Hef mikið verið að velta fyrir mér hvort ég ætti að deila þessu en kannski hefur einhver lent í svipuðu eða haft í huga þegar au pair er annars vegar. Bara svo það sé á hreinu þá treysti ég þeim báðum 200 % og hefði aldrei grunað þau um svik.

En það sem gerðst í stuttu máli þetta erfiða sumar var að ég fór erlendis og í millitíðinni urðu sambýlismaðurinn minn og au pair stúlkan par. Barnið okkar á leikskólaaldri var heima hjá þeim og mér verður óglatt að hugsa til þess að þau hafi verið í rómantískum hugleiðingum með hana í kringum sig. Á sama tíma berstrípuðu þau húsið af mínu dóti og miðbarnsins - sem hann hefur verið stjúpfaðir til margra ára.

Nú bý ég ásamt börnunum á öðrum stað, vil ekki vita af au pair stúlkunni og get ekki hugsað mér að barnið okkar fari til þeirra. Au pair stúlkan kom í janúarlok - og er það í lagi að hún sé orðin stjúpmamma barnanna sisvona? Ekki get ég hugað mér að segja þeim að hún sé orðin kærasta hans. Hvað ef þau hætta saman fljótlega? Eiga börnin að sitja í þessu? Hann er jú hátt á sextugsaldri og hún er 25 ára! Ekki það að aldurinn ráði því endilega en ég held að samband sem byrji svona óheiðarlega geti ekki endað vel.