Bið eftir lyfjum í apótekum

Númer eitt, það eru alltaf tveir sem fara yfir afgreiðsluna á lyfseðli til að minnka hættuna á mistökum og númer tvö þá getur starfsfólkið verið að gera fleira en að bíða eftir næsta lyfseðli svo það tekur aðeins lengri tíma. Lögin eru þau sömu alls staðar.

Ég geri ráð fyrir að þú sért að vísa til 35. greinar reglugerðar um gerð lyfseðla og ávísun lyfja, afgreiðslu þeirra og merkingu þar sem segir: "Lyfjafræðingur skal hafa vakandi auga á misritun og öðrum villum, er fyrir kunna að koma á lyfseðli og að lyfseðillinn sé að öðru leyti ritaður í samræmi við gildandi fyrirmæli. Þegar lyfið er tilbúið til afhendingar, skal lyfjafræðingur gæta þess sérstaklega, að rétt sé afgreitt og að lyf sé rétt áritað með því að bera áritun saman við lyfseðil. Skal hann árita merkimiða lyfs og lyfseðilinn fangamarki sínu til staðfestingar, en sá, sem afhendir sjúklingi lyfið, áritar bakhlið lyfseðilsins fangamarki sínu." Það líður nú oftast skammur tími frá því að lyfjapokinn er settur fram og þar til sá sem afgreiðir afhendir hann sjúklingi, þannig að þetta er greinilega ekki það sem veldur töfinni. Það væri áhugavert að vita hvað fleira starfsfólkið er að gera sem gerir það að verkum að ómögulegt sé að forgangsraða þannig að viðskiptavinir á staðnum (sem oft eru sjúklingar) fái afgreiðslu á skikkanlegum tíma.

Bíddu svo að biðin er eftir að manneskjunni í afgreiðslunni þóknast að afgreiða lyfið? Er þá afgreiðslumaðurinn og sá sem er að bíða einir í apótekinu og afgreiðslumaðurinn horfir bara út í loftið og gerir ekkert?

Hringdu á undan þér það ætti kannski flýta fyrir.

Oft líða bara örfáar mínútur, sérstaklega ef enginn er á undan með lyfseðil og lítið að gera í apótekinu. Einnig skiptir máli hvort þú sért bara með 1 lyfseðil eða fleiri. Sumir eru með t.d. 7 lyfseðla og þá tekur þetta tíma. Ef lyfin eru eftirritunarskyld þá tekur þetta enn lengri tíma.

1. Lyfsalinn þarf að skoða lyfseðilinn (stundum er eitthvað skrýtið við hann og lyfsali þarf að hafa samband við lækninn sem skrifaði lyfseðilinn). Svo er lyfseðillinn prentaður út. Rétta lyfið fundið í "lyfjaskránni" í tölvunni og prentaður út miði til að setja utan á lyfjakassann/boxið og miði til að líma á lyfseðilinn og verðmiði til að setja utan á pokann sem lyfið fer ofan í.

2. Lyfsali finnur til rétta lyfið. Þarf að passa að rétt númer sé á miðanum sem límist á lyfjakassann/boxið - að númerið passi við númerið á lyfjakasanum. Svo þarf lyfsali að kvitta á þessa litlu límmiða og einnig á lyfseðilinn.

3. Ef lyfið er eftirritunarskylt þá þarf lyfsali að skrá ýmsar upplýsingar niður, nafn og kennitölu þess sem fær lyfið, heiti lyfs, styrkleikur o.s.fr. Þetta er algjör skylda og Lyfjastofnun fylgist að sjálfsögðu með þessu öllu.

4. Annar starfsmaður gerir nákvæmlega það sama... fer yfir hvort allt sé rétt. Kvittar á lyfseðilinn, límir verðmiðann á pokann og setur lyfið í poka.

Eins og Sassaja skrifar þá er hægt að hringja líka á undan sér og þá er lyfið tilbúið uppí hillu þegar þú kemur að ná í það.

Og svo þarf maður núna að kvitta og sýna skilríki fyrir hver einustu lyf bara til að gera þetta ferli ennþá skemmtilegra :) 

Það þarf alltaf einhverjir að svindla og skemma allt fyrir öðrum sem eru heiðarlegum leik.

Ég efast um að það sé algengt að fólk reyni að svíkja út lyf eins og Zoloft. Ég skil alveg að þetta sé gert með lyf sem eru misnotuð af fíklum en þetta er fulllangt gengið finnst mér. 

Það er verið að misnota zoloft

lol í alvörunni? Hvernig þá? 

Tja éta mikið magn og svo fast í vítahringnum éta meira til að finna áhrifin.

Spes ég hef verið á því í mörg ár og hef aldrei fundið fyrir vímuáhrifum, ekki einu sinni þegar ég tók fyrstu pilluna. Kvíðalyf eins og Sobril allt önnur saga hinsvegar :)

Ertu búin éta mikið magn í einu?