna sem mega endilega leiðrétta mig ef ég er að bulla.
Ég var í svipuðum pælingum áður en ég fór í greiningu og hélt hún myndi ekki breyta neinu. Hún breytti öllu. Svaraði öllum spurningum sem ég hef haft um tilveruna og ég er loksins orðin hluti af samfélagi fólks sem er einsog ég.
♥
musamamma
svartasunna | Til hvaða aðila fórstu ef èg má spyrja?
Hljómar að miklu leyti líka bara eins og Introvert.
Ég einmitt þoli ekki hópverkefni heldur. Bjó í Dk þar sem þeir eru svo hópverkefna glaðir. Ég var að fara á límingunum. Einhverntímann gerðu þau könnun í bekknum og skrifuðu niðurstöðurnar jafnóðum á töfluna. Og þá var einungis mitt nafn þeim megin þar sem fólk ekki vildi vinna í hóp. En allir hinum megin. Það var smá óþægilegt að horfa á þetta og það fyrir framan alla hina.
LaRose | Ég er introvert og var með kvíðavandamál lengi. Kannast við öll einkennin o...
Ég er introvert og var með kvíðavandamál lengi. Kannast við öll einkennin og ég er ekki Asperger.
Ertu með áhugamál sem fyllir hugann meira en hjá mörgum öðrum? Skilurðu þegar talað er undir rós eða myndmál? Áttu auðvelt með að setja þig í spor annarra? Ertu klaufsk líkamlega? Áttirðu erfitt með að leika við jafnaldra?
Myndi frekar spyrja þessara spurninga, því hitt getur átt við um svo mikið finnst mér.
