https://cheezburger.com/7423493/pet-stores-in-the-uk-are-now-banned-from-selling-puppies-and-kittens

Nú meiga gæludýrabúðir ekki selja hunda eða ketti í Bretlandi.

Ef fólk vill fá sér-ræktað hunda eða kattarkyn þá er hægt að fara til ræktenda einsog áður. En flestir fá sér ekki hreinræktuð dýr. Alltof mörg dýr lenda í því að enda á götunni og það er ömurlegt fyrir litlu greyin.
Allir sem vilja fá sér hund eða kött eiga að sjálfsögðu að taka að sér munaðarlaus dýr.

Hérna á Íslandi þekkist því miður of mikið um að fólk fái sér dýr sem þau geta ekki séð um. Sérstaklega í kringum jólin. Of margir fá kött handa börnunum sínum um jólin og fara svo og "skila" þeim aftur í janúar. Í Kaliforníu fékk enginn gefins dýr í desember, þar hefur verið svipað vandamál og hér á landi.

Að taka að sér gæludýr felur í sér ábyrgð sem enginn á að taka með léttúð. Ef kötturinn er ekki "nógu góður" þá fara allt of margir með hann til baka og "skila" dýrinu. Þetta er náttúrulega ekkert annað en slæmt og jaðrar við að kalla það íllsku.

Að ala upp gott gæludýr krefst tíma og kunnáttu og ætti enginn að taka því með léttúð. Það getur tekið tíma að skilja þarfir dýra. Netið er uppfullt af allskonar fróðleik um hvernig á að ala upp dýrin okkar. Hvet ég alla nýja dýraeigendur, sem og gamla, að næla sér í fróðleik til að skilja þarfir dýranna sinna.

Gott fóður kostar yfirleitt meira en það sem fæst út í Bónus. En það endist líka betur og jafnast kostnaðurinn út þegar til langtíma er litið. Stóru merkin eru yfirleitt ekki það besta fyrir dýrin og gætu gert þau viðkvæm fyrir ýmsum sjúkdómum og það kostar ferðir til dýralæknis. Þessvegna sparar fólk alltaf á því að kaupa vandað fóður fyrir dýrin. Svo getur það í mörgum tilfellum komið í veg fyrir ýmis hegðunarvandamál. Ef fóðrið er keypt þar sem dýr eru tekin af götunni, einsog í kattholti, er fólk líka að bjarga öðrum dýrum með því. Svo er líka hægt að styðja við dýralækna með að kaupa af þeim svo að aðstaðn sé sem best þegar þið þurfið á þeim að halda.

Ekki á að gefa köttum mjólk eða saltaðann fisk. Það er eitur fyrir ketti og fáið þið það greitt með niðurgangi og ælupestum. Ferskur fiskur frá fisksala er eina fiskmeti sem á að gefa bæði hundum og köttum. Passið að elda fiskinn vel. Túnfiskur í dós er saltaður og skal hann varast. Sem og fóður sem er gert úr fiskiafurðum.

Pössum vel upp á dýrin okkar. Gefum þeim gott fóður og mikla æfingu og leik. Og þau munu endurgjalda ykkur það með óendanlegri ást og umhyggju til ykkar.